ଖପ୍ରାଖୋଲ : (ତାପସ ରଞ୍ଜନ ବେହେରା) ବଲାଙ୍ଗିର ଜିଲ୍ଲା ଖପ୍ରାଖୋଲ ପୋଲିସ ଜାଲ ନୋଟ କାରବାର ରେ ଜଣକୁ ଗିରଫ କରି ସୋମବାର ଦିନ କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ଜଣକ ହେଲେ ଲାଠୋର ଥାନା ପିପଲବାହାଲ ଗାଁ ର ବ୍ରହ୍ମା ମେହେର ( ୩୨) ବୋଲି ପୋଲିସ ସୂଚନା ଦେଇଛି। ସୂଚନା ଅନୁସାରେ ଅଭିଯୁକ୍ତ ଜଣକ ରବିବାର ଅପରାହ୍ନ ରେ କପସିପାଲି ଓ ଖପ୍ରାଖୋଲ ରେ ଜାଳ ନୋଟ ଦେଇ ସଉଦା କିଣିବା କୁ ଉଦ୍ୟମ କରୁଥିବା ବେଳେ ଖପ୍ରାଖୋଲ ପୋଲିସ ସୂଚନା ପାଇ ଅଭିଯୁକ୍ତ ଙ୍କୁ ଧରିବାରେ ସଫଳ ହୋଇଥିଲେ ।
ଅଭିଯୁକ୍ତ ଠାରୁ ୮ ଖଣ୍ଡ ପାଞ୍ଚଶହ ଟଙ୍କିଆ , ୭ ଖଣ୍ଡ ଦୁଇଶହ ଟଙ୍କିଆ , ୧୧ ଖଣ୍ଡ ଶହେ ଟଙ୍କିଆ ଜାଳ ନୋଟ ଜବତ କରିଥିବା ପୋଲିସ ସୂଚନା ଦେଇଛି। ତଦନ୍ତ ସମୟରେ ଅଭିଯୁକ୍ତ ର ଘରୁ ଜାଲ ନୋଟ ସହ ନଗଦ ୩୧ ହଜାର ୭୦୦ ଟଙ୍କା ଜବତ କରିଥିବା ଜଣାଯାଇଛି । ଏନେଇ ଖପ୍ରାଖୋଲ ଥାନା କେସ ନମ୍ବର ୩୩/୨୩ ରେ ବିଭିନ୍ନ ଦଫାରେ ଏକ ମାମଲା ରୁଜୁ କରି ଅଭିଯୁକ୍ତ ଙ୍କୁ ସୋମବାର କୋର୍ଟ ଚାଲାଣ କରାଯାଇ ଥିବା ଥାନା ଏସ ଆଇ ଗୋପିନାଥ ମହାକୁଡ ପ୍ରକାଶ କରିଛନ୍ତି। ତଦନ୍ତ ର ନେତୃତ୍ୱ ପାଟଣାଗଡ ଏସ ଡି ପି ଓ ଜ୍ୟୋତିର୍ମୟ ଭୁକ୍ତା ନେଇଥିବା ବେଳେ ଜାଲ ନୋଟ୍ କାରବାର ର ଚେର ଖୋଜୁଥିବା ଜଣାଯାଇଛି।
