Breaking News
8:48 amକେନ୍ଦ୍ରାପଡ଼ା ବାଲିଆ ବାଣ ବିସ୍ଫୋରଣ ଘଟଣାରେ ଚିକିତ୍ସାଧୀନ ଅବସ୍ଥାରେ ଜଣେ ମୃତ, ୩ ଜଣ ପୂଜା କମିଟି ସଦସ୍ୟଙ୍କୁ ଗିରଫ କଲା ପୁଲିସ 8:45 amକେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବଙ୍କ ଓଡିଶା ଗସ୍ତ, ସମୀକ୍ଷା କରିବେ ରେଳ ପ୍ରକଳ୍ପ, 8:38 amଡିସେମ୍ବର ପହିଲା ସୁଦ୍ଧା ହିତାଧିକାରୀଙ୍କୁ ଶୀତ ସହାୟତା ଦେବାକୁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ। ମଧୁବାବୁ ପେନ୍‌ସନ ଓ ଜାତୀୟ ପେନ୍‌ସନ ଯୋଜନା ହିତାଧିକରୀଙ୍କୁ ମିଳିବ ଏହି ସହାୟତା 8:36 amଅର୍ଚ୍ଚନା ମାମଲାରେ ଶ୍ରଦ୍ଧାଞ୍ଜଳି ଓ ଚନ୍ଦନଙ୍କୁ ଇଡିର ଜେରା। ୧୪ ଘଣ୍ଟାର ଜେରା ପରେ ଇଡି ଅଫିସରୁ ବାହାରିଲେ ଶ୍ରଦ୍ଧାଞ୍ଜଳି, ଚନ୍ଦନଙ୍କୁ ୯ ଘଣ୍ଟା ଜେରା କଲା ଇଡି 8:34 amଆଠଗଡ଼ ଥାନା ରାଜନଗର ନିକଟ ଡାଳଖାଇ ଠାକୁରାଣୀ ମନ୍ଦିର ନିକଟରେ ଚର୍ଚ୍ଚିତ ଯାତ୍ରା ଅଭିନେତ୍ରୀ ରାଣୀ ପଣ୍ଡାଙ୍କ କାର୍‌ ଓ ଏକ ବାଇକ୍‌ ମଧ୍ୟରେ ମୁହାଁମୁହିଁ ଧକ୍କା,ଦୁର୍ଘଟଣାରେ ବାଇକ୍‌ ଚାଳକଙ୍କ ମୃତ୍ୟୁ

