ସମ୍ବଲପୁର ହିଂସା ପ୍ରତିବାଦରେ କଳାହାଣ୍ଡି ବନ୍ଦ

କଳାହାଣ୍ଡି:( ନରେନ୍ଦ୍ର ନେଗୀ)ସମ୍ବଲପୁର ହିଂସା ପ୍ରତିବାଦରେ ଆଜି ବିଶ୍ୱ ହିନ୍ଦୁ ପରିଷଦ ପକ୍ଷରୁ ୧୪ ଟି ଜିଲ୍ଲାରେ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି l ଏହାର ପ୍ରଭାବ କଳାହାଣ୍ଡି ଜିଲ୍ଲାରେ ମଧ୍ୟ ଦେଖିବାକୁ ମିଳିଛି l ଜିଲ୍ଲା ମୁଖ୍ୟାଳୟ ଭବାନୀପାଟଣା, ଧର୍ମଗଡ଼, ଜୁନାଗଡ଼ରେ ଆଦି ଅଞ୍ଚଳରେ ବନ୍ଦ ପାଳନ କରାଯାଉଛି l

ଏହି ବନ୍ଦ ପାଳନକୁ ବଜରଙ୍ଗଦଳ ଏବଂ ବିଜେପି ସମର୍ଥନ କରିଛି l ଆଜି ସକାଳୁ ବିଶ୍ୱହିନ୍ଦୁ ପରିଷଦ, ବଜରଙ୍ଗଦଳ ଏବଂ ବିଜେପି କର୍ମୀ ମାନେ ପିକେଟିଙ୍ଗ କରି ଦୋକାନ ବଜାର ବନ୍ଦ କରିବାପାଇଁ ନିବେଦନ କରିଛନ୍ତି l ଯାନ ବାହାନ ଚଳାଚଳ ମଧ୍ୟ ବନ୍ଦ ରହିଛି l ସମ୍ବଲପୁରରେ ଶୋଭାଯାତ୍ରା ସମୟରେ ହୋଇଥିବା ହିଂସାକାଣ୍ଡ ର ମୁଖ୍ୟ ଅଭିଯୁକ୍ତକୁ ଗିରଫ କରିବା ଦାବିରେ ଏହି ବନ୍ଦ ପାଳନ କରାଯାଇଛି l

ବିଭିନ୍ନ ହିନ୍ଦୁ ସଂଗଠନ ମଧ୍ୟ ଏହି ବନ୍ଦ ପାଳନକୁ ସହଯୋଗ କରୁଛନ୍ତି l ସକାଳ ୬ ରୁ ସନ୍ଧ୍ୟା ୬  ଯାଏ ୧୨  ଘଣ୍ଟିଆ ବନ୍ଦ ପାଳନ କରାଯାଉଥିବାବେଳେ ଜରୁରୀକାଳୀନ ସେବା ଜାରି ରହିବ ବୋଲି ବନ୍ଦ ପାଳନ କାରି ମାନେ କହିଛନ୍ତି l ଶାନ୍ତିପୂର୍ଣ ଭାବେ ଏହି ବନ୍ଦ ପାଳନ କରାଯାଉଛି l