ରାଜ୍ୟର ଚାଷୀ ମାନଙ୍କ ବିଭିନ୍ନ ସମସ୍ୟାର ସ୍ଥାୟୀ ସମାଧାନ ଦାବୀ କରି ଏବଂ ଏହି ଦାବୀ ସଂପର୍କରେ ସଚେତନ କରିବା ଲକ୍ଷ୍ୟରେ ନବ ନିର୍ମାଣ କୃଷକ ସଂଗଠନ ପକ୍ଷରୁ ପୁରୀରୁ ବାହାରିଛି ଲୋକ ସଂପର୍କ ଯାତ୍ରା ।
ସଂଗଠନର ରାଷ୍ଟ୍ରୀୟ ସଂଯୋଜକ ଅକ୍ଷୟକୁମାର ଙ୍କ ନେତୃତ୍ୱରେ ଆସିଥିବା ପ୍ରତିନିଧି ଦଳ ଚାଷୀଙ୍କ ହକ ପାଇଁ ସାରା ରାଜ୍ୟ ପରିକ୍ରମା କରିବାକୁ ଥିବାବେଳେ ଏହି ଯାତ୍ରା ଯାଜପୁର ଗାନ୍ଧୀଛକରେ ପହଂଚିଥିଲା । । ଆସନ୍ତା ମେ ୮ ତାରିଖ ଦିନ ଭୁବନେଶ୍ୱରରେ ପହଂଚିବ ବୋଲି ଘୋଷଣା
କରିଥିଲେ ।
ସଂଗଠନ ପକ୍ଷରୁ ଦୀର୍ଘ ୧୨ ବର୍ଷ ଧରି ପ୍ରାଇସ, ପ୍ରେଷ୍ଟିଜ, ପେନସନ ଦାବୀ ସହିତ କୃଷିଯାତ ସାମଗ୍ରୀର ସହାୟକ ମୂଲ୍ୟ ଦାବୀ ନେଇ ଆନ୍ଦୋଳନ କରାଯାଉଛି । ଏହି ଦାବୀକୁ ଶାଣିତ କରିବା ପାଇଁ ବିଭିନ୍ନ ସଂଗଠକ ଙ୍କୁ ନେଇ ଲୋକସଂପର୍କ ଯାତ୍ରା କରାଯାଉଛି ଏବଂ ଏଥିରେ ଅଧିକରୁ ଅଧିକ ଲୋକେ ସାମିଲ ହେବାକୁ ଶ୍ରୀ କୁମାର ଆହ୍ୱାନ ଦେଇଥିଲେ ।
ଏଥିରେ ଅନ୍ୟମାନଙ୍କ ମଧ୍ୟରେ ରାଜ୍ୟ ସଂଯୋଜକ ଶେଷଦେବ ନନ୍ଦ, ରାଜ୍ୟ ସହସଂଯୋଜକ ନିମାଇଁ ରାୟ, ଉମାକାନ୍ତ ରାଉତ, ରଶ୍ମୀରଂଜନ ସ୍ୱାଇଁ, ମନୱର ଅଲ୍ଲି , ଅଶୋକ ଶାନ୍ତିଙ୍କ ସମେତ ବହୁ ସଂଗଠକ ସାମିଲ ହୋଇ ଅଧିକରୁ ଅଧିକ ଚାଷୀ ଏହି ଯାତ୍ରାରେ ସାମିଲ ହେବାକୁ ଆହ୍ୱାନ ଦେଇଥିଲେ ।
