ବୌଦ୍ଧ:(ଚିତ୍ତରଞ୍ଜନ ସିଂହ)ହରଭଙ୍ଗା ବ୍ଲକ୍ ବାମଣ୍ଡା ପଞ୍ଚାୟତର ବିରିଗଡ ଗ୍ରାମର ପୂର୍ଣ୍ଣଚନ୍ଦ୍ର ପ୍ରଧାନଙ୍କ ଏକ ବଳଦ ଗତକାଲି ଠାରୁ ନିଖୋଜ ଥିଲା। ବହୁ ଖୋଜା ଖୋଜି କରିବା ପରେ ଆଜି ସେ ତାଙ୍କ ବଳଦଟିକୁ ନିକଟସ୍ଥ ନବ ନିର୍ମିତ ଭବଶାଗର ଙ୍କ କୂପ ମଧ୍ୟରେ ଗଳିପଡ଼ି ମର୍ମନ୍ତୁଦ ଆଘାତ ପ୍ରାପ୍ତ ଅବସ୍ଥାରେ ପଡିଥିବାର ଦେଖିବାକୁ ପାଇଥିଲେ ଗ୍ରାମର ଯୁବକମାନେ କୂପ ମଧ୍ୟରୁ ବଳଦଟିକୁ ଉଦ୍ଧାର କରିବା ପାଇଁ ବହୁ ସମୟ ପର୍ଯ୍ୟନ୍ତ ଚେଷ୍ଟାକରି ବିଫଳ ହୋଇଥିଲେ ।ଶେଷରେ ଅଗ୍ନିଶମ ବାହୀନି କୁ ଖବର ଦେଲାପରେ, ଅଗ୍ନିଶମ ବାହିନୀ ଆସି ଘଟଣା ସ୍ଥଳରେ ପହଞ୍ଚିବା ପରେ ଅଗ୍ନିଶମ ବାହିନୀ ଏବଂ ଗ୍ରାମର କିଛି ଯୁବକମାନେ ଉଭୟଙ୍କ ଚେଷ୍ଟାରେ ଶେଷରେ ବଳଦଟିକୁ କ୍ଷତାକ୍ତ ଅବସ୍ଥାରେ ଉଦ୍ଧାର କରିଥିଲେ।
ବଳଦଟିକୁ ଉଦ୍ଧାର ପରେ ଗ୍ରାମବାସୀ ହରଭଙ୍ଗା ଗୋଷ୍ଠୀ ପ୍ରାଣୀ ଚିକିତ୍ସାଧିକାରୀ ଡ଼ା ବୀରେନ୍ଦ୍ର କୁମାର ପୃଷ୍ଟି ଙ୍କୁ ଖବର କଲା ପରେ ତାଙ୍କ ନିର୍ଦ୍ଦେଶ କ୍ରମେ ନିକଟସ୍ଥ ସରସରା ପ୍ରାଣୀଧନ ନିରୀକ୍ଷକ ଶ୍ରୀ ନିରଞ୍ଜନ ପାତ୍ର ଏବଂ ମୈତ୍ରୀ ଶ୍ରୀ ସୁନିଲ କୁମାର ବଘାର ଘଟଣାସ୍ଥଳ କୁ ଯାଇ ବଳଦର ଉପଯୁକ୍ତ ଚିକିତ୍ସା ପ୍ରଦାନ କରିଥିଲେ। ବଳଦଟିର ଚିକିତ୍ସା ପରେ ବଳଦଟି ଏକ ନୂଆ ଜୀବନ ଲାଭ କଲା ବୋଲି ବିରିଗଡ଼ ଗ୍ରାମବାସୀ ସନ୍ତୋଷ ବ୍ୟକ୍ତ କରିଥିଲେ। ବଳଦଟିକୁ ଉଦ୍ଧାର କାର୍ଯ୍ୟକ୍ରମରେ ନିର୍ମଳ,କୃତିବାସ,ବିଶି ଭୋକ୍ତା,ପୂର୍ଣ୍ଣ, ଅଭିଳ,ମୁନୀ,ବଲ୍ଲଭ, ପ୍ରଶାନ୍ତ ଆଦି ଗ୍ରାମର ଯୁବକ ମାନେ ଉଦ୍ଧାର କାର୍ଯ୍ୟରେ ସହଯୋଗ କରିଥିଲେ।
