ଜଙ୍ଗଲ ଜାତ ଦ୍ରବ୍ୟରୁ ପ୍ରସ୍ତୁତ ଖାଦ୍ୟ ଏବଂ ଦେଶୀ ବିହନ,ପ୍ରୋତ୍ସାହନ ମେଲା

ଖପ୍ରାଖୋଲ : (ତାପସ ରଞ୍ଜନ ବେହେରା) ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ତେଲେନପାଲି ପଞ୍ଚାୟତ ସାପମୁଣ୍ଡ ଗ୍ରାମରେ ଆରସିଡିସି ପକ୍ଷରୁ ଜଙ୍ଗଲ ଜାତ ଦ୍ରବ୍ୟରୁ ପ୍ରସ୍ତୁତ ଖାଦ୍ୟ ଏବଂ ଦେଶୀ ବିହନ ମେଲା ଅନୁଷ୍ଠିତ ହୋଇଯାଇଛି । ଅନୁଷ୍ଟିତ ମେଳାରେ ମୁଖ୍ୟ ଅତିଥି ଭାବେ ହରିଶଙ୍କର ବନାଞ୍ଚଳ ଅଧିକାରୀ ଗିରିଧାରୀ ନାଗ ଯୋଗ ଦେଇଥିବା ବେଳେ ସମ୍ମାନିତ ଅତିଥି ରୂପେ ସିଡିପିଓ ସୁଜାତା ଦୋରା, ତେଲେନପାଲି ସରପଞ୍ଚ ସୁକନ୍ତଳା ବେହେରା , ଆର ସି ଡି ସି ରିଜିଓନାଲ ମେନେଜର ଶମ୍ବୁ ପ୍ରାସାଦ ସାହୁ ୱେସିଡିଏ ବ୍ଳକ ସଂଯୋଜକ ଉମେସ କୁମାର ଗୁପ୍ତା ଯୋଗ ଦେଇଥିଲେ । ଏହି ଅବସରରେ ଅତିଥି ମାନେ ଜଙ୍ଗଲ ସୁରକ୍ଷା, ଜୀବଜନ୍ତୁଙ୍କୁ , ଜଙ୍ଗଲ କୁ ନିଆଁ ଦାଉରୁ ରକ୍ଷା ଓ ପୁରୁଣା ମଞ୍ଜି ଯଥା – କୁଦୋ , ମାଣ୍ଡିଆ , ଗୁରୁଜୀ , ରକସି , ସରିଆଁ ଧାନ , କୁସୁନା ଧାନ , ଜଙ୍ଗଲି କନ୍ଦା ଓ ଅନ୍ୟାନ୍ୟ ମଞ୍ଜି କୁ ସଂରକ୍ଷଣ କରି ବାସହ ଚାଷ କରି ତାହାର ବ୍ୟବହାର କଲେ ବିଭିନ୍ନ ରୋଗ ଦାଉରୁ ରକ୍ଷା ମିଳିବ ବୋଲି ଅତିଥି ମାନେ ମତ ଦେଇଥିଲେ । ଏହି ଅବସରରେ ଟେକେନ୍ଦ୍ର ଜାଳ, ଦେବରାଜ ଭୋଇ, ଟୁକିନୀ ବିଶ୍ୱାଳ, ଲିଙ୍ଗରାଜ ନିଆଲ ପ୍ରମୁଖ ଉପସ୍ଥିତ ରହିଥିଲେ ।