ଦବିଲା ୨୦ ନଂ ଜାତୀୟ ରାଜପଥ : ଆରଡି-ଯାଜପୁର ମଧ୍ୟରେ ଯୋଗାଯୋଗ ବିଚ୍ଛିନ୍ନ,ମଣିବାବାଙ୍କ ଦର୍ଶନ ନପାଇ ଫେରିଗଲେ ପର୍ଯ୍ୟଟକ, ବାହ୍ୟଜଗତରୁ ବିଚ୍ଛିନ୍ନ ହେବ ବୋଡକ ଗାଁ!, ପାଠପଢାରୁ ବଞ୍ଚିତ ଶତାଧିକ ଛାତ୍ରଛାତ୍ରୀ

1059 2

ଆରଡି : ଭଦ୍ରକ ଜିଲାର ଆରଡ଼ିପୀଠ ଦେଇ ଯାଇଥିବା କୁଆଖିଆ-ସାତଭାୟା ୨୦ ନଂ ଜାତୀୟ ରାଜପଥର ପ୍ରାୟ ୭୦/୮୦ ଫୁଟ୍‌ ରାସ୍ତା ଓଳଗ ନିକଟସ୍ଥ ବୋଡ଼କ ଠାରେ ଗତ ମଙ୍ଗଳବାର ରାତ୍ରିରେ ଧସି ଯାଇଛି। ଯାହାଫଳରେ ଆରଡ଼ି-ଯାଜପୁର ଯୋଗାଯୋଗ ବିଚ୍ଛିନ୍ନ ହୋଇଯାଇଛି। ଆରଡ଼ିପୀଠର ଆଖଣ୍ଡଳମଣି ଓ ଯାଜପୁରର ମା’ ବିରଜା କ୍ଷେତ୍ରକୁ ଯୋଗାଯୋଗ ବିଚ୍ଛିନ୍ନ ହୋଇଯାଇଛି।ଉକ୍ତ ସ୍ଥାନରେ ଲଘୁଚାପଜନିତ ଲଗାଣ ବର୍ଷା ଓ ତିତ୍‌ଲି ପ୍ରଭାବରେ ବୈତରଣୀ ନଦୀର ବନ୍ୟାଜଳ ସିଧାସଳଖ ରାସ୍ତା ଦେଇ ଜନବସତିକୁ ମାଡ଼ିଥିଲା। ରାସ୍ତାର ଅଧିକାଂଶ ଭାଗ ନଦୀଗର୍ଭକୁ ଚାଲିଯିବା ସହିତ ଅନେକ ସ୍ଥାନରେ ଫାଟ ସୃଷ୍ଟି ହୋଇଥିଲା। ଏପରି ଘଟିବାର ୪ ମାସ ବିତିଯାଇଥିଲେ ମଧ୍ୟ ଜାତୀୟ ରାଜପଥ କର୍ତ୍ତୃପକ୍ଷ ଓ ଜଳସେଚନ ବିଭାଗର ସମନ୍ବୟ ଅଭାବରୁ ଏହାର ମରାମତି ହୋଇନଥିଲା। ଫଳରେ ଏପରି ଅବସ୍ଥା ସୃ‌ଷ୍ଟି ହେଲା ସ୍ଥାନୀୟ ଲୋକମାନେ କହିଛନ୍ତି। ଏହି ରାସ୍ତାରେ ଦୀର୍ଘମାସ ଧରି ଭାରିଯାନ ଚଳାଚଳ ନ କରିବା, ଜୁଆର ସମୟରେ ରାସ୍ତାରୁ ବଡ଼ବଡ଼ ଅତଡ଼ା ଖଣ୍ଡ ନଦୀମଧ୍ୟକୁ ଧସିବା ସଂକ୍ରାନ୍ତରେ ଉଭୟ ବିଭାଗୀୟ ଅଧିକାରୀଙ୍କୁ ଜଣାଉଥିଲେ ମଧ୍ୟ କୌଣସି ସୁଫଳ ମିଳିନଥିଲା। ଫଳରେ ଭଦ୍ରକ ଜିଲ୍ଲାର ସୀମାନ୍ତବର୍ତ୍ତୀ ଗାଁ ବୋଡ଼କ ବାହ୍ୟଜଗତରୁ ବିଚ୍ଛିନ୍ନ ହୋଇଯିବ ବୋଲି ଆଶଙ୍କା ଦେଖାଦେଇଛି। ଏହି ରାସ୍ତାରେ ସାଧାରଣ ଯୋଗାଯୋଗ ବିଚ୍ଛିନ୍ନ ହୋଇଥିବା ‌େବଳେ ବ୍ୟବସାୟବାଣିଜ୍ୟ, ଛାତ୍ରଛାତ୍ରୀଙ୍କ ପାଠପଢ଼ା ଓ ପର୍ଯ୍ୟଟକଙ୍କର ଆଗମନ ଉପରେ ପ୍ରତିକୂଳ ପ୍ରଭାବ ପକାଇଛି।ସୂଚନା ଅନୁଯାୟୀ, ୨ ବର୍ଷ ତଳେ ବୈତରଣୀ ବନ୍ୟାଜଳରେ ଉକ୍ତସ୍ଥାନରେ ପ୍ରାୟ ୨ଶହ ଫୁଟ ରାସ୍ତା ନଦୀଗର୍ଭକୁ ଧସି ଯାଇଥିଲା। କୋଟିକୋଟି ଟଙ୍କା ବ୍ୟୟରେ ନଦୀକୂଳରେ ପଥର ପ୍ୟାକିଂ କରାଯିବା ସହିତ ରାସ୍ତାର ମରାମତି କରାଯାଇଥିଲା। ହେଲେ ନଦୀ ପୁର୍ନବାର କୂଳ ଲଂଘି ରାସ୍ତାକୁ ଗ୍ରାସ କରିବା ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି । ଏ ସମ୍ପର୍କରେ ଏନ୍‌ଏଚ୍‌ ବିଭାଗର ପାଣିକୋଇଲି ଏସ୍‌ଡିଓ ସୁମିତ ସାହୁଙ୍କୁ ପଚାରିବାରୁ ଆସନ୍ତା ଶୁକ୍ରବାର ସୁଦ୍ଧା ଅସ୍ଥାୟୀ ମରାମତି କରାଯିବା ସହିତ ସ୍ଥାୟୀ ମରାମତି ନିମନ୍ତେ ଖର୍ଚ୍ଚାକଳନ କରାଯାଇଛି, ଖୁବ୍‌ଶୀଘ୍ର କାର୍ଯ୍ୟ ଆରମ୍ଭ ହେବ ବୋଲି କହିଛନ୍ତି।