ମୁନିଗୁଡା ପୋଲିସ ତରଫରୁ ବରିଷ୍ଠ ନାଗରିକଙ୍କୁ ପରିଚୟ ପତ୍ର ପ୍ରଦାନ

41 0

ରାମୁନିଗୁଡା:(ରମାକାନ୍ତ ପୋଢାଳ)ୟଗଡ଼ା ଜିଲ୍ଲା ମୁନିଗୁଡା ଥାନା ପରିସରରେ ବରିଷ୍ଠ ନାଗରିକ ସମାବେଶ ଓ ପରିଚୟ ପତ୍ର ପ୍ରଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ମୁନିଗୁଡା ଆଇଆଇସି ଶ୍ରୀମତୀ ସୁଜ୍ଞାନୀ ସାହୁଙ୍କ ସଭାପତିତ୍ୱ ଓ ମୁନିଗୁଡା ପୋଲିସ ଆୟୋଜିତ ଏବଂ କୃଷି ବିଭାଗ ବୈଷୟିକ ପରିଚାଳକଙ୍କ ମନ୍ତ୍ରମୁଗ୍ଧ ସଂଯୋଜିତ ଏହି କାର୍ଯ୍ୟକ୍ରମରେ ବିଷମକଟକ ଉପ ଆରକ୍ଷୀ ଅଧିକ୍ଷକ ଶ୍ରୀଯୁକ୍ତ ଆକାଶ ଚନ୍ଦ୍ର ସାହୁ ମୁଖ୍ୟ ଅତିଥି ,ସମ୍ମାନିତ ଅତିଥିଭାବେ ଅମ୍ବାଦଳା ଆଇଆଇସି କମଳାକାନ୍ତ କଅଁର, ବରିଷ୍ଠ ନାଗରିକ ସଙ୍ଘ ସମ୍ପାଦକ ବ୍ରହ୍ମାନନ୍ଦ ଆଚାରୀ,ରାଧାମୋହନ ଦଳପତି ଯୋଗଦେଇ ଆନୁଷ୍ଠାନିକ ଭାବେ କାର୍ଯ୍ୟକ୍ରମ ଶୁଭାରମ୍ଭ କରିଥିଲେ।ସର୍ବପ୍ରଥମେ ମୁନିଗୁଡା ପୋଲିସ ଏଲ.ଡି.ଜେନାଙ୍କ ସୁଲଳିତ କଣ୍ଠରେ ଶ୍ରୀଜଗନ୍ନାଥ ଜଣାଣ,ସାହିତ୍ୟିକ ଉତ୍ତମ ଦାସଙ୍କ ଦ୍ୱାରା ପ୍ରାରମ୍ଭିକ ସଙ୍ଗୀତର ମୂର୍ଚ୍ଛନା ସହିତ ମୁନିଗୁଡା ସରସ୍ୱତୀ ଶିଶୁ ବିଦ୍ୟମନ୍ଦିର ଛାତ୍ରୀ ମାନଙ୍କ ଦ୍ୱାରା ଅତିଥି ଓ ବରିଷ୍ଠ ନାଗରିକ ମାନଙ୍କୁ ଉଦ୍ଧେଶ୍ୟରେ ସ୍ୱାଗତ ସଙ୍ଗୀତ ପରିବେଷଣ ମଂଚକୁ କିଛି ମୁହୂର୍ତ୍ତ ବିଭୂମୟ କରିଦେଇଥିଲା।

ପରେ ମୁନିଗୁଡା ଆଇଆଇସି ସୁଜ୍ଞାନୀ ସାହୁ ସଭାପତିତ୍ୱ ଅଭିଭାଷଣ କ୍ରମରେ ଆଜି କାର୍ଯ୍ୟକ୍ରମର ଉଦ୍ଧେଶ୍ୟ,ଏହା ଦ୍ୱାରା ବରିଷ୍ଠ ନାଗରିକ ମାନଙ୍କ ସହଯୋଗ ସମ୍ବନ୍ଧରେ ଆଲୋକପାତ କରିଥିଲେ।ସମ୍ମାନିତ ଅତିଥି ଶ୍ରୀଯୁକ୍ତ ଆଚାରୀ ଓ ଦଳପତି ମୁନିଗୁଡା ପୋଲିସର ବରିଷ୍ଠ ନାଗରିକ ମାନଙ୍କ ପ୍ରତି ଥିବା ଶ୍ରଦ୍ଧା, ଭଲପାଇବାର ଭୁୟସୀ ପ୍ରସଂଶା କରିବା ସହିତ ସେମାନଙ୍କ ପାଇଁ ଏକ ପାଠାଗାର ବ୍ୟବସ୍ଥା ପାଇଁ ଅନୁରୋଧ କରିଥିଲେ।ବରିଷ୍ଠ ନାଗରିକ ମାନଙ୍କ ଏହି କାର୍ଯ୍ୟକ୍ରମରେ ମୁନିଗୁଡା ପ୍ରେସକ୍ଲବର ବରିଷ୍ଠ ସାମ୍ବାଦିକ ମନୋରଞ୍ଜନ ଦଳାଇ,ସହ ସମ୍ପାଦକ ନନ୍ଦକିଶୋର ପଟ୍ଟନାୟକ ବରିଷ୍ଠ ନାଗରିକମାନେ ଅନେକ କ୍ଷେତ୍ରରେ ଅସୁବିଧାର ସମ୍ମୁଖୀନ ଓ ଅପାମାନିତ ଅନୁଭବ କରୁଥିବା ବେଳେ ମୁନିଗୁଡା ପୋଲିସର ଏହି ଅଭିନବ ପ୍ରୟାସ ସେମାନଙ୍କ ଜୀବନରେ ନିଶ୍ଚୟ ଶାନ୍ତି ଆଣିପାରିବ ବୋଲି କହିଥିଲେ।ଏଥିସହ ଅନେକ କ୍ଷେତ୍ରରେ ସେମାନଙ୍କ ପ୍ରତି ହେଉଥିବା ପାରିବାରିକ ହିଂସାକୁ ଅନେକାଂଶରେ ଏହା ପ୍ରଶମିତ କରିବା ବୋଲି କହିଥିଲେ।ମୁନିଗୁଡା ସମ୍ବାଦ ସାହିତ୍ୟ ଘରର ସଭାପତି ବର୍ଷିୟାନ ସାହିତ୍ୟିକ,ବୁଦ୍ଧିଜୀବୀ ସୁଧାକର ପାତ୍ର ମହୋଦୟ ଗଳ୍ପ ମାଧ୍ୟମରେ ବୟସ୍କ ମାନଙ୍କ ପ୍ରଜ୍ଞା,ଭୂମିକା ଓ ଅନୁଭୁତିର ଉଦାହରଣ ଦେଇଥିଲେ।

