ଧର୍ମଗଡ : (ହେମନ୍ତ କୁମାର ମାଝୀ) ଧର୍ମଗଡ ସହର କୁ ସମ୍ପୂର୍ଣ୍ଣ ପଲିଥିନ ମୁକ୍ତ କରିବା ପାଇଁ ଧର୍ମଗଡ ଉପଜିଲ୍ଲାପାଳ ତଥା ଧର୍ମଗଡ ବିଜ୍ଞାପିତ ପରିଷଦ ପ୍ରସାନିକ ଅଧିକାରୀ ବେଦ ଭୂଷଣ ଙ୍କ ନେତୃତ୍ୱରେ ଏକ ଏନଫୋର୍ସ ମେଣ୍ଟ ଟିମ ଧର୍ମଗଡ ସହର ରେ ଥିବା ବହୁ ଦୋକାନ ଓ ଠେଲା ଦୋକାନ ଉପରେଗତ କାଲି ସନ୍ଧ୍ୟାରେ ଚଢ଼ାଉ କରିଥିଲେ। ଚଢାଉ ସମୟରେ ବିଭିନ୍ନ ଦୋକାନ ରୁ ୬୮ କେଜି ର ପଲିଥିନ ଜବତ କରି ମୋଟ ୭୭ ହଜାର ୫ଶହ ଟଙ୍କା ଜରିମାନା ଆଦାୟ କରିଥିଲେ। ଏହି ଟିମ ରେ ଧର୍ମଗଡ ତହସିଲଦାର ହରେ କୃଷ୍ଣ ବରିହା, ସହଯୋଗୀ ଜିଲ୍ଲା ପାଳ ଚିନ୍ମୟ କୁମାର ନାୟକ, ଙ୍କ ସମେତ ଧର୍ମଗଡ ଏନଏସି କର୍ମଚାରୀ ମାନେ ସାମିଲ ହୋଇଥିଲେ।
ଧର୍ମଗଡ ସହରକୁ ସମ୍ପୂର୍ଣ୍ଣ ପଲିଥିନ ମୁକ୍ତ କରିବା ପାଇଁ ପ୍ରଶାସନ କୁ ସହଯୋଗ କରି ଦୋକାନୀ, ଓ ଉଠା ଦୋକାନି ମାନେ ନିଜ ପାଖରେ ଥିବା ପଲିଥିନ କୁ ବିକ୍ରୟ ରେ ବ୍ୟବହାର ନ କରି ଏନଏସି ର ବର୍ଜ୍ୟବସ୍ତୁ ନେଉଥିବା ଗାଡି ମାନଙ୍କ ରେ ଦେବା ସହିତ ଗ୍ରାହକ ମାନଙ୍କୁ କପଡା ତିଆରି ବେଗ ସାଙ୍ଗରେ ଆଣି ସାମଗ୍ରୀ ନେଵାକୁ ସଚେତନ କରିବାକୁ ଧର୍ମଗଡ ଉପଜିଲ୍ଲାପାଳ ବେଦ ଭୂଷଣ ସ୍ଥାନୀୟ ଦୋକାନି ଓ ସହର ବାସୀ ଙ୍କୁ ଅନୁରୋଧ କରିବା ସହିତ ଆସନ୍ତା ରବିବାର ପରେ ଯେଉଁ ଦୋକାନି ଙ୍କ ଠାରୁ ପଲିଥିନ ମିଳିବା ସୂଚନା ମିଳିବ ହେଲେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମଧ୍ୟ ଉପଜିଲ୍ଲାପାଳ ତାଗିଦ କରିଛନ୍ତି।ତେବେ ଗତକାଲି ରାତିର ଧରପଗଡ଼ ପରେ ଆଜି ଧର୍ମଗଡ ସହର ର ସାନ ଓ ବଡ଼ ଦୋକାନ ସମେତ ପଥ ପ୍ରାନ୍ତ ଦୋକାନି ମାନେ ପଲିଥିନ ରେ ସାମଗ୍ରୀ ଦେବା ବନ୍ଦ କରିବା ସହିତ ଗ୍ରାହକ ମାନେ ବେଗ ଧରି ଆସିବାକୁ କହୁ ଥିବା ଦେଖିବାକୁ ମିଳିଥିଲା। ଧର୍ମଗଡ଼ ରୁ ହେମନ୍ତ କୁମାର ମାଝୀ
