ପାଣିରେ ଲୁଣ ମିଶାଇ ସ୍ନାନ କରନ୍ତୁ..ମିଳିବ ଏହି ସବୁ ଫାଇଦା

ଶୀତ ରୁତୁ ଆରମ୍ଭ ହେବା ମାତ୍ରେ ଆମ ସ୍କିନରେ ଅନେକ ପ୍ରକାର ପରିବର୍ତ୍ତନ ଦେଖା ଦେଇଥାଏ । ଶୀତ ବଢିବା ସହ ଆମ ତ୍ୱଚାର ଆର୍ଦ୍ରତା କମିବାରେ ଲାଗିଥାଏ । ଯାହା ଫଳରେ ସ୍କିନ ଶୁଷ୍କ ହେବାରେ ଲଗିଥାଏ ଏବଂ କେଶ ଝଡିବା ସମସ୍ୟା ମଧ୍ୟ ଉପୁଜିଥାଏ । ଶୀତ ଋତୁରେ କୁଣ୍ଡିଆ, ତ୍ୱଚାର ରୁଖାପଣ ଏବଂ ରୁପି ଭଳି ଅନେକ ସମସ୍ୟା ଦେଖାଦେଇଥାଏ । ଏହି ଋତୁରେ ଗରମ ପାଣିରେ ତ ସମସ୍ତେ ସ୍ନାନ କରିଥାନ୍ତି, କିନ୍ତୁ ଆପଣ ଜାଣିଛନ୍ତି କି ସେଥିରେ ଲୁଣ ପକାଇ ସ୍ନାନ କରିବା ଦ୍ୱାରା ତାହା ଆପଣଙ୍କ ଶରୀର ପାଇଁ ଖୁବ୍ ଲାଭଦାୟକ ସାବ୍ୟସ୍ତ ହୋଇଥାଏ । ତେବେ ଆସନ୍ତୁ ଜାଣିବା ଏହାର ଉପକାରୀତା ସମ୍ବନ୍ଧରେ ।
– ଶୀତ ଋତୁରେ ଶରୀର ରୁଖାପଣର ଶିକାର ହୋଇଥାଏ, ଯାହା ଫଳରେ କୁଣ୍ଡିଆଜନିତ ସମସ୍ୟା ଦେଖାଦେଇଥାଏ । ତେବେ ପାଣିରେ ଲୁଣ ମିଶାଇ ସ୍ନାନ କରିବା ଦ୍ୱାରା କୁଣ୍ଡିଆଜନିତ ସମସ୍ୟା ଦୂର ହୋଇଥାଏ । ଏହି ପାଣିରେ ସ୍ନାନ କରିବା ଦ୍ୱାରା ଶରୀରରେ ଉପସ୍ଥିତ ଅନେକ କିଟାଣୁ ମରିଯାଇଥାନ୍ତି ।
– ଶୀତ ଦିନେ ତ୍ୱଚା ରୁଖାପଣର ଶିୁକାର ହେବାସହ ନିର୍ଜୀବ ଦେଖାଯାଇଥାଏ । ତେବେ ଲୁଣ ପାଣିରେ ସ୍ନାନ କରିବା ଦ୍ୱାରା ଶରୀରର ଡେଡ ସ୍କିନ ସେଲ୍ସ ବାହାରିଯାଇଥଉାଏ ଏବଂ ତ୍ୱଚା ଚମକିଥାଏ ।
– ଉସୁମ ପାଣିରେ ଲୁଣ ମିଶାଇ ଗାଧୋଇବା ଦ୍ୱାରା ମାଇଶପେଶୀକୁ ଆରାମ ମିଳିଥାଏ ଏବଂ ଏହା ଦ୍ୱାରା ଗଣ୍ଠିବ୍ୟଥା ମଧ୍ୟ ଦୂର ହୋଇଥାଏ ।
– ଲୁଣ ପାଣିରେ ଗାଧୋଇବା ଦ୍ୱାରା ଶରିର ସହ ମନ ମଧ୍ୟ ଶାନ୍ତ ରହିଥାଏ । ଏହା ଦ୍ୱାରା ଥକାପଣ ଦୂର ହୋଇଥାଏ ।