୧୬ ଦିନ ହେଲାଣି ଆକ୍ରାନ୍ତ ଙ୍କ କୌଣସି ପତ୍ତା ମିଳୁନି

517 0

ପାରାଦୀପ: କରୋନାରେ ଆକ୍ରାନ୍ତ ହେବା ପରେ ହସ୍‌ପିଟାଲ୍‌ରେ ଭର୍ତ୍ତି ହୋଇଥିଲେ। କିନ୍ତୁ ୧୬ ଦିନ ହେଲାଣି ତାଙ୍କର କୌଣସି ପତ୍ତା ମିଳୁନି। ପରିବାର ଲୋକେ ଡାକ୍ତରଖାନାରୁ ଥାନା, ଥାନାରୁ ଫାଣ୍ଡି ବାରମ୍ବାର ଦୌଡ଼ୁଥିଲେ ମଧ୍ୟ, ସେ କେଉଁଠି ଅଛନ୍ତି ଜାଣିପାରୁ ନାହାନ୍ତି। ଏମିତି ଏକ ଅଭିଯୋଗ ଆସିଛି ଜଗତସିଂହପୁର ଜିଲ୍ଲାରୁ।

କୁଜଙ୍ଗ ଥାନା ଜହ୍ନାପାଳ ଗାଁର ଗନ୍ଧର୍ବ ଜେନା କରୋନାରେ ଆକ୍ରାନ୍ତ ହୋଇଥିବା ନେଇ ମେ’ ୧୪ ତାରିଖରେ ଜଣାପଡ଼ିଥିଲା। ସେହି ମାସ ୧୮ ତାରିଖରେ ସେ ପାରାଦୀପ କୋଭିଡ୍‌ ହସ୍‌ପିଟାଲ୍‌ରେ ଭର୍ତ୍ତି ହୋଇଥିଲେ। ମେ’ ୨୧ ତାରିଖରେ ତାଙ୍କୁ କଟକ ଏସସିବି କୋଭିଡ ହସ୍‌ପିଟାଲ୍‌କୁ ରେଫର କରାଯାଇଥିଲା। ତେବେ ତାଙ୍କୁ ଏସ୍‌ସିବିକୁ ରେଫର କରାଯିବା ପରଠୁ ପରିବାର ଲୋକେ ତାଙ୍କ ବିଷୟରେ କିଛି ସୂଚନା ପାଇପାରି ନଥିଲେ।

ଗନ୍ଧର୍ବଙ୍କ ପରିବାର କହିଲେ ତାଙ୍କ ପତ୍ନୀ ଓ ଝିଅ। ସେମାନେ ମେ’ ୩୦ ତାରିଖରେ ଘଟଣା ସଂପର୍କରେ କୁଜଙ୍ଗ ଥାନାରେ ଏତଲା ଦେଇଥିଲେ। ଆଉ କେହି ନଥିବାରୁ ଗ୍ରାମବାସୀ ଓ ସଂପର୍କୀୟ ମାନେ ଗନ୍ଧର୍ବଙ୍କ ଖୋଜଖବର ନେଉଛନ୍ତି। ସେମାନେ ଗନ୍ଧର୍ବଙ୍କ ସଂପର୍କରେ ଜାଣିବା ପାଇଁ କଟକ ବି ଯାଇଛନ୍ତି। ଏସ୍‌ସିବିରୁ ସିଏମ୍‌ସି, ସିଏମ୍‌ସିରୁ ମଙ୍ଗଳାବାଗ ଥାନା, ମଙ୍ଗଳାବାଗ ଥାନାରୁ ଏସ୍‌ସିବି ଫାଣ୍ଡି, ଫାଣ୍ଡିରୁ କୁଜଙ୍ଗ ଥାନା, କୁଜଙ୍ଗ ଥାନାରୁ ମଙ୍ଗଳାବାଗ ଥାନା- ଏମିତି ଚକ୍କର କାଟିଛନ୍ତି। କିନ୍ତୁ କିଛି ଲାଭ ହୋଇନି। କେହି ଗନ୍ଧର୍ବ ବିଷୟରେ ସେମାନଙ୍କୁ ସୂଚନା ଦେବାରେ ସାହାଯ୍ୟ କରି ନାହାନ୍ତି ବୋଲି ଅଭିଯୋଗ ହୋଇଛି।

ଗତକାଲି କିଛି ଗ୍ରାମବାସୀଙ୍କ ସହିତ ପରିବାର ଲୋକେ କୁଜଙ୍ଗ ଥାନାରେ ପହଞ୍ଚିଥିଲେ ଓ ମେ’ ୩୦ ତାରିଖରେ ଦିଆଯାଇଥିବା ଏତଲା ଉପରେ କ’ଣ କାର୍ଯ୍ୟାନୁଷ୍ଠାନ ହୋଇଛି ବୋଲି ପଚାରି ଥାନା ବାବୁଙ୍କ ସାହାଯ୍ୟ ମାଗିଥିଲେ। କିନ୍ତୁ କିଛି ସୁଫଳ ପାଇ ନଥିଲେ।

