ସାମାଜିକ ଦୁରତ୍ଵ ନ ରଖିଲେ ବଜାର ହେବ ବନ୍ଦ – ଜିଲ୍ଲାପାଳ ଓ ଏସ.ପି. କଲେ ତାଗିଦ

Posted on April 7, 2020 at 11:51 am by Aei Odisha

1046 137

.ଅନୁଗୋଳ :(ମହେଶ ଭୋମରାଜ)ଧୀରେ ଧୀରେ ରାଜ୍ୟରେ କରୋନା ତାର କାୟା ବିସ୍ତାର କରି ଚାଲିଛି । ଯାହା କି ବେଶ ଚିନ୍ତାର ବିଷୟ ପାଲଟିଛି । ତେବେ ଏହି କରୋନା ଭାଇରସ କିଭଳି ନ ବ୍ୟାପିବ ଏଥିପ୍ରତି କେନ୍ଦ୍ର ସରକାର , ରାଜ୍ୟ ସରକାର ଏବଂ ପ୍ରଶାସନ ଅନେକ ଚେଷ୍ଟା କରୁଛନ୍ତି । ମୁଖ୍ୟତଃ ସାମାଜିକ ଦୂରତା ବଜାୟ ରଖିବା ପାଇଁ ସାରା ରାଜ୍ୟକୁ ସରକାର ଲକଡାଉନ କରିଛନ୍ତି । ଏଥିପାଇଁ ଅନୁଗୋଳ ଜିଲ୍ଲା ପ୍ରଶାସନ ମଧ୍ୟ ତତ୍ପରତା ଦେଖାଇଛି ।

ଲକଡାଉନ ସମୟରେ ଅତ୍ୟାବଶ୍ୟକ ସାମଗ୍ରୀ ଦୋକାନକୁ ଛାଡିଦେଲେ ବାକି ସମସ୍ତ ଦୋକାନ ବଜାର , ଯାନି ଯାତ୍ରାକୁ ପ୍ରଶାସନ ପକ୍ଷରୁ ବନ୍ଦ ରଖା ଯାଇଛି । ଜରୁରୀ କାମ ନଥିଲେ ଘରୁ ନ ବାହାରିବାକୁ ଅନୁରୋଧ କରା ଯାଉଛି । ଦୋକାନ , ବ୍ୟାଙ୍କ , ଡାକ୍ତରଖାନା ଆଦିରେ ସାମାଜିକ ଦୂରତା ରକ୍ଷା କରିବାକୁ ଚିହ୍ନ ଦିଆ ଯାଇଛି । କିନ୍ତୁ ସେ ସବୁ ଚିହ୍ନରେ ଛିଡା ନ ହୋଇ ଲୋକ ସାମାଜିକ ଦୁରତ୍ଵକୁ ମଧ୍ୟ ଉଲ୍ଲଘଂନ କରୁଛନ୍ତି । ସୋମବାର ଠାରୁ ଯେଉଁ ସବୁ ଦୋକାନ ଗୁଡିକରେ ସାମାଜିକ ଦୁରତ୍ଵ ରକ୍ଷା ଯାଉ ନଥିବା ସେହି ଦୋକାନୀ ମାନଙ୍କ ଉପରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଅନୁଗୋଳ ଏସ.ପି. କହିଛନ୍ତି । କିଛି ଲୋକ ଏ ସବୁ ନିର୍ଦେଶକୁ ବେଖାତିର କରୁଥିବା ନଜରକୁ ଆସିଛି ।

ବିନା କାମରେ ବାହାରେ ବୁଲାବୁଲି କରୁଛନ୍ତି । ଏଥିପାଇଁ କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି ପ୍ରଶାସନ ପକ୍ଷରୁ ସୂଚନା ଦିଆ ଯାଇଛି । ଯଦି କୌଣସି ଜରୁରୀ କାମରେ ଘରୁ ବାହାରିବେ ତେବେ ମାସ୍କ ବାଧ୍ୟତା ମୂଳକ ଭାବେ ଲଗାଇବାକୁ ପଡିବ ବୋଲି ଜିଲ୍ଲାପାଳ ମନୋଜ ମହାନ୍ତି କହିଛନ୍ତି । ତେବେ କିଛି ଲୋକ ଏ ସବୁ ନିର୍ଦେଶକୁ ବେଖାତିର କରୁଥିବା ନଜରକୁ ଆସିଛି । ବିନା କାମରେ ବାହାରେ ବୁଲାବୁଲି କରୁଛନ୍ତି । ଏଥିପାଇଁ ଆସନ୍ତାକାଲି (ସୋମବାର) ଠାରୁ କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି ପ୍ରଶାସନ ପକ୍ଷରୁ ସୂଚନା ଦିଆ ଯାଇଛି ।