ଟିଟିଲାଗଡ:(ସଞ୍ଜୟ କୁମାର ନାୟକ) ସାରା ରାଜ୍ୟରେ ଭୀଷଣ ଗ୍ରୀଷ୍ମ ପ୍ରବାହ ଜାରି ରହିଥିବା ବେଳେ ଟିଟିଲାଗଡ ସହରବି ବାଦ ନ ପଡି ୪୩ ଡିଗ୍ରୀ ତାପମାତ୍ରା ଅତିକ୍ରମ କରିସାରିଥିଲାଣି। ହଠାତ ଶୁକ୍ରବାର ରାତି ତିନିଟଟାରୁ ଅତି ଜୋରରେ ପବନ ବୋହିବା ସହ ଘଡଘଡି ମାରି ସାମାନ୍ୟତମ ବର୍ଷା ପଡ଼ିଥିଲା। ସକାଳୁ ବର୍ଷା ଦିନ ଭଳି ବାଦଳିଆ ପାଗ ହୋଇ ଥଣ୍ଡା ପବନ ବୋହୁଛି।
କିଛି ଦିନର ଉତ୍ତପ୍ତ ସହର ଟିଟିଲାଗଡରେ ଶୁକ୍ରବାର କେବଳ ଫ୍ୟାନ ଲଗାଇ ଲୋକେ ଶାନ୍ତିରେ ସୋଇ ପାରିଥିବା ପ୍ରକାଶ କରିଛନ୍ତି। ପ୍ରାକୃତିକ ପବନର ମଜା, ଥଣ୍ଡା ପରିବେଶ ସହରବାସୀଙ୍କ ପାଇଁ ଏକ ଆନନ୍ଦର ଅନୁଭୂତି। ଯେଉଁ ସହରବାସୀ ବିନା କୁଲର, ବିନା ଏସି ବିନା ଦିନ କାଟିବା କଷ୍ଟକର ହୋଇ ପଡ଼ିଥିଲା ଏବଂ ଭଗବାନ ଙ୍କୁ ଏହି ଖରା ଦାଉରୁ ରକ୍ଷା ପାଇବା ପାଇଁ ତ୍ରାହି ତ୍ରାହି କହୁଥିଲେ,
ସତେ ଯେମିତି ସହରବାସୀଙ୍କ ଦୁଃଖ ବୁଝିପାରି ସୂର୍ଯ୍ୟ ଦେବତା ନିଜେ ରୌଦ୍ର ତାପ କମାଇ ବର୍ଷା ରାଣୀଙ୍କୁ ଧରା ପୃଷ୍ଠକୁ ପୁଷ୍ପ ବର୍ଷା ସ୍ଵରୂପ ଟିଟିଲାଗଡ ସହର ଏବଂ ଆଖପାଖ ଅଞ୍ଚଳରେ ଜଳ ସିଞ୍ଚନ କରିଛନ୍ତି। ସେ ଯାହା ବି ହେଉ ପ୍ରଭୁଙ୍କ କୃପା ଦୃଷ୍ଟି ଏମିତି ରହିଥାଉ ଏବଂ ଆଉ କିଛି ଦିନ ଏହିଭଳି ପାଗ ରହିଲେ ଭଲ ହୁଅନ୍ତା ବୋଲି ସାଧାରଣରେ ଚର୍ଚ୍ଚା ହେଉଛି।
