କାଶୀପୁର : (ଅଞ୍ଜନ କୁମାର ନାଏକ) ରାୟଗଡା ଜିଲ୍ଲା କାଶୀପୁର ବ୍ଲକ ମିଳିତ ପ୍ରାଥମିକ ଶିକ୍ଷକ ସଂଘ ପକ୍ଷରୁ ଆଜି ଏକ ପ୍ରସ୍ତୁତି ବୈଠକ ଅନୁଷ୍ଠିତ ହେଇଯାଇଛି । ରାଜ୍ୟ ମିଳିତ ପ୍ରାଥମିକ ଶିକ୍ଷକ ମହାସଂଘ ନେତୃତ୍ୱରେ ଗତ ୨୦୨୨ ମସିହାର ନଭେମ୍ବର ମାସ ଠାରୁ ଆରମ୍ବ ହେଇଯାଇଥିବା ଆନ୍ଦୋଳନ ରେ ୩ ଦଫା ସମ୍ବଳିତ ଦାବି କୁ ନେଇ ଲକ୍ଷାଧିକ ଶିକ୍ଷକ ରାଜ୍ୟ ରାଜଧାନୀ ଆନ୍ଦୋଳନ ରେ ଯୋଗ ଦେଇଥିଲେ । ଫଳରେ ରାଜ୍ୟର ଶିକ୍ଷା ବ୍ୟବସ୍ଥା ଏକପ୍ରକାର ଠପ ହେଇଯାଇଥିବା ବେଳେ ଅଣାୟତ ସ୍ଥିତି କୁ ସୁଧାକରିବାକୁ ସରକାର ଡିସେମ୍ବର ୨୯ ତାରିଖରେ ସଙ୍ଘ ନେତୃବୃନ୍ଦ ସହିତ ବିଭାଗୀୟ ସଚିବ ଓ ମୁଖ୍ୟଶାସନ ସଚିବ ମଧ୍ୟରେ ଏକ ଆଲୋଚନା ସ୍ଥିର ହେଇଯାଇଥିଲା ।
ପୁଣି ଉକ୍ତ ଦାବି ଗୁଡିକୁ କାର୍ଯ୍ୟକ୍ଷମ କରିବାକୁ ସରକାର ପକ୍ଷରୁ ପ୍ରତିଶ୍ରୁତି ଦେଇଥିବା ବେଳେ ମହାସଂଘ କୁ ଆନ୍ଦୋଳନ ପ୍ରତ୍ୟାହୃତ କରିବାକୁ ଅନୁରୋଧ କରିଥିଲେ । କିନ୍ତୁ ପ୍ରତିଶୃତି ର ଦୀର୍ଘଦିନ ବିତିଯାଇଥିଲେ ମଧ୍ୟ ସରକାର ଏ ଦିଗରେ ଦୃଷ୍ଟି ଦେଉନାହାନ୍ତି । ଏଭଳି ସ୍ଥିତିରେ ରାଜ୍ୟ ମିଳିତ ପ୍ରାଥମିକ ଶିକ୍ଷକ ମହାସଂଘ ପୁନର୍ବାର ଉକ୍ତ ଦାବି ପୂରଣ ନିମନ୍ତେ ଦେଇଥିବା ଆହ୍ଵାନ କ୍ରମେ ଆଜି କାଶୀପୁର ବ୍ଲକ ଶିକ୍ଷକ ସଂଘ ସଭାପତି ସମନାଥ ଗରଡ଼ା ଙ୍କର ନେତୃତ୍ୱ ଓ କାର୍ଯ୍ୟକାରୀ ସଭାପତି ଅରୁଣ ନାଏକ ଙ୍କର ପରିଚାଳନା ରେ କାର୍ଯ୍ୟରତ ଶତାଧିକ ଶିକ୍ଷକ/ଶିକ୍ଷୟିତ୍ରୀ କାଶୀପୁର ବ୍ଲକ ଅନ୍ତର୍ଗତ ଡୁଦୁକା ବାହାଲ ପ୍ରାଥମିକ ବିଦ୍ୟାଳୟର ପରିସରରେ ଏକତ୍ରିତ ହୋଇ ଥିଲେ ।
ବୈଠକରେ ଉକ୍ତ ଦାବି କୁ ନେଇ ପୁନର୍ବାର ଆନ୍ଦୋଳନ ପାଇଁ ଅଣ୍ଟା ଭିଡ଼ିବାକୁ ଓ ମହାସଂଘ ର ନିଷ୍ପତ୍ତି ପ୍ରକାରେ ଚଳିତ ଫେବ୍ରୁଆରୀ ୨୭ ତାରିଖ ଠାରୁ ଭୁବନେଶ୍ୱର ପହଞ୍ଚି ନିଜ ନିଜର ବିଧାୟକ ଙ୍କୁ ବାସଗୃହ ରେ ଦାବି ଓ ପରବର୍ତ୍ତୀ ସମୟରେ ଜୋରଦାର ଆନ୍ଦୋଳନ ରେ ଯୋଗ ଦେବାକୁ ଆଲୋଚନା ସମ୍ମତି ପ୍ରକାଶ ପାଇଥିଲା । ଉକ୍ତ ବୈଠକରେ ଯୋଗ ଦେଇଥିବା ଶତାଧିକ ଶିକ୍ଷକ ଶିକ୍ଷୟିତ୍ରୀ ମଧ୍ୟରୁ କମଳା କାନ୍ତ ପଟ୍ଟନାୟକ ,ହେମନ୍ତ ମହାରଣା, ଲିପ୍ତ କେଶରୀ ବେହେରା, ଚନ୍ଦ୍ରାବତୀ ପଣ୍ଡା, ଅନୁରାଧା ଦେ, ଅନିତା ବେହେରା, ଅରୁଣ କୁମାର ନାୟକ, ପୁରୋସ୍ତମ ନାଏକ,ମହେନ୍ଦ୍ର ବେହେରା, ବିଜୟ କୁମାର ଭୋଳ,ତୃଷାନ୍ତ ନାଏକ, ଦଶରଥ ନାଏକ,ବିରଞ୍ଚି ସେଠି, ତ୍ରିଦେଵ ବିଡିକା , ପ୍ରଭାତ କୁମାର ମିଶ୍ର ଓବିକ୍ରମ ବେହେରା ଅନ୍ୟ ପ୍ରମୁଖ ଉପସ୍ଥିତ ଥିଲେ ।