ଗନ୍ଧର୍ବଙ୍କ ପତ୍ନୀ ଓ ଝିଅଙ୍କୁ ଏବେ ଆଉ କିଛି ବୁଦ୍ଧିବାଟ ଦେଖାଯାଉ ନାହିଁ। ସେମାନଙ୍କ ଆଖିରୁ ଲୁହ ଶୁଖିବାର ନାଁ ନେଉ ନାହିଁ। ଗନ୍ଧର୍ବଙ୍କ ଝିଅ ଝିଲି ଜେନା ଅଭିଯୋଗ କରିଛନ୍ତି ଯେ ବାପାଙ୍କ ବିଷୟରେ ଯାହାକୁ ପଚାରିଲେ କେବଳ ବିରକ୍ତ ହେଉଛନ୍ତି।

ଗନ୍ଧର୍ବଙ୍କ ଜଣେ ସଂପର୍କୀୟ ନାତି ମିଥୁନ ଜେନା କହିଛନ୍ତି, ଏସସିବି କୋଭିଡ୍‌ ହସ୍‌ପିଟାଲ୍‌ ଠାରୁ ଧରି ଏସ୍‌ସିବି ଫାଣ୍ଡି, ମଙ୍ଗଳାବାଗ ଥାନା ଓ ସିଏମ୍‌ସି ଅଧିକାରୀ କେହି ଆମ କଥା ଶୁଣିଲେନି। କେହି ସାହଯ୍ୟ କରୁ ନାହାନ୍ତି। ସେ ଏବେ ଜୀବିତ କି ମୃତ, ତାହା ବି ଆମେ ଜାଣିନାହୁଁ।

ଏନେଇ ଆବଶ୍ୟକ ପଦକ୍ଷେପ ନେବାକୁ କଟକ ଜିଲ୍ଲାପାଳଙ୍କୁ ଅନୁରୋଧ କରିଥିବା ନେଇ ଜଗତସିଂହପୁର ଜିଲ୍ଲାପାଳ ସୂଚନା ଦେଇଛନ୍ତି

Related Post

ଜୟପାଟଣାରେ ଅନ୍ୟାନ୍ୟ ପଛୁଆବର୍ଗର ଭାରତ ବନ୍ଦ୍ ଡାକରା ଶାନ୍ତିପୂର୍ଣ୍ଣ ଭାବେ ସମାପ୍ତ

Posted by - May 26, 2022 0
ଭବାନୀପାଟଣା:(ନରେନ୍ଦ୍ର ନେଗୀ ଙ୍କ ସହ ଅର୍ଜୁନ ପଟ୍ଟନାୟକ) ରାଷ୍ଟ୍ରୀୟ ପଛୁଆବର୍ଗ ମୋର୍ଚ୍ଚା ଦ୍ୱାରା ୨୫ ମଇ ୨୦୨୨ ଭାରତ ବନ୍ଦ୍ ଡାକରାକୁ ଜୟପାଟଣା ଅନୁସୂଚିତ ଜାତି, ଅନୁସୂଚିତ…

ପୁରୀ: ଭକ୍ତିମୟ ପରିବେଶରେ ଭଗବାନଙ୍କୁ ପାଇବେ ଭକ୍ତ

Posted by - December 30, 2019 0
ପୁରୀ୩୦/୧୨: ଶ୍ରୀକ୍ଷେତ୍ର ପୁରୀରେ ବର୍ତ୍ତମାନ ଯେଉଁଭଳି ସୌନ୍ଦର୍ଯ୍ୟକରଣ ଚାଲିଛି ଏବେ ଭକ୍ତ ଓ ପର୍ଯ୍ୟଟକଙ୍କ ପ୍ରଥମ ପସନ୍ଦ ରହିଛି ପୁରୀ। ଆଉ ଏସବୁକୁ ଦେଖି ଶ୍ରୀମନ୍ଦିରକୁ ବି ନବବର୍ଷ…

ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଙ୍କ ବିରୋଧରେ ଡକ୍ଟର ଙ୍କ ଦୁର୍ବ୍ୟବହାର ଅଭିଯୋଗ

Posted by - September 22, 2021 0
ନବରଙ୍ଗପୁର 🙁 ବେଣୁ ଗୋପାଳ ରାଓ)ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ଡକ୍ଟର ଙ୍କ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଙ୍କ ବିରୋଧରେ ଅଭିଯୋଗ କରି କାର୍ଯ୍ୟାଳୟ ସମ୍ମୁଖରେ ଧାରଣା ।ତେନ୍ତୁଳିଖୁଣ୍ଟି…

ଉତକେଲା ଡ଼ାକ୍ତରାଣୀ ଙ୍କୁ ସୁନା ଲୁଟ ଘଟଣା ରେ ଜଣେ ଗିରଫ,ଲୁଟ ନୁହେଁ ଧର୍ଷଣ ଟାର୍ଗେଟ ଥିଲା

Posted by - March 2, 2021 0
କେସିଙ୍ଗା:(ମହମ୍ମଦ ଆଗାଜାନ)ଜାନ କେସିଙ୍ଗା ଥାନା ଡ଼ାକ୍ତରାଣୀ ଙ୍କ ଠାରୁ ବନ୍ଧୁକ ଦେଖାଇ ସୁନା ଲୁଟ ଘଟଣା ରେ ପୋଲିସ  ଉତକେଲା ର ହଁ ବୈକୁଣ୍ଠ ଦୋରା ଙ୍କୁ…