ବୌଦ୍ଧ :୨୭/୦୪ (ଚିତ୍ତ ରଞ୍ଜନ ସିଂ )ଶ୍ରୀଜଗନ୍ନାଥ ଧାମ ପୁରୀ କୁ ଚଳିତ ବର୍ଷ ରଥ ନିର୍ମାଣ ପାଇଁ ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ମାଧପୁର ରେଞ୍ଜ ଆଡ଼େନିଗଡ଼ ସେକ୍ସନ ରୁ ଗୁରୁବାର ପ୍ରଥମ ପର୍ଯ୍ୟାୟ ରେ ୫୪ ଖଣ୍ଡ ଅସନ କାଠ ପଠା ଯାଇଥିବା ବେଳେ ଦ୍ୱିତୀୟ ପର୍ଯ୍ୟାୟ ରେ ବାକି ୧୨୩ ଖଣ୍ଡ ଅସନ କାଠ ଯିବା ବେଳେ ମୋଟ ଉକ୍ତ ସେକ୍ସ ନ ରୁ ମୋଟ ୧୭୭ ଖଣ୍ଡ ଅସନ ଯିବା ନେଇ ବିଭାଗ ପକ୍ଷରୁ ସୂଚନା ମିଳିଛି l
ଗୁରୁବାର ଦିନ ପ୍ରଥମ ପର୍ଯ୍ୟାୟ ରେ ଯାଉଥିବା ରଥ କାଠ କୁ ଭବ୍ୟ ସମ୍ବର୍ଦ୍ଧନା ସହିତ ନିଆଯାଉଥିବାର ଜଣା ପଡିଛି!ସୂଚନା ଅନୁଯାଇ ୨୦ ଫୁଟ ଲମ୍ବର୧୪ ଖଣ୍ଡ ୧୨ ଫୁଟ ଲମ୍ବର ୪୦ ଖଣ୍ଡ ପ୍ରଥେମେ ପଠା ଯାଇଥିବା ବେଳେ ସମୁଦାୟ ୧୭୭ ଖଣ୍ଡ ଅସନ କାଠ ମାଧପୁର ରେଞ୍ଜ ଅlଡ଼ିପଦର ଜଙ୍ଗଲ ରୁ ରୀତିନୀତି ଅନୁସାରେ ଛେଦନ କରାଯାଇଥିଲା!
ଆଜି ସମୁଦାୟ କାଠ କୁ ୩ ଗୋଟି ଟ୍ରକ ରେ ଲୋଡ଼ କରି ଚାରିଛକ ଦେଇ ଯାଉଥିବା ବେଳେ ଚାରିଛକ ଜଗନ୍ନାଥ ପ୍ରେମୀ ବଜାର କମିଟି ଓ ବିଭିନ୍ନ ଭକ୍ତ ମାନେ ପୁରୁଣା କଟକ ଥାନା ଠାରୁ ପୂଜା ପାଠ ,ହରିବୋଲ ହୁଳହୁଳି ଓ ନାମ ସଂକୀର୍ତନ କରି ବ୍ଲକ ଛକ ପର୍ଯ୍ୟନ୍ତ ଭବ୍ୟ ସମ୍ବର୍ଦ୍ଧନା ରେ ନିଆଯାଇଥିଲା! ପରେ ମାଧପୁର ବନ ବିଭାଗ ପକ୍ଷରୁ ବନ ଦୁର୍ଗା ମନ୍ଦିର ଠାରେ ଉକ୍ତ ରଥ କାଠ ବୋଝେଇ ଟ୍ରକ କୁ ବିଭାଗ ପକ୍ଷରୁ ଭଵ୍ୟ ସ୍ୱାଗତ ସମ୍ବର୍ଧନା ଦିଆଯାଇଥିଲା l ଏହି କାର୍ଯ୍ୟକ୍ରମ ସମୟ ରେ ସ୍ଥାନୀୟ ରେଞ୍ଜ ଅଫିସର ପ୍ରବୀଣ ମହାକୁଡ଼, ଫୋରେଷ୍ଟର ସୁଶୀଲ କୁମାର ହୋତା, ଫୋରେଷ୍ଟ ଗାର୍ଡ ଦୀପକ ପ୍ରଧାନ, ସୁନୀଲ ଖେତୀ, ସୁମନ୍ତ ମଲ୍ଲିକ ପ୍ରମୁଖ ଉପସ୍ଥିତ ଥିଲେ l
