ଯାଜପୁର:ଯାଜପୁରରେ ପବିତ୍ର ପର୍ବ ଇଦ୍-ଉଲ-ଫିତର ପର୍ବ ପାଳିତ ହୋଇଯାଇଛି । ଏକ ମାସ ଧରି ପବିତ୍ର ରମଜାନ ମାସ ରେ ଉପବାସ ରହି ଭକ୍ତି ଓ ଶ୍ରଦ୍ଧାର ସହ ନମାଜ ପାଠ କରିଥିଲେ । ଆଜିର ଇଦ୍-ଉଲ-ଫିତର ଉପଲକ୍ଷେ ମୁସଲମାନ ଭାଇ ଓ ଭଉଣି ମାନେ ଏହି ଅବସରରେ ନବବସ୍ତ୍ର ପରିଧାନ କରି ଗାନ୍ଧୀଛକସ୍ଥିତ ସାହି ମସଜିଦ୍ ସମେତ ବିଭିନ୍ନ ସ୍ଥାନରେ ଥିବା ଇଦଗା ଓ ମସଜିଦ୍ ଠାରେ ସମୁହ ନମାଜ ପାଠ କରିବା ସହିତ ଦାନ ଧର୍ମ କାର୍ଯ୍ୟ ସମ୍ପାଦନ କରିଛନ୍ତି ।
ପରେ ଘରକୁ ଯାଇ ପରିବାର ଓ ସାହି ବସ୍ତିରେ ପରସ୍ପର ମଧ୍ୟରେ ଆଲିଙ୍ଗନ କରି ଶୁବେଛା ଜ୍ଞାପନ କରିବା ସହ ବନ୍ଧୁମିଳନ କାର୍ଯ୍ୟ ମଧ୍ୟ କରିଛନ୍ତି । ଏହି ଇଦ ପର୍ବରେ ନମାଜ ପାଠ କରିବା ପରେ ଦୁଃଖୀ ଦରିଦ୍ରଙ୍କୁ ଦାନ କରିବାର ପରମ୍ପରା ରହିଛି ।
ଯାଜପୁରରରେ ଥିବା ସାହି ମଦଜିତ୍ ରେ ସମୁହ ନିମାଜପାଠ ପୂର୍ବାହ୍ନ ୯ଟାରେ ଆରମ୍ଭ ହୋଇ ୯.୪୦ରେ ଶେଷ ହୋଇଥିଲା । ଏହି ନମାଜପାଠରେ ଅନ୍ୟୁନ ହଜାରୁ ଉର୍ଦ୍ଧ ମୁସଲମାନ ଭାଇମାନେ ନମାଜ ପାଠକରି ଦାନ, ଧର୍ମ କରିଥିଲେ । ଯାଜପୁର ବିଧାୟକଙ୍କ ପ୍ରତିନିଧି ଭବ ପ୍ରସାଦ ଦାସଙ୍କ ସମେତ କାଉନସିଲର ମାନେ ଉପସ୍ଥିତ ରହି ମୁସଲମାନ ମାନଙ୍କୁ ଶୁଭେଛା ଜଣାଇ ଥିଲେ ।
