ଟିଟିଲାଗଡ:(ସଞ୍ଜୟ କୁମାର ନାୟକ)ଓକିଲ ସଂଘ ସଭା ଗୃହରେ ଜିଲ୍ଲା କ୍ରିୟାନୁଷ୍ଠାନ କମିଟିର ସଭାପତି ଶ୍ରୀ ସଞ୍ଜୟ କୁମାର ବେହେରାଙ୍କ ସଭାପତିତ୍ବରେ ଏକ ସାମ୍ବାଦିକ ସମ୍ମିଳନୀ ଅନଷ୍ଠିତ ହୋଇଯାଇଛି। ରାଜ୍ୟ ସରକାର ଟିଟିଲାଗଡବାସୀଙ୍କ ସହ ଛଳନା କରିବା ସହ ଜିଲ୍ଲା ଘୋଷଣା ନ କରିବା ଅତି ଦୁର୍ଭାଗ୍ୟପୂର୍ଣ୍ଣ ବୋଲି କହିବା ସହ ଗୁରୁବାର ୨୪ ତାରିଖ ଦିନ ସକାଳ ୬ ଟାରୁ ସନ୍ଧ୍ୟା ୬ ଟା ଯାଏଁ ବାର ଘଣ୍ଟିଆ ବନ୍ଦ ଡାକରା ଦେବାକୁ ଘୋଷଣା କରିବାକୁ ନିଷ୍ପତି ନିଆଯାଇଛି,
ଏହି ଡାକରାରେ ସମସ୍ତ ବିଦ୍ୟାଳୟ, ମହାବିଦ୍ୟାଳୟ, ସମସ୍ତ ସରକାରି କାର୍ଯ୍ୟାଳୟ, ଗାଡ଼ି ଚଳାଚଳ, ଦୋକାନ ବଜାର ସମ୍ପୂର୍ଣ୍ଣ ବନ୍ଦ କରାଯିବ ବୋଲି ସଭାପତି ଶ୍ରୀ ସଞ୍ଜୟ କୁମାର ବେହେରା କହିଛନ୍ତି। ଏହି ସାମ୍ବାଦିକ ସମ୍ମିଳନୀରେ ସଭାପତିଙ୍କ ସହ ହରି ନାରାୟଣ ବହିଦାର, ଘିନୁ ଆଡଯୁଆଡ, ବିରେନ୍ଦ୍ର ବାଗ, ଈଶ୍ୱର ଚାନ୍ଦ ଜୈନ, ପ୍ରକାଶ ସରାଫ ପ୍ରମୁଖ ଉପସ୍ଥିତ ଥିଲେ।
