ଧର୍ମଗଡ:୨୭/୪(ହେମନ୍ତ କୁମାର ମାଝୀ) କିଛି ଦିନ ତଳେ ରାଜ୍ୟ କଂଗ୍ରେସ କମିଟି ରେ ଦୁଇ କଳାହାଣ୍ଡି ଯୁବ ନେତାଙ୍କୁ ସାଧାରଣ ସମ୍ପାଦକ ଭାବେ ନିଯୁକ୍ତି ଦେଇଛନ୍ତି । ତୁଲେଶ୍ୱର ନାଏକ ଓ ଦିଗାମ୍ବର ଦୁରିଆ କୁ ଆସ୍ଥା ପ୍ରକଟ କରିଛି କଂଗ୍ରେସ।ଯାହାକୁ ନେଇ କଳାହାଣ୍ଡି କଂଗ୍ରେସ ମହଲରେ ଖୁସିର ଲହରୀ ଦେଖା ଦେଇଛି । ଇତି ପୂର୍ବରୁ ଦୁଇ ଯୁବ ନେତା ସଂଗଠନ କାର୍ଯ୍ୟକ୍ରମରେ ଜିଲ୍ଲାରେ ଗୁରୁତ୍ଵ ଭୂମିକା ତୁଲାଇ ଆସୁଛନ୍ତି । ତୁଲେଶ୍ୱର୍ ନାଏକ ରାଜନୈତିକ କ୍ଷେତ୍ରରେ ୨୦୦୨ ମସିହାରେ ସମିତିସଭ୍ୟ ଭାବେ ନିର୍ବାଚିତ ହୋଇଥିଲେ । ପରେ ୨୦୧୨ ରେ ବ୍ଲକ୍ ଅଧ୍ୟକ୍ଷ ରହିଥିଲେ । ପୂର୍ବରେ ବିଜେଡି ର ଜଣେ ସମର୍ଥକ ରହିଥିବା ବେଳେ କିଛି ମାସ ତଳେ ବିଜେଡି ରୁ ଇସ୍ତଫା ଦେଇ କଂଗ୍ରେସ ରେ ଯୋଗଦାନ କରିଥିଲେ ।
ସେହିପରି ଦିଗାମ୍ବର ଦୁରିଆ ରାଜନୈତିକ ପ୍ରଥମ ଭାବେ ପାଦ ଦେଇ ଧର୍ମଗଡ ଜୋନ୍ ୨ ଜିଲ୍ଲା ପରିଷଦ ସଭ୍ୟ ଭାବେ ନିର୍ବାଚିତ ହୋଇ ରାଜନୈତିକ ଜୀବନ ଆରମ୍ଭ କରିଥିଲେ । ପରେ ପରେ ସମ୍ବୃଦ୍ଧ ଓଡ଼ିଶା ଦଳରେ ସାମିଲ ହୋଇ ଧର୍ମଗଡ ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ଭାବେ ଛିଡ଼ା ହୋଇ ପରାଜିତ ହୋଇଥିଲେ । ଏହା ପରେ କଂଗ୍ରେସ ରେ ସେ ସାମିଲ ହୋଇ ଗତ ୨୦୧୯ ନିର୍ବାଚନରେ ଧର୍ମଗଡ ନିର୍ବାଚନ ମଣ୍ଡଳୀ ବିଧାୟକ ପ୍ରାର୍ଥୀ ଭାବେ ଛିଡ଼ା ହୋଇଥିଲେ । ତେବେ ବହୁ ସମୟରେ ସାଂଗଠାନିକ କାର୍ଯ୍ୟକ୍ରମ ବଜାୟ ରଖିଥିବା ବେଳେ ବିଭିନ୍ନ କାର୍ଯ୍ୟକ୍ରମ କୁ ତୁଲାଇ ଆସୁଥିଲେ ।
ଏଣୁ ପ୍ରଦେଶ କଂଗ୍ରେସ କମିଟି ସାଧାରଣ ସମ୍ପାଦକ ଭାବେ ନିଯୁକ୍ତି ପାଇଛନ୍ତି।ପରେ ଆଗାମୀ ନିର୍ବାଚନ ରେ କଂଗ୍ରେସର ସଂଗଠନ ମଜବୁତ୍ ହେବା। ଅନ୍ୟପଟେ ଦୁହେଁ ଆଗାମୀ ନିର୍ବାଚନ ଆଶାତୀତ ପ୍ରାର୍ଥୀ ଥିବା ନେଇ ସାଧାରଣରେ ଆଲୋଚନା ହେଉଛି। କଳାହାଣ୍ଡି ଜିଲ୍ଲାରେ କଂଗ୍ରେସ ର ସ୍ଥିତି ଦଦୋମାନ ଥିବା ବେଳେ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାରଜୁନ ଖଡଗେ ଦୁହିଁ ଙ୍କ ଉପରେ ଆସ୍ଥା ପ୍ରକଟ କରି ସାଧାରଣ ସମ୍ପାଦକ ଭାବେ ନିଯୁକ୍ତି ଦେଇ କଂଗ୍ରେସ କୁ ସଂଜୀବନୀ ଦେଇଥିବା ଚର୍ଚ୍ଚା ହେଉଛି। ଆଗାମୀ ଦିନରେ ଏହି ଦୁଇ ନେତା କଳାହାଣ୍ଡି କଂଗ୍ରେସ କର୍ମୀ ମାନଙ୍କୁ କେତେ ଆପଣାଇ ପାରୁଛନ୍ତି। ଦେଖିବାକୁ ବାକି ରହିଲା।