ଶେଷରେ ମୁଖ୍ୟ ଅତିଥି ଏସ୍ଡିପିଓ ଶ୍ରୀଯୁକ୍ତ ସାହୁ ବୟସ୍କ ନାଗରିକ ମାନଙ୍କ ପାଇଁ ମୁନିଗୁଡା ପୋଲିସ ସଦା ସର୍ବଦା ସେମାନଙ୍କ ସହିତ ଅଛି।ପ୍ରତି ମୁହୂର୍ତ୍ତରେ ସେମାନଙ୍କ ଅସମୟରେ ପହଂଚିବା ସହିତ ସାହାରର ସ୍ୱରୂପ ସାଜିବାକୁ ପ୍ରସ୍ତୁତ ଥିବା ପ୍ରକାଶ କରିଥିଲେ।କୌଣସିବି ପରିସ୍ଥିତିରେ ବରିଷ୍ଠ ନାଗରିକମାନେ ନିଜକୁ ଏକୁଟିଆ ନଭାବି ପୋଲିସର ସହଯୋଗକୁ ଆପଣାନ୍ତୁ।ପ୍ରତ୍ୟକ ବରିଷ୍ଠ ନାଗରିକ ଆମ ପ୍ରେରଣାର ଉତ୍ସ।ସେମାନଙ୍କ ଅନୁଭୂତି ସମାଜ ଓ ପରିବାର ଗଠନରେ ମୁଖ୍ୟ ଭୂମିକା ନେଇଥାଏ।ଏଣୁ ପାରିବାରିକ ହିଂସା ହେଉ ଅବା ଯେକୌଣସି ବିକଳ୍ପ ପରିସ୍ଥିତିରେ ସାହାଯ୍ୟ ପାଇଁ ପୋଲିସ ପ୍ରସ୍ତୁତ ଅଛି।

ବରିଷ୍ଠ ନାଗରିକ ମାନଙ୍କ ପାଇଁ ଆଇନରେ ଥିବା ବ୍ୟବସ୍ଥା ବିଷୟରେ ସେମାନଙ୍କୁ ସୂଚିତ କରି ସେମାନଙ୍କ ମନରେ ଆଶ୍ବାସନା ଭରିଥିଲେ ଶ୍ରୀଯୁକ୍ତ ସାହୁ।ଶେଷରେ ମୁନିଗୁଡା ଏସ ଆଇ ମନୋରଞ୍ଜନ ବିଶ୍ବାଳ ସଭିଙ୍କୁ ଧନ୍ୟବାଦ ଅର୍ପଣ କରିଥିଲେ।ବିଶେଷକରି ସମସ୍ତ ବୟସ୍କ ନାଗରିକ ଏବଂ ପରିଚୟ ପତ୍ର ପ୍ରସ୍ତୁତିରେ ସହାୟକ ଗଣେଶ୍ବର ରାଓ,ଗଣେଶ ପାତ୍ରଙ୍କ ଭୂମିକାକୁ ଧନ୍ୟବାଦ ଜଣାଇଥିଲେ। ପରିଚାଳନାରେ ମୁନିଗୁଡା ପୋଲିସ ସେକେଣ୍ଡ ଅଫିସର ନରସିଂହ ବେହେରାଙ୍କ ସହ ସମସ୍ତ ପୋଲିସ ବାହିନୀଏବଂ ମୁନିଗୁଡା ଗଣମାଧ୍ୟମ ପ୍ରତିନିଧି ସୀମାଞ୍ଚଳ ପଣ୍ଡା,କ୍ଷମାଶାଗର ଦାସ,ନରେଶ ପାତ୍ର,ଲାଡି ଶଙ୍କର,ବାପି ସାହୁକାର,ଉମାକାନ୍ତ ନେମାଲପୁରୀ,ଅଜିତ ଗୌଡ଼ ପ୍ରମୁଖ ସହଯୋଗ କରିଥିଲେ।

