ଖପ୍ରାଖୋଲ : (ତାପସ ରଞ୍ଜନ ବେହେରା) ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ଧଣ୍ଡାମୁଣ୍ଡା ପଞ୍ଚାୟତ ମାଲପଡା ଠାରେ ଓମ୍ ବୈଦିକ ସାଂସ୍କୃତିକ ପରିଷଦ ତରଫରୁ କେନ୍ଦ୍ର ସଂକୃତି ମନ୍ତ୍ରାଳୟ ସହାୟତାରେ ଗ୍ରାମୀଣ ଲୋକ କଲା ସଂଚାର ମହୋତ୍ସବ ସୋମବାର ଉଦଘାଟିତ ହୋଇଯାଇଛି। ଉଦଘାଟନୀ ଉତ୍ସବରେ ବୈଦିକ ସଂସ୍କୃତିକ ପରିଷଦ ସଭାପତି ଭାରତ ସାହୁ ଅଧ୍ୟକ୍ଷତା କରିଥିବା ବେଳେ ମୁଖ୍ୟ ଅତିଥି ରୂପେ ବଲାଙ୍ଗିର ଜିଲ୍ଲା ସଂସ୍କୃତି ଅଧିକାରୀ ରଶ୍ମିରଞ୍ଜନ ମିଶ୍ର, ମୁଖ୍ୟ ବକ୍ତା ରୂପେ, ଜିଲ୍ଲା ସଂସ୍କୃତି ସଂଘ ଉପ ସଭାପତି ନାଟ୍ୟ ଭୂଷଣ ଜଗଦାନନ୍ଦ ଛୁରିଆ , ସମ୍ମାନିତ ଅତିଥି ରୂପେ ବରିଷ୍ଟ କଳାକାର ହରିବୋଲ ପୋଡ଼, ପଶ୍ଚିମ ଓଡ଼ିଶା ଲୋକ କଲା ପୁନରୁଦ୍ଧାର ସମିତି ସଭାପତି ଅମିଲ ପୁଟେଲ , ସୁନାରାମ ପୁଟେଲ , ଜିଲ୍ଲା ସଂଯୋଜକ ମିନିକେତନ ପଧାନ, ଅଭୟ ତ୍ରିପାଠୀ , ବାଲ କୃଷ୍ଣ ତ୍ରିପାଠୀ ପ୍ରମୁଖ ଯୋଗ ଦେଇଥିଲେ।
ଏହି ଅବସରରେ ବୈଦିକ ସଂସ୍କୃତିକ ପରିଷଦ ସମ୍ପାଦକ ଥବିର ଚରଣ ସାହୁ କାର୍ଯ୍ୟକ୍ରମର ବିବରଣୀ ପଠନ କରିବା ସହ ବିଲୁପ୍ତ ଲୋକ କଲା ଲୋକ ସଂସ୍କୃତି କୁ ପୁନରୁଦ୍ଧାର ପାଇଁ ଆହ୍ବାନ ଦେଇଥିଲେ। ଏହି ଅବସରରେ ଜିଲ୍ଲା ତଥା ଜିଲ୍ଲା ବାହାରୁ ସଂଚାର ,ଖଞ୍ଜଣି , କରମ ସାନି , ଘୁଡ଼କା ନାଚ ଓ ବିଭିନ୍ନ ଲୋକ ନୃତ୍ୟ, ଲୋକ ବାଦ୍ୟା ପରିବେଷଣ ହୋଇଥିଲା । କାର୍ଯ୍ୟକ୍ରମକୁ ବିନୋଦ ପ୍ରଧାନ ପରିଚାଳନା କରିଥିଲେ। ଏହି ଅବସରରେ କଳାକାରଙ୍କୁ ଉପଢୌକନ, ମାନ ପତ୍ର ଦେଇ ସମ୍ବର୍ଦ୍ଧିତ କରାଯାଇ ଥିବା ବେଳେ ତିନି ଦିନ ଧରି ମହୋତ୍ସବ ହେବ ବୋଲି ଜଣାଯାଇଛି।
