ବୌଦ୍ଧ(ଚିତ୍ତ ରଂଜନ ସିଂ)ବୌଦ୍ଧ ଜିଲ୍ଲା ପୁରୁଣା କଟକ ଥାନା ପୁରୁଣାକଟକ ମାରୁତି କଲୋନୀରେ ରହୁଥିବା ଶିକ୍ଷକ ନିର୍ମଳ କୁମାର ରଣା ଙ୍କ ଘରୁ ଗତରାତି ରେ ଚୋରି ହୋଇଯାଇଛି। ଗତ ୨୦ ତାରିଖରୁ ନିଜ ଶଳା ଙ୍କ ବିବାହ ଉତ୍ସବରେ ଯୋଗଦେବାକୁ ଶ୍ରୀ ରଣା ସପରିବାର ନୟାଗଡ ଜିଲ୍ଲା ଓଡ଼ଗାଁ କୁ ଯାଇଥିଲେ। ଘରର ଲାଇଟ ଲଗାଇବାକୁ ପଡୋଶୀ ଘର ଙ୍କୁ ଦାୟିତ୍ୱ ଦେଇଥିଲେ ଏବଂ ଗତ କାଲି ପଡୋଶୀ ଲାଇଟ ଲଗାଇବାକୁ ଗଲାବେଳେ ଘରର ମୁଖ୍ୟ ଗେଟ ତାଲା ଭଙ୍ଗାଯାଇ ଆସବସପତ୍ର ପଡିଥିବାର ଦେଖି ଗୃହକର୍ତ୍ତା ଙ୍କୁ ଖବର ଦେଇଥିଲେ। ଶ୍ରୀ ରଣା ତୁରନ୍ତ ନୟାଗଡ ରୁ ଫେରି ପୁରୁଣାକଟକ ଥାନା ରେ ଅଭିଯୋଗ କରିଥିଲେ।
ଅଭିଯୋଗକୁ ଭିତ୍ତି କରି ପୁରୁଣାକଟକ ପୁଲିସ ତଦନ୍ତ ଆଗେଇଥିଲା।ଘର ଅନୁସନ୍ଧାନ କରିବାରୁ ଜଣା ପଡିଥିଲା ଯେ ଦୁର୍ବୃତ୍ତ ମାନେ ପ୍ରାୟ ସତର ଗ୍ରାମ ସୁନା, ଶହେ ଗ୍ରାମ ରୁପା, ନଗଦ ବାର ହଜାର ଟଙ୍କା ଏବଂ ଏକ ଡିଜିଟାଲ କ୍ୟାମେରା ଚୋରୀ କରି ନେଇଯାଇଥିଲେ। ଫୁଲବାଣୀରୁ ସନ୍ଧାନୀ କୁକୁର, ସାଇଣ୍ଟିଫିକ ଟିମ ଏବଂ ଫିଙ୍ଗର ପ୍ରିଣ୍ଟ ଏକ୍ସପର୍ଟ ସହାୟତାରେ ଅନୁସନ୍ଧାନ ଜାରି ରହିଛି ଏପରିକି ୪ ଜଣକୁ ସନ୍ଦେହ ରେ ପଚରାଉଚରା କରୁଥିବା ଜଣାପଡିଛି। ପ୍ରକାଶ ଥାଉକି ପୁରୁଣାକଟକ ଚାରିଛକ ଅଂଚଳରେ ସମାନ ଢଙ୍ଗରେ ଲଗାତାରଚୋରି ହେଉଥିଲେ ମଧ୍ୟ ଜନସାଧାରଣଙ୍କ ପୋଲିସ ର ପାରିବା ପଣିଆ ଉପରେ ପ୍ରଶ୍ନବାଚୀ ସୃଷ୍ଟି କରିଛନ୍ତି।
କ୍ରମାଗତ ଚୋରି କରି ଚୋରମାନେ ଗୋଟେପଟେ ପୋଲିସ କୁ ଚ୍ୟାଲେଞ୍ଜ କରିଥିବା ବେଳେ ଅନ୍ୟପଟେ ସ୍ଥାନୀୟ ପୋଲିସ ହାତଖୋଲି କରି ବସିଛି। ପୋଲିସ ପେଟ୍ରୋଲିଂ କଡାକଡି ହେବାସହ, ମିସ୍ତ୍ରୀ କାମ, ଗୁପଚୁପ ବେପାର, ବାଦାମ ବେପାର ନା ରେ ଏଠାରେ ବାହାରୁ ଆସି ରହୁଥିବା ବିହାରୀ, ବଙ୍ଗାଳି ତେଲେଙ୍ଗା ଲୋକଙ୍କ ଗତିବିଧି ଉପରେ ନଜର ରଖିବାକୁ ଅଂଚଳବାସୀ ଦାବୀ କରିଛନ୍ତି । ଏନେଇ ପୁରୁଣା କଟକ ଥାନା ଅଧିକାରୀ ଜୋଷ୍ଣା ରାଣୀ କାଉଁରୀ ଙ୍କୁ ପଚାରିବାରୁ ଆମେ ଏଥିପ୍ରତି ସଜାଗ ରହିଛୁ ଆଗମୀ ଦିନରେ ପେଟ୍ରୋଲିଂ ପାଇଁ କଡାକଡି ବ୍ୟବସ୍ତା କରିବାସହ ତଦନ୍ତ ଜାରି ରଖିଛୁ ବୋଲି କହିଥିଲେ ।
