ହରଭଙ୍ଗା :(ଚିତ୍ତରଞ୍ଜନ ସିଂହ) ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ ଅନ୍ତର୍ଗତ ହରଭଙ୍ଗା ପଂଚାୟତ ର ସୁରୁଣ୍ଡି ଗ୍ରାମବାସୀ ସରକାରୀ ଜମି ଜବରଦଖଲ ଉଚ୍ଛେଦ ପାଇଁ ତହସିଲଦାର ଙ୍କୁ ଏକ ଦାବୀ ପତ୍ର ଦେଇଥିବା ଜଣାପଡ଼ିଛି। ସୁଚନା ମତେ ୧୯୯ ମସିହା ପୁର୍ବ ରୁ ହାରଭଙ୍ଗା RI ସର୍କଲ ର ମଲିକପଡ଼ା, ଭେଜିଗୋଡା, ସୁରୁଣ୍ଡି, ସମ୍ବଲପୁର, ବିଶିପାଲି, ଶଙ୍କରଡ଼ା, ଓ ଛେଳିଖାଇ ମଧ୍ୟରେ ପ୍ରାୟ ୮୦୦ ଏକର୧୯୯୦ ଜଙ୍ଗଲ ଜମି ଅଣବନ୍ଦୋବସ୍ତ ହିସାବ ରେ ଥିଲା। ଏହି ଜଙ୍ଗଲ ଜମି ରେ ପୁରୁଷାନୁକ୍ରମେ ଉକ୍ତ ଗ୍ରାମ ର ଗ୍ରାମବାସୀ ମାନେ ବନ୍ଧ ତିଆରି ଗୋଟେ ଅଣା ଦ୍ଵାରା ଚାଷ ଜମି କୁ ପାଣି ମଦାଉ ଥିଲେ।
ଯେଉଁଟା କି ବର୍ତ୍ତମାନ ସୁରୁଣ୍ଡି ମୌଜା ର କୋଚିଳାଖାଇ ମାନଚିତ୍ର ରେ ମଧ୍ୟ ଅଛି।୧୯୯୦ ମସିହା ବନ୍ଦୋବସ୍ତ ବେଳେ ପ୍ରାୟ ୮୦୦ ଏକର ଜାଗା କୁ ବନ୍ଦୋବସ୍ତ କରି କୋଚିଳଖାଇ ନାମରେ ଏକ ଅଣ ବସ୍ତିବାସିନ୍ଦା ରାଜସ୍ବ ମୌଜା କରାଯାଇଥିଲା। ସେହି ମୌଜା ର ପଶ୍ଚିମ ପଟେ ପ୍ରାୟ ୮୦ ଏକର ଜାଗା କୋଚିଳାଖାଇ ଜଙ୍ଗଲ ର ଅଛି। ୨୦୦୩ ମସିହା ରେ ପୁରୁଣାକଟକ ବାନଞ୍ଚଳ ଦ୍ଵାରା ଜଗନ୍ନାଥ୍ ବନ ପ୍ରକଳ୍ପ କରାଯାଇ ବୃକ୍ଷ ରୋପଣ କରାଯାଇଥିଲା ଓ ସୁରୁଣ୍ଡି ଗ୍ରାମର ବନ ସଂରକ୍ଷଣ ସମିତି ଜରିଆରେ ଜଗୁଆଳି ରଖି ରକ୍ଷଣା ବେକ୍ଷଣ କରାଯାଉଥିଲା। କାଳ କ୍ରମେ ଜଗୁଆଳି ର କାର୍ଯ୍ୟ କାଳ ସରିଯିବା ପରେ କିଛି ଅସାଧୁ ବ୍ୟକ୍ତି ବିଶେଷ ଗଛ କଟି ରବି ଫସଲ କରିଛନ୍ତି।
ଏ ବାବଦରେ ବନ ବିଭାଗ କୁ ଜଣେଇ ଥିଲେ ମଧ୍ୟ କୌଣସି ସୁଫଳ ମିଳିନାହିଁ। ବର୍ତ୍ତମାନ ଭେଜିଗୋରା ଅଞ୍ଚଳ ର କିଛି ଲୋକ ଅଧିକ ଗଛ କାଟି ସେଠାରେ ଚାଷ ଜମି ସହିତ ସ୍ଥାୟୀ କୂଅ ଓ ସ୍ଥାୟୀ ଘର କରି ବସବାସ କରୁଛନ୍ତି। ମହାନଦୀ ବନ୍ୟା ଦ୍ଵାରା ନଦିକୁଳ ଚାରଣ ଭୂମି ଜଳମଗ୍ନ ହେଉଥିବା ଯୋଗୁଁ ଉକ୍ତ ଅଂଚଳ ର ଲୋକ ମାନେ କୋଚିଳାଖାଇ ଜଙ୍ଗଲ କୁ ଗାଈ ଗୋରୁ ଚରେଇ ନେବା ପାଇଁ ବାଟ ପାଉନାହାନ୍ତି। ସମ୍ପୂର୍ଣ ସୁରୁଣ୍ଡି ଓ କୋଚିଲାଖାଇ ଜଙ୍ଗଲ ଏବେ ମାଫିଆ ଙ୍କ କବଜା ରେ। ତେଣୁ ପ୍ରଶାସନ ସ୍ଵତନ୍ତ୍ର ଦୃଷ୍ଟି ଦେଇ ଉକ୍ତ ସରକାରୀ ଜମି ରୁ ଜବରଦଖଲ ଉଚ୍ଛେଦ କରିବା ପାଇଁ ସୁରୁଣ୍ଡି ଗ୍ରାମବାସୀ ହାରଭଙ୍ଗା ତହସିଲଦାର ଙ୍କୁ ଏକ ଦାବୀ ପତ୍ର ଦେଇଥିବା ଜଣାପଡ଼ିଛି।
