ଯାଜପୁର :ଆରମ୍ଭ ହୋଇଛି ଯାଜପୁର ଜିଲ୍ଲାର ଅନ୍ୟତମ ଶକ୍ତିପୀଠ କୁଆଁସ ମଙ୍ଗଳାଙ୍କ ମହୋତ୍ସବ। ୩ ଦିନ ଧରି ହେବାକୁ ଥିବା ଏହି ମହୋତ୍ସବ ରେ ଆଖ ପାଖ ଅଂଚଳର ହଜାର ହଜାର ଶ୍ରଦ୍ଧାଳୁ ସାମିଲ ହୋଇ ମା ଙ୍କ ଆଶ୍ରିବାଦ ଭିକ୍ଷା କରିଛନ୍ତି। ମନ୍ଦିର କମିଟି ପକ୍ଷରୁ ଶ୍ରଦ୍ଧାଳୁ ମାନଙ୍କ ଶୃଙ୍ଖଳିତ ଦର୍ଶନ ପାଇଁ ବ୍ୟାପକ ବନ୍ଦୋବସ୍ତ କରାଯାଇଛି।
ପବିତ୍ର ପଣା ସଂକ୍ରାନ୍ତି ଠାରୁ ଆରମ୍ଭ ହୋଇଛି ଯାଜପୁର ଜିଲ୍ଲାର ଅନ୍ୟତମ ଶକ୍ତିପୀଠ କୁଆଁଶ ମଙ୍ଗଳା ଙ୍କ ମହୋତ୍ସବ। ଏଥି ପାଇଁ ପୁରା ଅଂଚଳ ଚଳ ଚଞ୍ଚଳ ହୋଇ ଉଠିଛି। ବିଶ୍ବାସ ରହିଛି ଆଜିର ଦିନରେ ମାଙ୍କ ଦର୍ଶନ କଲେ କୋଟି ଜନ୍ମ ର ପାପ କ୍ଷୟ ହୋଇଥାଏ।
ମାଙ୍କ ଦର୍ଶନ ପାଇଁ କାହିଁ କେତେ ଆଡୁ ହଜାର ହଜାର ଶ୍ରଦ୍ଧାଳୁ ଏକାଠି ହୋଇଛନ୍ତି ମା ଙ୍କ ପୀଠରେ। ସମସ୍ତେ ମା ଙ୍କୁ ଦର୍ଶନ କରି ନିଜ ମନ କାମନା ପୁରଣ ପାଇଁ ନିବେଦନ କରିଛନ୍ତି।
