ଟିଟିଲାଗଡ : (ସଞ୍ଜୟ କୁମାର ନାୟକ) କୋସଲି ଭାଷା ପ୍ରେମୀ ମାନଙ୍କୁ ନେଇ ଦୁଇ ଦିନିଆ ଜାତୀୟ ସ୍ତରୀୟ କୋସଲି ଭାଷା ସମ୍ମିଳନୀର ଉଦଯାପନୀ ଉତ୍ସବରେ ଏକ ସ୍ଵରରେ ସମସ୍ତେ ଶପଥ ନେଲେ ଯେତେ ଦିନ ଯାଏଁ ସରକାର ସାମ୍ବିଧାନିକ ଅଧିକାର ନ ଦେଇଛନ୍ତି ସେତେଦିନ ଯାଏଁ ଜାରି ରହିବ ଆନ୍ଦୋଳନ। ଦିତୀୟ ଦିନ ଜାତୀୟ କୋସଲି ଭାଷା ସମ୍ମିଳନୀରେ ସକାଳ ୧୦ ରୁ ୧୨ ଘଣ୍ଟା ଯାଏଁ କୋସଲି ପ୍ରବନ୍ଧ ପାଠ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଶ୍ରୀ ସେବକ ଚରଣ ଦାସଙ୍କ ସଭାପତିତ୍ବରେ ଏହି ପ୍ରବନ୍ଧ ପାଠ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା, ଏଥିରେ ମୁଖ୍ୟ ଅତିଥି ଭାବେ ଶ୍ରୀ ଘାସିରାମ ମିଶ୍ର, ସମ୍ମାନୀତ ଅତିଥି ଭାବେ ଶ୍ରୀମତି ରଞ୍ଜୁବାଳା ବେହେରା ,ଡ ଗୋବର୍ଦ୍ଧନ ସାହୁ ,ଡ ପରମେଶ୍ବର ମୁଣ୍ଡ , ଡ ବ୍ରଜ ମୋହନ ମେହେର ଅତିଥି ହୋଇଥିବା ବେଳେ ମଞ୍ଚ ପରିଚାଳନା କରିଥିଲେ ଶ୍ରୀ ଜ୍ୟୋତି ପ୍ରକାଶ ଗଡତିଆ ଏବଂ ଧନ୍ୟବାଦ୍ ଜ୍ଞାପନ କରିଥିଲେ ଶ୍ରୀ ବୃନ୍ଦାବନ କୁମ୍ଭାର।
ଉଦଯାପନୀ ସଭାଟି ଶ୍ରୀ ଭିକାରୀ ଚରଣ ମିଶ୍ରଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିବା ବେଳେ ମୁଖ୍ୟ ଅତିଥି ଭାବ ତଥା ମୁଖ୍ୟ ଆକର୍ଷଣ ଥିଲେ ପଦ୍ମଶ୍ରୀ ହଳଧର ନାଗ, ସମ୍ମାନିତ ଅତିଥି ଭାବେ ଶ୍ରୀ ଘିନୁ ଆଡଯୁଆଡ, କୋସ ଲି କବି ଟିକେଲାଲ ବେହେରା, ଭିକାରୀ ଚରଣ ମିଶ୍ର ମଞ୍ଚାସିନ ହୋଇଥିଲେ। ମଞ୍ଚ ପରିଚାଳନା କରିଥିଲେ ଶ୍ରୀ ସତ୍ୟବ୍ରତ ପଣ୍ଡା । ଉପସ୍ଥିତ ଅତିଥି ମାନେ ଏହି ଅଞ୍ଚଳର ଭାଷା ହେଉଛି କୋସଲି ଭାଷା, ଏହାକୁ ସାମ୍ବିଧାନିକ ଭାଷାର ସ୍ବୀକୃତି ପାଇବା କଥା ବୋଲି ମତ ପ୍ରକାଶ କରିଥିଲେ। ପଦ୍ମଶ୍ରୀ ହଳଧର ନାଗ କୋସଲି ଭାଷା ଓ ସଂସ୍କୃତି ବିଷୟରେ ପୁଙ୍ଖାନୁପୁଙ୍ଖ ଭାବେ ବୁଝାଇ କହିଥିଲେ। ଶେଷରେ ଧନ୍ୟବାଦ୍ ଜ୍ଞାପନ କରିଥିଲେ କୋସଲି କବି ଟିକେଲାଲ ବେହେରା।
