ବୌଦ୍ଧ :(ଚିତ୍ତ ରଞ୍ଜନ ସିଂ)କେନ୍ଦ୍ରୀୟ ବିଦ୍ୟାଳୟ ସଂଗଠନ ଦ୍ବାରା ହାଇଦ୍ରାବାଦ ଠାରେଆୟୋଜିତ ୫୨ ତମ ଜାତୀୟ ଓ ଆଞ୍ଚଳିକ ଖେଳ ପ୍ରତିଯୋଗିତା ୨୦୨୩/୨୪ ରେ ତୀରଚାନ୍ଦ ଖେଳ ରେ (ବାଳକ ବିଭାଗ ) ବୌଦ୍ଧ କେନ୍ଦ୍ରୀୟ ବିଦ୍ୟାଳୟ ର ଏକାଦଶ ଶ୍ରେଣୀ ର ଛାତ୍ର ସୁରଜ୍ କୁମାର ମେହେର ଚାଳିଶ ମିଟର ରେ ପ୍ରଥମ ସ୍ଥାନ ଅଧିକାର କରି ସ୍ଵର୍ଣ୍ଣ ପଦକ ହାସଲ କରିଥିବାବେଳେ ପୁନେ ଠାରେ ଆୟୋଜିତ ତୀରଚାନ୍ଦ (ବାଳିକା ବିଭାଗ) ରେ ବୌଦ୍ଧ କେନ୍ଦ୍ରୀୟ ବିଦ୍ୟାଳୟ ର ଏକାଦଶ ଶ୍ରେଣୀ ର ଛାତ୍ରୀ ସୁଶ୍ରୀ କୃଷ୍ଣମୟୀ ମହାକୁଡ଼ ୩୦ ମିଟର ରେ ସ୍ଵର୍ଣ୍ଣ ଓ ୫୦ ମିଟର ରେ ରୌପ୍ୟ ପଦକ ହାସଲ କରିଛନ୍ତି।
ବୁଟୁପାଲି ସ୍ଥିତ ସରିତା ମେହେର ଓ ସି ଆର୍ ସି ସି ନିରଞ୍ଜନ ମେହେର ଙ୍କ ସୁପୁତ୍ର ହେଉଛନ୍ତି ସୁରଜ୍ ମେହେର ହୋଇଥିବା ବେଳେ ରେଭ୍ନ୍ୟୁ କଲୋନୀ ସ୍ଥିତ କଳ୍ପନା ମହାକୁଡ଼ ଓ ଅଖୟ ମହାକୁଡ଼ ଙ୍କ ସୁକନ୍ୟା ହେଉଛନ୍ତି ସୁଶ୍ରୀ କ୍ରୀଷ୍ଣାମୟୀ ମହାକୁଡ଼। ଉଭୟ ଖେଳାଳୀ ଖେଳ ଶିକ୍ଷକ ସୁଧନ୍ୟ ପ୍ରଧାନ ଙ୍କ ଅଧୀନ ରେ ତୀରଚାନ୍ଦ ପ୍ରଶିକ୍ଷଣ ଜାରି ରଖିଥିଲେ। ସେମାନଙ୍କ ଏହି କୃତିତ୍ୱ ରେ ବୌଦ୍ଧ ଜିଲ୍ଲା ତୀରଚାନ୍ଦ ସଂଘ, ବୁଟୁପାଲି ସ୍ଥିତ ଗଙ୍ଗାଧର ସ୍ୱେଚ୍ଛାସେବୀ ସମିତି, ଜିଲ୍ଲା ଆଥେଲେଟିକ ସଂଘ, କ୍ରୀଡ଼ା ପ୍ରେମୀ ତଥା ବୌଦ୍ଧ ବାସୀ ଙ୍କ ମନରେ ଆନନ୍ଦ ର ଲହରୀ ଖେଳି ଯାଇଛି।
