ହରଭଙ୍ଗା( ଚିତ୍ତରଞ୍ଜନ ସିଂ) ଶୁକ୍ରବାର ଦିନ ଦିବା ୧୧.୪୫ ମିନିଟ ସମୟରେ ଜିଲାପାଳଙ୍କ କାର୍ଯ୍ୟାଳୟ ସଦଭାବନା ଗୃହଠାରେ ଜିଲା ପ୍ରଶାସନ ପକ୍ଷରୁ ଜିଲାପାଳ ଜେ. ସୋନାଲଙ୍କୁ ବିଦାୟ ସମ୍ବର୍ଦ୍ଧନା ପ୍ରଦାନ କରାଯାଇଛି । ଅତିରିକ୍ତ ଜିଲାପାଳ ଅନିରୁଦ୍ଧ ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ଉପଜିଲ୍ଲାପାଳ ପ୍ରଭାସ ଚନ୍ଦ୍ର ଦଣ୍ଡସେନା ବିଦାୟୀ ଜିଲାପାଳ ଶ୍ରୀ ସୋନାଲଙ୍କ କାର୍ଯ୍ୟଦକ୍ଷତା ଏବଂ ତାଙ୍କରି ସମୟରେ ସଫଳତାର ସହିତ ନିର୍ବାଚନ ପରିଚାଳନା ସହିତ ଲୋକଙ୍କ ସମସ୍ୟା ସମାଧାନ ପାଇଁ ତ୍ୱରିତ ପଦକ୍ଷେପ ସଂପର୍କରେ ଆଲୋଚନା କରିଥିଲେ ।

ବୌଦ୍ଧ ଗୋଷ୍ଠୀ ଉନ୍ନୟନ ଅଧିକାରୀ ଯୁଧିଷ୍ଠିର ମେହେର, ହରଭଙ୍ଗା ଗୋଷ୍ଠୀ ଉନ୍ନୟନ ଅଧିକାରୀ ଶରତ ଚନ୍ଦ୍ର ସେଠୀ ଏବଂ ଡେପୁଟି କଲେକ୍ଟର ଶାଶ୍ୱତ ପ୍ରଧାନ ଓ ସୁଚିସ୍ମିତା ବେହେରା ଜିଲାପାଳ ଶ୍ରୀସୋନାଲଙ୍କ ଦିଗଦର୍ଶନରେ ସରକରୀ ଅଧିକାରୀ ଓ କର୍ମଚାରୀମାନେ ନିଷ୍ଠାର ସହିତ ନିଜର ଦାୟିତ୍ୱ ସଂପାଦନ କରିଥିବା ନେଇ ପ୍ରକାଶ କରିଥିଲେ । ଜିଲାପାଳ ଶ୍ରୀସୋନାଲ ନିଜର ବିଦାୟି ଅଭିଭାଷଣରେ ଜିଲାରେ ସ୍ୱଳ୍ପଦିନର କାର୍ଯ୍ୟ ମଧ୍ୟରେ ସମସ୍ତ ସରକାରୀ ଅଧିକାରୀ ଓ କର୍ମଚାରୀଙ୍କ ସହଯୋଗ କରିଥିବାରୁ କୃତଜ୍ଞତା ପ୍ରକାଶ କରିଥିଲେ । ଏହି ବୈଠକରେ ଜିଲାର ସମସ୍ତ ଜିଲାସ୍ତରୀୟ ଅଧିକାରୀ,ଡେପୁଟି କଲେକ୍ଟର,ସହକାରୀ ଜିଲାପାଳ, ସେକ୍ସନ ଅଫିସର,ବରିଷ୍ଠ ଓ କନିଷ୍ଠ ରାଜସ୍ୱ ସହାୟକମାନେ ଉପସ୍ଥିତ ଥିଲେ ।