ନୂଆପଡ଼ା: ନୂଆପଡ଼ା ଜିଲ୍ଲା ସୁନାବେଡ଼ା ଅଭୟାରଣ୍ୟର ଯୋଗୀମୁଣ୍ଡା ଗାଁ ରେ ଧନୁ ତୀରରେ ଆକ୍ରମଣ ହୋଇଥିବା ବେଳେ ୩ ଗୁରୁତର ହେବାର ସୂଚନା ମିଳିଛି। ସେମାନେ ହେଲେ ଯୋଗିମୁଣ୍ଡା ଗାଁ ର ମଙ୍ଗଳୁ ପହରିଆ ବୟସ(୪୫),ଗୁରୁବାରି ପହରିଆ ବୟସ (୪୦) ଓ ସନ୍ତୋଷ ପହରିଆ ବୟସ (୧୨) ।

ଆମ୍ବୁଲାନ୍ସ ସୁବିଧା ନ ହେବାରୁ ଗୁରୁତର ଅବସ୍ଥାରେ ଖଟିଆରେ ବୋହି ୨ ରୁ ୩ କିଲୋମିଟର ସୁନାବେଡ଼ା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରକୁ ଆଣି ଭର୍ତ୍ତି କରିଥିବା ଜଣାପଡିଛି। ସୂଚନା ମୁତାବକ ଅଭିଯୁକ୍ତ ଜଣଙ୍କ ସୁନାବେଡ଼ା ପଞ୍ଚାୟତ ଗଡଭଟା ଯୋଗୀମୁଣ୍ଡା ଗାଁର ଲାଳଧର ପହରିଆ ।ବର୍ତ୍ତମାନ ସେ ଫେରାର ଅଛନ୍ତି। କେଉଁ କାରଣରୁ ଧନୁ ତୀରରେ ଆକ୍ରମଣ କରିଥିଲେ ତାହା ଜଣା ପଡିନାହିଁ l