ଟିଟିଲାଗଡ:(ସଞ୍ଜୟ କୁମାର ନାୟକ) କେନ୍ଦ୍ର ତଥା ରାଜ୍ୟ ସରକାର ମହିଳା ଓ ଶିଶୁ ମାନଙ୍କ ବିକାଶ ତଥା କୁପୋଷଣକୁ ରୋକିବା ଦିଗରେ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ହାତକୁ ନେଇଛନ୍ତି। ସେ ଭିତରୁ ଛତୁଆ, ବାଦାମ ଲଡୁ ଅନ୍ୟତମ। ଟିଟିଲାଗଡର ବିଧାୟିକା ତଥା ମନ୍ତ୍ରୀ ଶ୍ରୀମତି ଟୁକୁନି ସାହୁଙ୍କ ଉଦ୍ୟମ କ୍ରମେ ମାଁ ଏବଂ ଶିଶୁ ମାନଙ୍କୁ ଉତ୍ତମ ଗୁଣର ଛତୁଆ କିପରି ମିଳିବ ସେ ନେଇ ଏକ ଛତୁଆ ପ୍ଲାଣ୍ଟ ମଧ୍ଯ ସ୍ଥାପନ ପିପଲ ପଦର ଠାରେ କରାଇଲେ। ନିଜ ଅଞ୍ଚଳର ଶିଶୁ ମହିଳା ଏଥିରୁ ଲାଭ କଣ ପାଇବେ କେବଳ କାଗଜପତ୍ରରେ ଚାଲିଛି ବଣ୍ଟନ। କିଛି ମାସ ପୂର୍ବେ ଏହାର ଖବର ପ୍ରସାରଣ କରିବା ପରେ ପୁର୍ବରୁ ତିନି ମାସ ଛତୁଆ ଓ ବାଦାମ ଲଡୁ ବଣ୍ଟନ କରା ନ ଯାଇ ଥିବା ବେଳେ ଗୋଟିଏ ମାସର ଦେଲେ, ତାପରେ ତଦନ୍ତ ତଥା ଆରଟିଆଇ ଆଧାରରେ ଦିଆଯାଉଥିବା ତଥ୍ୟ ପ୍ରଦାନ କଲେ, ତିନି ମାସର କାହିକି ଛତୁଆ ଦିଆଯାଇନାହିଁ ପଚାରିବାରୁ ମେସିନ ଖରାପ ଥିଲା ବୋଲି ସିଡିପୀଓ ଶ୍ରୀମତି ସାହୁ ଜଣାଇଥିଲେ।
ଏଠାରେ ପ୍ରଶ୍ନ ଉଠେ ଯେ ନୂଆ ପ୍ଲାଣ୍ଟ ସ୍ଥାପନର କିଛି ଦିନ ପରେ ମେସିନ ଖରାପ ହେବା, ଖରାପ ହୋଇ ପୁଣି ସଜଡ଼ା ହେଲା, ତାପରେ ବି ସେହି ତିନି ମାସର ଛତୁଆ ଦିଆ ଗଲାନି କାହିଁକି ? ସେ ଛତୁଆ ଗଲା କୁଆଡେ ? ତାପରେ ଗୋଟିଏ ମାସର ଛତୁଆ ବଣ୍ଟନ ହେଲା ତାପରେ ପୁଣି ଦୁଇ ମାସ ଦିଆ ଯାଇନାହିଁ, ପ୍ରତି ମାସରେ ସମସ୍ତ ମାଁ ଏବଂ ଶିଶୁ ମାନଙ୍କୁ ଏହା ଯୋଗାଇବା କଥା, କେଉଁ କାରଣରୁ ଯୋଗାଇ ଦିଆ ଯାଇନାହିଁ ? ପୁର୍ବ ତିନି ମାସର ଛତୁଆ ଗଲା କୁଆଡେ ? ଏ ଦିଗରେ ସିଡ଼ିପୀଓ, ଉପଜିଲ୍ଲାପାଳ, ଜିଲ୍ଲାପାଳ ଏବଂ ବିଭାଗୀୟ ମନ୍ତ୍ରୀ ଦୃଷ୍ଟି ଦେଇ ତଦନ୍ତ କଲେ ସତ୍ୟତା ପଦାକୁ ଆସିବ ବୋଲି ହିତାଧିକାରୀ ମାନେ ଦାବି କରୁଛନ୍ତି। ଗୋଟିଏ ପଟେ ରାଜ୍ୟ ସରକାର ମହିଳା ଶିଶୁ ମାନଙ୍କ ପାଇଁ ବିକାଶର ଡିଣ୍ଡିମ ପିଟୁ ଥିବା ବେଳେ ଏହି ଯୋଜନାର ହରିଲୁଟ ପାଇଁ ଲୋକ ଦାୟୀ କାହାକୁ କରିବେ ସରକାର ଥରେ ବିଚାର କରନ୍ତୁ। ସରକାରି ଯୋଜନାର ହରିଲୁଟ କିପରି ହୁଏ ଏଥିରୁ ଅନୁମେୟ।
