ବେଲଗୁଣ୍ଠା:ଆଜି ବେଲଗୁଣ୍ଠାର ବିଭିନ୍ନ ଅନୁଷ୍ଠାନରେ ଦେବଶିଳ୍ପୀ ବିଶ୍ଵକର୍ମାଙ୍କ ପୂଜା ଅନୁଷ୍ଠିତ ହୋଇଛି I ଏହି ଅବସରରେ ବେଲଗୁଣ୍ଠା ସାଇ ଆଇଟିଆଇରେ ବ୍ରଜକିଶୋର ମହାରଣାଙ୍କ ତତ୍ତ୍ୱାବଧାନରେ ବିଶ୍ଵକର୍ମା ପୂଜା ଅନୁଷ୍ଠିତ ହୋଇଥିବା ବେଳେ ପୁରୋହିତ ଉପେନ୍ଦ୍ର ପତି ପୂଜା କାର୍ଯ୍ୟ ସମ୍ପନ୍ନ କରିଥିଲେ ଓ ସାଇ ଆଇଟିଆଇର ଅଧକ୍ଷ ମଧୁସୂଦନ ମହାପାତ୍ର ସମସ୍ତ କାଯ୍ୟକ୍ରମ କୁ ପରିଚାଳନା କରିଥିଲେ ।
ବ୍ଲକ ର ରାଜୀବଗାନ୍ଧୀ ସେବାକେନ୍ଦ୍ର ରେ ଗ୍ରାମ୍ୟ ପାନୀୟ ଜଳ ଯୋଗାଣ ଓ ପରିମଳ ବିଭାଗ ତରଫରୁ ଅନୁଷ୍ଠିତ ପୂଜାରେ କର୍ତା ଭାବେ ବିଡ଼ିଓ ରୋସନ ଶତପଥୀ, କନିଷ୍ଠ ଯନ୍ତ୍ରୀ ସୁଜିତ ପାତ୍ର ଓ ସହକାରୀ ନିର୍ବାହୀ ଯନ୍ତ୍ରୀ ରବୀନ୍ଦ୍ର ପଣ୍ଡା ଉପସ୍ଥିତ ଥିଲେ । ସେହିପରି ଏନ୍ଏସିର ପି.ଏଚ୍.ଡି କାର୍ଯ୍ୟାଳୟରେ ଅନୁଷ୍ଠିତ ପୂଜାରେ ସହକାରୀ ଯନ୍ତ୍ରୀ ମୃତ୍ୟୁଞ୍ଜୟ ସାହୁ ଏବଂ ଉତ୍ତର ପତି ଯଥାକ୍ରମେ କର୍ତ୍ତା ଏବଂ ପୁରୋହିତ ଭାବେ ଯୋଗ ଦେଇଥିଲେ I
ସେହିପରି ବେଲଗୁଣ୍ଠା ବ୍ଳକ୍ ଗ୍ରାମ୍ୟ ଜଳ ଯୋଗାଣ ବିଭାଗ,ବମ୍ବେ ଷ୍ଟିଲ୍,ସୁରଜିତ୍ ମାନା କାର୍ପେଣ୍ଟର୍,କ୍ଷତ୍ରିୟବରପୁର ସ୍ଥିତ ବୁଢାକେନ୍ଦୁ ଶିଳ୍ପ ତାଲିମ୍ କେନ୍ଦ୍ର, ବିଦ୍ୟୁତ୍ କାର୍ଯ୍ୟାଳୟ,କଣ୍ଟେଇପଲ୍ଲୀ ସ୍ଥିତ ବିଦ୍ୟୁତ୍ କାର୍ଯ୍ୟାଳୟ ସମେତ ବିଭିନ୍ନ ଅନୁଷ୍ଠାନରେ ମହାସମାରୋହରେ ବିଶ୍ଵକର୍ମାଙ୍କ ପୂଜା ଅନୁଷ୍ଠିତ ହୋଇଯାଇଛି I ଅଞ୍ଚଳର ତପନ ପୁରୋହିତ, ଶରତ ପତି, ହରିହର ତ୍ରିପାଠି, ଦୂର୍ଗା ଶତପଥି ପ୍ରମୁଖ ପୂଜାକାର୍ଯ୍ୟ ସମ୍ପନ୍ନ କରିଥିଲେ I ଏହି ପୂଜା ଦେଖିବା ପାଇଁ ମେଢ଼ ଗୁଡ଼ିକ ନିକଟରେ ଭିଡ଼ ଜମିଥିଲା I
