ନୂଆପଡା : ଓଡିଶା ର ନୂଆପଡା ଜିଲ୍ଳା ସୀମାନ୍ତ ସିନାପାଲି ବନାଞ୍ଚଳ ଅଧିନସ୍ଥ ଚଟିଆଗୁଡ଼ା ଛକ ନିକଟରେ ବିଳମ୍ବିତ ରାତ୍ରୀରେ ଏକ ବାଘ ଛାଲ ଜବତ ଘଟଣା କୁ ନେଇ ଏସିଏଫ୍ ଗଣ ମାଧ୍ୟମକୁ ସିନାପାଲି ସହର ର ହୃଷୀକେଶ ବାଗ (୨୫) କୁ ଗିରଫ କରିଥିବା ସୂଚନା ଦେଇଛନ୍ତି l

ସୂଚନା ଅନୁସାରେ ହୃଷୀକେଶ ବାଗ ଏକ କଲରା ପତରିଆ ବାଘଛାଲ କୁ ଧରି ନିଜ ଗ୍ରାମ ସିନାପାଲି କୁ ଆସୁଥିବା ବେଳେ କୌଣସି ସୂତ୍ରରୁ ଖବର ପାଇ ଖଡ଼ିଆଳ ବନ ବିଭାଗ ର ଏସିଏଫ ମହମ୍ମଦ ସଲିହାଙ୍କ ନିର୍ଦ୍ଦେଶରେ ସିନାପାଲି ବନାଞ୍ଚଳ ଅଧିକାରୀ କାମେଶ୍ୱର ତାଣ୍ଡି ଙ୍କ ସମେତ ବନପାଳ ଓ ଅନ୍ୟାନ୍ୟ କର୍ମଚାରୀ ଆଗରୁ ଛକି ବସି ହୃଷୀକେଶ କୁ ବାଘଛାଲ ସହିତ ଧରିଥିଲେ l

ପ୍ରକାଶ ଥାଉକି ବନ ବିଭାଗ ହୃଷୀକେଶ କୁ ପଚାରିବାରୁ କଳାହାଣ୍ଡି ଜିଲ୍ଲା ଡାକିବଣ୍ଡ ଗ୍ରାମର ସୁନ୍ଦର ମାଝୀ ଠାରୁ ଗତ ଆଠ ମାସ ପୂର୍ବରୁ କିଣିଥିବା କହିଛନ୍ତି l ଏହି ଘଟଣାରେ ଆସାମୀ ଧରା ପଡିଥିଲେ ମଧ୍ୟ ଏମିତି ବନ୍ୟଜନ୍ତୁ ଙ୍କ ସୁରକ୍ଷାକୁ ନେଇ ପ୍ରଶ୍ନବାଚୀ ସୃଷ୍ଟି ହେଉଥିବା ବେଳେ ଏଥିର ଚେର କେତେଦୂର ଲମ୍ବିଛି ତାହା ସାଧାରଣରେ ପ୍ରଶ୍ନବାଚି ସ୍ରୁଷ୍ଟି କରିଛି l ବନ୍ୟଜନ୍ତୁ ସଂରକ୍ଷଣ କୁ ନେଇ ବନ ବିଭାଗ କର୍ମଚାରୀ ସବୁବେଳେ ତତ୍ପରତା ଦେଖାଇ କାମ କଲେ ବନ୍ୟଜନ୍ତୁ ସୁରକ୍ଷିତ ରହିପାରିବେ ବୋଲି ବୁଦ୍ଧିଜୀବୀ ମହଲରେ ପ୍ରକାଶ ପାଇଛି l