ଟିଟିଲାଗଡ:(ସଞ୍ଜୟ କୁମାର ନାୟକ)ଟିଟିଲାଗଡ଼ର ପ୍ରସିଦ୍ଧ ଧବଳେଶ୍ଵର ମନ୍ଦିରରୁ ରାତି ଅଧରେ ଭିତରେ ଥିବା ଦାନ ବାକ୍ସ ଚୋରି ହୋଇଥିବା ଅଭିଯୋଗ ହୋଇଛି। ଖବର ପାଇ ରାତିରେ ଥାନାଧିକାରୀ ଶ୍ରୀ ରଞ୍ଜନ କୁମାର ବରିହା ଏବଂ ସଦଳବଳ ମନ୍ଦିରକୁ ଯାଇ ସ୍ଥିତି ଅନୁଧ୍ୟାନ କରି ସାଇଣ୍ଟିଫିକ ଟିମକୁ ଡକାଇଥିଲେ ।
ସକାଳେ ସାଇଣ୍ଟିଫିକ ଟିମ କୁକୁର ସାହାଯ୍ୟରେ ମନ୍ଦିର ଭିତର ଏବଂ ବାହାରକୁ ଯାଇ ଖୋଜା ଖୋଜି କରିଛନ୍ତି, ଟିମ ସହ ଏସଡିପିଓ ଶ୍ରୀମତି ଅଙ୍କିତା କୁମ୍ଭାର, ଥାନାଧିକାରୀ ରଞ୍ଜନ କୁମାର ବରିହା ଏବଂ ପୋଲିସ ଟିମ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ତେବେ ଚୋରି ଖବର ପାଇ ପୋଲିସ ସହର ଚାରିପଟେ ଖୋଜାଖୋଜି ଜାରି ରଖିଛି। ଚୋରକୁ ଧରିବାକୁ ବ୍ୟାପକ ସର୍ଚ ଜାରି ରହିଛି।