Related Post

ବିଦ୍ୟାଳୟକୁ ପୋଷ୍ୟ ଭାବେ ଗ୍ରହଣ କଲେ ସରପଞ୍ଚ

Posted by - November 24, 2021 0
ବେଲଗୁଣ୍ଠା:(ସୁଶାନ୍ତ କୁମାର ବେହେରା )ବେଲଗୁଣ୍ଠା ବ୍ଳକ୍ ତନରଡା ପ୍ରାଥମିକ ବିଦ୍ୟାଳୟର ନୂତନ ବିଦ୍ୟାଳୟ ପରିଚାଳନା କମିଟି ଗଠନ ହୋଇଯାଇଛି I ବିଦ୍ୟାଳୟରେ ଆୟୋଜିତ ଏକ ଅଭିଭାବକ ସମ୍ମିଳନୀରେ…

ଜନ୍ମଦିନ ପାଳନ ବଦଳରେ କରୋନା ପାଣ୍ଠିକୁ ଦାନ

Posted by - April 18, 2020 0
ଭୁବନେଶ୍ୱର:ତା ୧୮/୪ : ଯାଜପୁର ସହରସ୍ଥିତ କୋଦଣ୍ଡପୁର ଗ୍ରାମ ନିବାସୀ ସୂର୍ଯ୍ୟ ପ୍ରକାଶ ନାୟକ ଓ ସରସ୍ୱତୀ ଧଳଙ୍କର ସନ୍ ପବ୍ଲିକ ସ୍କୁଲର ଏଲ୍‌.କେଜିରେ ପଢ଼ୁଥିବା ଝିଅ…

ରବିବାର କରନ୍ତୁ ଏହି ଉପାୟ : ଦୂର ହେବ ଅନେକ ସମସ୍ୟା

Posted by - September 6, 2019 0
ସାଧାରଣତଃ ସମସ୍ତଙ୍କ ରୋଷେଇ ଘରେ ସୋରିଷ ନିଶ୍ଚିତ ରୂପେ ଉପଲବ୍ଧ। ଏହା ଖାଦ୍ୟ ପ୍ରସ୍ତୁତିରେ ବ୍ୟବହୃତ ହେବା ସହ ଜୀବନର ଅନେକ ସମସ୍ୟା ଦୂର କରିବାରେ ମଧ୍ୟ…

ତ୍ୱରାନ୍ୱିତ ବିକାଶପାଇଁ ପୁନର୍ଗଠିତ ହେଉ।ହରଭଙ୍ଗା ବ୍ଲକ,ସୁରକ୍ଷିତ ହେଉ ମହାନଦୀ ତଟ

Posted by - August 4, 2021 0
ବୌଦ୍ଧ-(ଚିତ୍ତରଞ୍ଜନ ସିଂ)ଅତୀତରେ ଅବିଭକ୍ତ ବୌଦ୍ଧ କନ୍ଧମାଳ ଜିଲ୍ଲାର ଏକ ପ୍ରମୁଖ ଓ ବିକାସମୁଖୀ ବ୍ଲକ ଥିଲା ହରଭଙ୍ଗା।ନୌବାଣିଜ୍ୟର ପେଣ୍ଠସ୍ଥଳୀ ଥିଲା।ମହାନଦୀ ତଟରେ ଅବସ୍ତିତ ଏହି ବ୍ଲକ ଡଙ୍ଗାରେ…

ଦୁନିଆ ରେ ଏବେ ବି ବଞ୍ଚିଛି ମାନବିକତା

Posted by - November 28, 2022 0
କାଶୀପୁର:(ଅଞ୍ଜନ କୁମାର ନାଏକ)ଗତକାଲି ବିଳମ୍ବିତ ରାତ୍ରରେ କାଶୀପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଠାରୁ କୋଡ଼ିପାରି ପଞ୍ଚାୟତ ଅନ୍ତର୍ଗତ ଚମ୍ପାଦରା ଗ୍ରାମକୁ ଏକ ଶବ ପହଞ୍ଚାଇବାକୁ ମେଡିକାଲ କର୍ତ୍ତୃପକ୍ଷ…

Leave a comment

Your email address will not be published.