ଭୁବନେଶ୍ବର :ସେହିପରି କଟକ ସଦର ଥାନା ଅନ୍ତର୍ଗତ ଖଲର୍ଦ୍ଧା ଗ୍ରାମ ପଂଚାୟତ ରେ ସଦର ଅଞ୍ଚଳର ସବୁଠୁ ବଡ଼ ଗଣେଶ ପୂଜା ପାଳିତ ହେଉଅଛି। ଏଠାରେ 10ରୁ ଉର୍ଦ୍ଧ୍ୱ ବଡ଼ବଡ଼ ତୋରଣ ଓ ଉଚ୍ଚକୋଟିର ଆଲୋକ ସଜା ସହିତ ମଣ୍ଡପରେ ବିଭିନ୍ନପ୍ରକାର କାରୁକାର୍ଯ୍ୟ ଦେଖିବାକୁ ମିଳୁଛି। ଖଲର୍ଦ୍ଧା ଉପର ସାହି ପୂଜା ମଣ୍ଡପରେ ପିପିଲିର ସେଲ୍ଫି ପଏଣ୍ଟ ଦର୍ଶକଙ୍କ ମନ ମୋହୁଥିବା ବେଳେ ଠାକୁର ସାହିରେ ଗଣେଶଙ୍କ ମୁଣ୍ଡରେ ରୁପାର ମୁକୁଟ ସହ ରୁପାର ଅଳଙ୍କାର ରେ ପ୍ରଭୁ ଝଲସୁଛନ୍ତି l

ଠିକ୍ ସେହିପରି ନାୟକ ସାହିରେ ବିରାଟ ତୋରଣ ସହ ପ୍ରଭୁଙ୍କ ସମସ୍ତ ନୀତିକାନ୍ତି ପୂଜା ଅନୁଷ୍ଠିତ ହେଉଛି।ଏହି ମଣ୍ଡପରେ ନିର୍ମିତ କୁତ୍ରିମ ପାର୍କର ପ୍ରାକୃତିକ ପରିବେଶକୁ ଉପଭୋଗ ଜରିବା ପାଇଁ ପ୍ରବଳ ଜନସମାଗମ ଦେଖିବାକୁ ମିଳୁଛି। ସେହି ପାର୍କ ଭିତରେ ଜଙ୍ଗଲୀ ପଶୁପକ୍ଷୀଙ୍କ ସହ ବିଭିନ୍ନପ୍ରକାର ଫୁଲଫଳ ବୃକ୍ଷ ଦେଖି ଦର୍ଶକ ଫୋଟ ଉଠାଇବାରେ ବ୍ୟସ୍ତ। ଏହିପରି ଆହୁରି ଅନେକ ମଣ୍ଡପରେ ପ୍ରଭୁ ଗଜାନନ ପୂଜାପାଉଛନ୍ତି l