Related Post

ଉପଖଣ୍ଡ ମାନ୍ୟତା ଦାବୀରେ ଏମ୍ ରାମପୁର ର ବାର ଘଣ୍ଟିଆ ବନ୍ଦ ଡାକରା

Posted by - December 7, 2021 0
କଳାହାଣ୍ଡି:(ନରେନ୍ଦ୍ର ନେଗୀ/ଅର୍ଜୁନ ପଟ୍ଟନାୟକ)କଳାହାଣ୍ଡି ଜିଲ୍ଲାର ଏମ୍ ରାମପୁର, କର୍ଲାମୁଣ୍ଡା, ନର୍ଲା, ଏବଂ କେସିଙ୍ଗା ବ୍ଳକର ନଅ ଗୋଟି ପଞ୍ଚାୟତ କୁ ନେଇ ଏକ ସ୍ଵତନ୍ତ୍ର ରାଜସ୍ବ ସବ୍…

ଅସହାୟ ଙ୍କୁ ଛତା ଜୋତା ବଣ୍ଟନ

Posted by - August 22, 2021 0
ବୌଦ୍ଧ:( ଚିତରଂଜନ ସିଂ) ବୌଦ୍ଧ ଜିଲ୍ଲା ପୁରୁଣା କଟକ ର ବିଶିଷ୍ଠ ବ୍ୟବସାୟୀ ତଥା ସମାଜସେବୀ ରାଧେଶ୍ୟାମ ଅଗ୍ରୱାଲ ଓ ତାଙ୍କର ଧର୍ମପତ୍ନୀ ସରସ୍ବତୀ ଦେବୀ ଆଜି…

ଅଂଗଦାନ ଓ ରକ୍ତଦାନ ଶିବିର ଅନୁଷ୍ଠିତ

Posted by - November 27, 2020 0
ଯାଜପୁର :(ଆନନ୍ଦ ଚନ୍ଦ୍ର ସାହୁ )ଯାଜପୁର ଜିଲା ହରିପୁର ସ୍କୁଲ ପରିସରରେ ସ୍ୱେଚ୍ଛାସେବୀ ଅନୁଷ୍ଠାନ ପକ୍ଷରୁ ସ୍ୱେଚ୍ଛାକୃତ ଅଂଗଦାନ ଓ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି ।…

ଲଷ୍ମୀପ୍ରିୟା ମହିଳା ମହାବିଦ୍ୟାଳୟର ୨୫ ତମ ପ୍ରତିଷ୍ଠା ଉତ୍ସବ ପାଳିତ

Posted by - December 25, 2021 0
ବାଲେଶ୍ଵର:ବାଲିଆପାଳ ବ୍ଲକର ଏକମାତ୍ର ମହିଳା ମହାବିଦ୍ୟାଳୟ ଲକ୍ଷ୍ମୀପ୍ରିୟା ମହିଳା ମହାବିଦ୍ୟାଳୟର ୨୫ ତମ ପ୍ରତିଷ୍ଠା ଦିବସ ଗୁରୁବାର ପାଳିତ ହୋଇଯାଇଛି।ମହାବିଦ୍ୟାଳୟର ଅଧକ୍ଷା ସୁଦିପ୍ତା ବିଶ୍ୱାଳଙ୍କ ଅଧକ୍ଷତାରେ ଅନୁଷ୍ଠିତ…

ଭଗାମୁଣ୍ଡା ଠାରେ ଶୁଭ ଉଦଘାଟନ ହେଲା ମେଗା ସିଲ୍କପାର୍କ

Posted by - September 13, 2019 0
କେନ୍ଦୁଝର,୧୨/୯କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ଭଗାମୁଣ୍ଡା ଠାରେ ଗୁରୁବାର ଏକ ମେଗା ସିଲ୍କପାର୍କର ଶୁଭ ଉଦଘାଟନ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ରାଜ୍ୟ…