ବୌଦ୍ଧ; (ଚିତ୍ତ ରଞ୍ଜନ ସିଂ)ଆଜି ସନ୍ଧ୍ୟା ୭ଟା ସମୟରେ ହରଭଙ୍ଗା -ଚାରିଛକ ପୂର୍ତ୍ତ ବିଭାଗ ରାସ୍ତାର ଶଗଡ଼ିଆ ପୋଲ ନିକଟରେ ଭାରସାମ୍ୟ ହରାଇ ଏକ ବୁଲେଟ ଗାଡି ତଳକୁ ଖସି ପଡିଥିଲା। ଫଳରେ ଦୁଇ ଜଣଙ୍କୁ ଗୁରୁତର ଅବସ୍ଥାରେ ହରଭଙ୍ଗା ଡାକ୍ତର ଖାନା ରେ ଭର୍ତି କରାଯାଇଥିଲା।
ଆଜି ଏକ ବିବାହ ଭୋଜିରେ ଯୋଗଦେବା ପାଇଁ ପୁରୁଣା କଟକ ଅଂଚଳର ଆଶିଷ କୁମାର ଜୋତିଶ (୪୦) ଓ ବିଷ୍ଣୁ ପ୍ରସାଦ ଜୋତିଶ (୨୧) ଏକ ବୁଲେଟ ଗାଡ଼ି (ଓଡି୦୨ ପି୮୫୨୮) ଯୋଗେ ହରଭଙ୍ଗାରୁ ଭୋଜି ଖାଇ ଫେରୁଥିବା ସମୟରେ ଶଗଡିଆ ପୋଲ ନିକଟରେ ଭାରସାମ୍ୟ ହରାଇ ଖସିଡ଼ିଥିଲେ।
ସ୍ଥାନୀୟ ଲୋକମାନେ ଉଦ୍ଧାର କରି ପ୍ରଥମେ ହରଭଙ୍ଗା ଡାକ୍ତରଖାନା କୁ ଆଣିଥିଲେ। ଗୁରୁତର ଥିବାରୁ ସେଠାରୁ ଡାକ୍ତର ବୌଦ୍ଧ ମୁଖ୍ୟ ଚିକିତ୍ସାଲୟ କୁ ସ୍ଥାନାନ୍ତରିତ କରିଥିଲେ। ଘଟଣା ସ୍ଥଳରେ ହରଭଙ୍ଗା ପୋଲିସ ପହଞ୍ଚି ତଦନ୍ତ ଚାଲୁରହିଥିବା ହରଭଙ୍ଗା ଥାନା ଅଧିକାରୀ ପୂର୍ଣଚନ୍ଦ୍ର କିସାନ ସୂଚନା ଦେଇଛନ୍ତି।
