ଖପ୍ରାଖୋଲ: ୧୪/୪( ତାପସ ରଞ୍ଜନ ବେହେରା) ଖପ୍ରାଖୋଲ ବ୍ଲକ ଧଣ୍ଡାମୁଣ୍ଡା ପଞ୍ଚାୟତ ଶାନ୍ତିପୁର ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ର ର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ଅବସରରେ ରେ ଆୟୋଜିତ ବାର୍ଷିକ ଉତ୍ସବ ରେ ଶିକ୍ଷା କେନ୍ଦ୍ରର ପରିଚାଳନା ମୁଖ୍ୟ ଭରତ ସାହୁ ଅଧ୍ୟକ୍ଷତା କରିଥିବା ବେଳେ ଶିକ୍ଷା କେନ୍ଦ୍ର ର ଅଧ୍ୟକ୍ଷା ମିନତି ସାହୁ ବିବରଣୀ ପଠନ କରିଥିଲେ
ମୁଖ୍ୟ ଅତିଥି ରୂପେ ପାଟଣାଗଡ ଉପଜିଲ୍ଲପାଳ ଡ଼ା ବିଜୟାନନ୍ଦ ସେଠି , ମୁଖ୍ୟ ବକ୍ତା ରୂପେ ପଦ୍ମପୁର ଅଞ୍ଚଳ ମହାବିଦ୍ୟାଳୟ ର ଅଧ୍ୟାପିକା ତାପିନି ପଣ୍ଡା , ସମ୍ମାନିତ ଅତିଥି ରୂପେ ଖପ୍ରାଖୋଲ ବିଡ଼ିଓ ରଶ୍ମିରଞ୍ଜନ ରାଉତ, ବ୍ଲକ ଅଧ୍ୟକ୍ଷା ନିରୁପମା ପଟେଲ, ଧଣ୍ଡାମୁଣ୍ଡା ସରପଞ୍ଚ ବୈଦ୍ୟନାଥ ମିଶ୍ର , ଅନୁଷ୍ଠାନ ର ଉପଦେଷ୍ଟା ଜଗଦା ନନ୍ଦ ବେହେରା ପ୍ରମୁଖ ଯୋଗ ଦେଇଥିଲେ।
ବିଦ୍ୟା ଅଧ୍ୟୟନ ସହ ଉତ୍ତମ ଚରିତ୍ର ଗଠନ ପାଇଁ ସଂକଳ୍ପ ନେବାକୁ ବକ୍ତାମାନେ ଛାତ୍ରୀ ଛାତ୍ର ଙ୍କୁ କହିଥିବା ବେଳେ ଦେଶ ସେବାରେ ମନ ନିବେଶ କରିବାକୁ କହିଥିଲେ । ଏହି ଅବସରରେ ଛାତ୍ରୀ ଛାତ୍ର ମାନେ ବିଭିନ୍ନ ଦେଶତ୍ମ ବୋଧକ ନାଚ ଗୀତ ପରିବେଷଣ କରିଥିଲେ । ଶେଷରେ ଦେବାକାନ୍ତ ପାଣିଗ୍ରାହୀ ଧନ୍ୟବାଦ୍ ଅର୍ପଣ କରିଥିଲେ।
