ନବରଂଗପୁର : ଆଜି ସଂଖ୍ୟାଲଘୁ ଖ୍ରୀଷ୍ଟିଆନ୍ କଉସିଲ ପକ୍ଷରୁ ଏକ ବିରାଟ ସଭାଯାତ୍ରା ଦ୍ବାରା ପେହଲଗାଁ ଆତଙ୍କବାଦୀ ଆକ୍ରମଣ ଓ ୨୬ ଜଣ ନିର୍ଦ୍ଦୋଷ ପର୍ଯ୍ୟଟକ ମାନଙ୍କ ହତ୍ୟାକାଣ୍ଡ ବିରୋଧରେ ପ୍ରତିବାଦ କରିବା ସହ ଭାରତ ଦେଶ ମଧ୍ୟରେ ଦିନକୁ ଦିନ ଧର୍ମ ନାମରେ ଓ ଜାତି ନାମରେ ନିର୍ଯାତନା ବା ହିଂସା ବଢ଼ି ବଢ଼ି ଚାଲିଛି ତା ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ଏକ ଦାବୀପତ୍ର ମହାମହିମ ରାଷ୍ଟ୍ରପତିଙ୍କ , ମାନ୍ୟବର ପ୍ରଧାନ ମନ୍ତ୍ରୀ ଭାରତ ସରକାର , ମାନ୍ୟବର ମୁଖ୍ୟମନ୍ତ୍ରୀ ଓଡ଼ିଶା ଓ ମହାମହିମ ରାଜ୍ୟପାଳ ଓଡ଼ିଶା ଙ୍କ ନିକଟକୁ ଦାବୀପତ୍ର ପ୍ରଦାନ କରାଗଲା ,

ଧର୍ମ ନାମରେ ଜମ୍ମୁକାଶ୍ମୀର ରେ ଆତଙ୍କବାଦୀ ଆକ୍ରମଣ କରି ହତ୍ୟା କରିବା ସହ ଭାରତ ଦେଶର ବିଭିନ୍ନ ରାଜ୍ୟରେ ଧର୍ମ ନାମରେ ସଂଖ୍ୟାଲଘୁ ମୁସଲିମ ଓ ଖ୍ରୀଷ୍ଟିଆନ୍ ସମ୍ପ୍ରଦାୟର ଲୋକଙ୍କୁ ମଧ୍ଯ ଦେଶ ମଧ୍ୟର କିଛି ସାମ୍ପ୍ରଦୟିକ ଆତଙ୍କବାଦୀ ଗୋଷ୍ଠି ଆକ୍ରମଣ କରି ନିର୍ଯାତନା ଦେବା ସହ ହତ୍ୟା କରୁଛନ୍ତି , ଜାତି ନାମରେ ମଧ୍ଯ ଭାରତ ଦେଶ ମଧ୍ୟରେ ବିଭିନ୍ନ ରାଜ୍ୟରେ ଗରିବ ଦଳିତ ମାନଙ୍କୁ ଆକ୍ରମଣ କରି ହତ୍ୟା କରାଯାଉଛି ଏହା ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ଦାବୀପତ୍ର ଦ୍ବାରା ନିବେଦନ କରାଯାଇଅଛି ,

ଏହି କାର୍ଯ୍ୟକ୍ରମରେ ଜିଲ୍ଲା ସଂଖ୍ୟାଲଘୁ ଖ୍ରୀଷ୍ଟିଆନ୍ କାଉସିଲ୍ ର ଜିଲ୍ଲା ସଭାପତି ଶ୍ରୀ ସୁଧିର ପାତ୍ର , ଜିଲ୍ଲା ସଂପାଦକ ଗୌରବ କାଉଁରୀ , ଦୟାନିଧି ଟାକ୍ରି , ପରିଚାଳକ ଶ୍ରୀ ଯୁଗେଶ୍ୱର ନାୟକ , ବିଶପ କ୍ରିଷ୍ଟଦାନ ନାଗ , ସ୍ଵାଧୀନ ଜିଲ୍ଲା ପରିଷଦ ଶ୍ରୀ ଦିବ୍ୟାଦାନ ସୁନା , କାଉସିଲାର ଶ୍ରୀ ନଗେନ୍ଦ୍ର ପଟ୍ଟନାୟକ , ଶ୍ରୀ ନିରୁ ଦୁଲାରି , କରଣ ଗୋଣ୍ଡ , ସୁଦନ୍ୟ ସାନ୍ତା , ବିଶ୍ୱନାଥ ଜାନି , ରଘୁନାଥ ଗୋଣ୍ଡ , ଧୋନ ସାନ୍ତା , ବାବନ୍ ଜାନି , ଯତୀନ ହିଆଲ , ଅମ୍ରିତ ଭିଟ , ନିପା ପାଳକ ସଙ୍ଘ , ପାଷ୍ଟର , ଫାଦର , ଗୁରୁ , ପ୍ରାଚୀନ , ଜିଲ୍ଲା ମଧ୍ୟର ଅନ୍ୟାନ୍ୟ ପାଳକ ସଙ୍ଘ , ସ୍ତ୍ରୀ ସମାଜ ମହିଳା , ଖ୍ରୀଷ୍ଟିଆନ୍ ଯୁବ ସମାଜ ଓ ଖ୍ରୀଷ୍ଟିଆନ୍ ପରିବାର ସହ ଖ୍ରୀଷ୍ଟ ବିଶ୍ବାସୀ ବା ଖ୍ରୀଷ୍ଟ ପ୍ରେମୀ ହଜାର ହଜାର ସଂଖ୍ୟାରେ ଯୋଗଦାନ କରିଥିଲେ ,