ଭୁବନେଶ୍ୱର: ଭୁବନେଶ୍ୱର ବରମୁଣ୍ଡାରେ ବସ୍ଷ୍ଟାଣ୍ଡରେ ଜଳି ଯାଇଛି ଏକ ଯାତ୍ରୀବାହୀ ବସ୍। ବସ୍ଟି ହୁତୁହୁତୁ ହୋଇ ଜଳୁଥିବା ଦେଖିବାକୁ ମିଳିଛି। ବସ୍ଟିର ନାଁ ଚକାଡୋଳା । ଏହି ଘରୋଇ ଯାତ୍ରୀବାହୀ କଳାହାଣ୍ଡିରୁ ଆସି ଭୁବନେଶ୍ୱର ବସ୍ଷ୍ଟାଣ୍ଡରେ ଛିଡ଼ା ହୋଇଥିଲା।କିଛି ସମୟ ପାଇଁ ଆତଙ୍କିତ ହୋଇପଡ଼ିଥିଲେ ଯାତ୍ରୀ, ଓ ପାଖରେ ଥିବା ବସ୍ କର୍ମଚାରୀ । ବସ୍ ଭିତରେ ଶୋଇଥିବା କିଛି ବସ୍ କର୍ମଚାରୀ ଦଉଡ଼ି ପଦାକୁ ପଳାଇଆସିଥିଲେ । ନିଆଁ ଲାଗିବାର ପ୍ରାୟ ଦେଢ଼ ଘଣ୍ଟା ପରେ ଫାୟାର ବ୍ରିଗେଡ୍ର ଦୁଇ ଗାଡ଼ି ପହଞ୍ଚି ନିଆଁ ଲିଭାଇଥିଲେ । ସର୍ଟ ସର୍କିଟ୍ ଯୋଗୁଁ ବସ୍ରେ ନିଆଁ ଲାଗିଥିବା କୁହାଯାଉଛି ।
ସୂଚନା ଅନଯାୟୀ, ଚକାଡୋଳା ନାମକ ଏକ ଘରୋଇ ବସରେ ହଠାତ ନିଆଁ ଲାଗିଯାଇଥିଲା । ବସ୍ ଜଳୁଥିବା ଦେଖି ଆଖପାଖରେ ଥିବା ସମସ୍ତ ବସ୍ ଗୁଡ଼ିକୁ ସଙ୍ଗେସଙ୍ଗେ ଷ୍ଟାଣ୍ଡରୁ କଢ଼ାଯାଇଥିଲା । ତେବେ କେଉଁ କାରାଣରୁ ବସ୍ରେ ନିଆଁ ଲାଗିଳା ତାହା ଏଯାବତ୍ ସ୍ପଷ୍ଟ ହୋଇ ନଥିବାବେଳେ ସଟସର୍କିଟ ଯୋଗୁଁ ଏଭଳି ଘଟିଛି ବୋଲି ଅଗ୍ନିଶମ ବିଭାଗ ଅନୁମାନ କରୁଛି । ବସରେ ଲାଗିଥିବା ନିଆଁକୁ ଆୟତ୍ତ କରିବା ପାଇଁ ୨ଟି ଦମକଳ ବାହିନୀ ନିୟୋଜିତ ହୋଇଥିଲେ। ବସରେ କୌଣସି ଯାତ୍ରୀ ନଥିବା ଜଣାପଡ଼ିଛି ।
