ଯାଜପୁର:(Bureau)ଅଶୋକ ଦାସ… ଏକ ଅବିସ୍ମରଣୀୟ ଆହ୍ୱାନ, ଏକ ଅକୁତୋଭୟ ଅଙ୍ଗୀକାର । ଓଡ଼ିଶା ରାଜନୀତିର ସେ ଥିଲେ ସେଇ କାଉଁରିଆ କାଠି, ଯିଏ ବନ୍ଧୁମାନଙ୍କ ବିଶ୍ୱାସଘାତକାରେ ଭାଙ୍ଗି ପଡ଼ିଥିଲେ ହେଁ ନଇଁନଥିଲେ କେବେ? ସ୍ମୃତିର ରହିଶୀଳତା ପାଉଁଶ ଭିତରୁ ସମ୍ପର୍କର କେତୋଟି ଫୁଲପାଖୁଡ଼ା ଏଠି ବିଞ୍ଚି ଦେବାକୁ ଚାହୁଁଛି ଏଇ ଓଡିଶା। ସେ ହେଉଛି-ଆଜିଠୁ ଅନ୍ୟୁନ ୫୦ବର୍ଷ ତଳର ୧୯୬୮-୬୯ ମସିହାର ମାନଚିତ୍ର ଇଏ-ଯେଉଁଠି ଓଡ଼ିଶା ଯୁବ ବିପ୍ଲବର କେତୋଟି ଲାଲ୍ ରେଖାରେ ରେଖାଙ୍କିତ । ଅଗ୍ରଜୋପମ ଅଶୋକ ଦାସ କ୍ଷମତା ରାଜନୀତିର ଜଣେ ଚର୍ଚ୍ଚିତ ଚରିତ୍ର.
ଅଶୋକ ଦାସ ଓଡ଼ିଶା ରାଜନୀତି କ୍ଷେତ୍ରରେ ସ୍ପର୍ଦ୍ଧିତ ସ୍ୱାଭିମାନର ସ୍ପନ୍ଦିତ ପ୍ରାଣପୁରୁଷ । ସେ ଏହି ରାଜନୈତିକ କୁରୁକ୍ଷେତ୍ରକୁ ଆସିଥିଲେ ଜଣେ ମହାରଥୀର ମର୍ଯ୍ୟାଦା ନେଇ-ବିଜୁ ପଟ୍ଟନାୟକଙ୍କ ଆଶୀର୍ବାଦପ୍ରାପ୍ତ ଅନୁପ୍ରେରଣାରେ । ବାପପରି ମାନୁଥିଲେ ବିଜୁବାବୁଙ୍କୁ, ସେ ମାନିବା ପଛରେ ପୁଣି କୌଣସି ମୁନାଫାଧର୍ମୀ ମାନସିକତା ବଳବତ୍ତର ନଥିଲା ମୋଟେ । ଏପରିକି ବିଜୁ ଅମଳରେ ମନ୍ତ୍ରୀପଦ ପାଇଁ ଲାଳାୟିତ ହୋଇନଥିଲେ କେବେ-ଯାହା ହାସଲ କରିବାଟା ତାଙ୍କ ପାଇଁ ସେତେବେଳେ ଅସମ୍ଭବ ନଥିଲା । ଅନ୍ୟ ଅନେକ ସମକାଳୀନ ବିଜୁବାବୁଙ୍କ କୃପାରେ ଓ ଅଶୋକ ଦାସଙ୍କ ସମର୍ଥନରେ କେବଳ କେତେ
ମନ୍ତ୍ରୀ ହୋଇଛନ୍ତି ତାହାନୁହେ,ରାଜନୈତିକ ପାଳି ମଧ୍ୟ ଆରମ୍ଭକରିଛନ୍ତି।
