ଯାଜପୁର:(ଆନନ୍ଦ ଚନ୍ଦ୍ର ସାହୁ )ଯାଜପୁର ଦଶରଥପୁର ବ୍ଲକ ଚିତାଳୋ ମହାବିଦ୍ୟାଳୟ +୩ ବିଭାଗରେ ବିଭିନ୍ନ ଅନିୟମିତତା ହୋଇଥିବା ଅଭିଯୋଗ ହୋଇଛି। ଏ ନେଇ ଉଚ୍ଚଶିକ୍ଷା ବିଭାଗର ଆଞ୍ଚଳିକ ନିର୍ଦ୍ଦେଶକ ମହାବିଦ୍ୟାଳୟକୁ ଗସ୍ତକରି ଅନିୟମିତତାର ପ୍ରାଥମିକ ତଦନ୍ତ ଆରମ୍ଭ କରିଛନ୍ତୁ ।
ବିଭିନ୍ନ ସମୟରେ +୩ ବିଭାଗରେ ବ୍ୟାପକ ଅନିୟମିତତା ହୋଇଥିବା ରାଜ୍ୟ ସରକାରଙ୍କ ଉଚ୍ଚ ଶିକ୍ଷା ବିଭାଗ ନିକଟରେ ଅଭିଯୋଗ ହେବା ସହ ରାଜ୍ୟ ଦୁର୍ନିତୀ ନିବାରଣ ବିଭାଗ ଓ ରାଜ୍ୟ ଅପରାଧ ଶାଖା ନିକଟରେ ନିରପେକ୍ଷ ତଦନ୍ତ କରିବାକୁ ଅଭିଯୋଗ ହୋଇଥିଲା ।
ଏପିରିକି +୩ ଡିଗ୍ରି ମହାବିଦ୍ୟାଳୟର ୩୬ ଗୋଟି ଅନିୟମିତତା ହୋଇଥିବାର ରାଜ୍ୟ ଉଚ୍ଚ ନ୍ୟାଳୟରେ ଅଭିଯୋଗ ହେବା ସହ ଏହାର ତଦନ୍ତ କରିବା ପାଇଁ ମାନ୍ୟବର ଉଚ୍ଚ ନ୍ୟାୟାଳୟରେ ଅପିଲ୍ କରାଯାଇଥିଲା । ଏହିସବୁ ଅଭିଯୋଗକୁ ଆଧାର କରି ଉଚ୍ଚ ଶିକ୍ଷା ବିଭାଗର ଆଞ୍ଚଳିକ ନିର୍ଦ୍ଦେଶକ ମହାବିଦ୍ୟାଳୟ ପରିସରରେ ପହଂଚି +୩ ଡିଗ୍ରୀ ମହାବିଦ୍ୟାଳୟ ଅନିୟମିତତା ଉପରେ ତଦନ୍ତ ଆରମ୍ଭ କରିଛନ୍ତି ।
