ମଦନପୁର ରାମପୁର ଯେ ଏମ ଏଫ ସି କୋର୍ଟ ନୂତନ କୋଠା ଲୋକାର୍ପିତ

କଳାହାଣ୍ଡି : (ନରେନ୍ଦ୍ର ନେଗୀ) କଳାହାଣ୍ଡି ଜିଲ୍ଲା ମଦନପୁର ରାମପୁର ଏବଂ କେସିଙ୍ଗରେ ନବ ନିର୍ମିତ ଯେ ଏମ ଏଫ ସି କୋର୍ଟର ନୂତନ କୋଠlକୁ ଓଡିଶା ଉଚ୍ଚ ନ୍ୟାୟାଳୟର ମୁଖ୍ୟ ବିଚାରପତି ମାନ୍ୟବର ଡ଼. ଏସ ମୁରଲୀଧର ଲୋକାର୍ପଣ କରିଥିଲେ l ଲୋକାର୍ପଣ ସମୟରେ ଉଚ୍ଚ ନ୍ୟା୍ୟାଳୟ ଜଜ ତଥା କୋଠାବାଡି କମିଟି ଅଧ୍ୟକ୍ଷ ଡ଼.ଜଷ୍ଟିସ ବି ଆର ଷଡ଼ଙ୍ଗୀ, ଉଚ୍ଚ ନ୍ୟାୟାଳୟ ରେଜିଷ୍ଟlର ପ୍ରତାପ କୁମାର ପlତ୍ର,ରେଜିଷ୍ଟlର ଅଖିଳ କୁମାର ପଶ୍ଚିମ କବାଟ, କଳାହାଣ୍ଡି ଜିଲ୍ଲା ଦୌରାଜଜ ଦୀପ୍ତି ରଞ୍ଜନ କାନୁନଗୋ, ଜିଲ୍ଲାପାଳ ପି ଅନ୍ଵେଷା ରେଡି, ଆରକ୍ଷୀ ଅଧିକ୍ଷକ ଅଭିଳାଷ ଜୀ, ଏମ ରାମପୁର ଓକିଲ ସଂଘ ସଭାପତି ଜୟ ନାରାୟଣ ସିଂଦେଓ, ସମ୍ପାଦକ ଯତୀନ୍ଦ୍ର କୁମାର ସାହୁ ନର୍ଲା ବିଧାୟକ ଭୂପିନ୍ଦ୍ର ସିଂ, ଜିଲ୍ଲାପରିଷଦ ଅଧ୍ୟକ୍ଷ ତଥା ବରିଷ୍ଠ ଆଇନଜୀବୀ ପୁଷ୍ପେନ୍ଦ୍ର ସିଂଦେଓ ଏବଂ ଅତିଥି ମାନଙ୍କୁ ଭବ୍ୟ ସ୍ୱାଗତ କରାଯାଇଥିଲା l

ଏହି ଅବସରରେ ବନ୍ଦେ ଉତ୍କଳ ଜନନୀ ଗାନ କରାଯାଇଥିଲା l ଜିଲ୍ଲା ଦୌରାଜାଜ ଶ୍ରୀ କାନୁନଗୋ ସ୍ୱାଗତ ଅଭିଭାଷଣ ପ୍ରଦାନ କରିଥିଲେ l ମୁଖ୍ୟ ଅତିଥି ଏବଂ ସମ୍ମାନିତ ଅତିଥି ମାନେ ଓକିଲ ସଂଘର ନିରନ୍ତର ପ୍ରୟାଶ ଫଳରେ ଏହି ନୂତନ କୋଠା ନିର୍ମାଣ ହୋଇ ପାରିଛି ଯାହା ଅଂଚଳବାସୀଙ୍କୁ ନ୍ୟାୟ ପ୍ରଦାନରେ ସହାୟକ ହୋଇ ପାରିବ ବୋଲି ମତବ୍ୟକ୍ତ କରିଥିଲେ lବରିଷ୍ଠ ଆଇନଜୀବୀ ପୁଷ୍ପେନ୍ଦ୍ର ସିଂଦେଓ, ଗଙ୍ଗାଧର ମହାନ୍ତି, ବିମଳ ଚାନ୍ଦ ଏବଂ ବିଶ୍ୱମ୍ବର ମହାନ୍ତିଙ୍କୁ ମାନପତ୍ର ସହ ସମ୍ମାନିତ କରାଯାଇଥିଲା l ନବ ନିର୍ମିତ ଏହି ବିଚାରଳୟ କୋଠାରେ ସମସ୍ତ ପ୍ରକାର ଆଧୁନିକ ସୁବିଧା ରହିଛି lଏହି କାର୍ଯ୍ୟକ୍ରମ ସାରି ମାନ୍ୟବର ଉଚ୍ଚ ନ୍ୟା୍ୟାଳୟ ମୁଖ୍ୟ ବିଚାରପତି କେସିଙ୍ଗା ଠାରେ ନିର୍ମିତ ଯେ ଏମ ଏଫ ସି ନୂତନ କୋଠାକୁ ଲୋକାର୍ପିତ କରିଥିଲେ l