କଣ୍ଟାବାଞ୍ଜି ବ୍ୟୁରୋ: (ନରେନ୍ଦ୍ର ନେଗୀ)ଦାଦନ ଗଡ ଭାବରେ ପରିଚିତ ବଲାଙ୍ଗିର ଜିଲ୍ଲାର ତୁରେକେଲା ବ୍ଲକ । ପ୍ରଶାସନ ର ଅବହେଳା ଏବଂ ଅନେକ ରାଜନୈତିକ ଚାପ୍ ଯୋଗୁଁ ଏଠି ହଜାର ହଜାର ଲୋକ ଦାଦନ ଚାଲାଣ ହୋଇଥାନ୍ତି। ଅନେକ ରାଜନେତା ଏବଂ ତାଙ୍କ ସମ୍ପର୍କୀୟ ମାନେ ଏଠି ଦାଦନ ସର୍ଦ୍ଦାର ଅଟନ୍ତି । ତେଣୁ ଏହି ଅଞ୍ଚଳରୁ ଦାଦନ ଚାଲାଣ କରିବା ଅତି ସହଜ ହୋଇଥାଏ । ଏଠି ଯଦି କୌଣସି ଅଫିସର ଦାଦନ ଚାଲାଣ ରୋକିବାକୁ ଚେଷ୍ଟା କରନ୍ତି ତା ହେଲେ ତାଙ୍କ ବଦଳି ହୁଏ ଅଥବା ତାଙ୍କୁ ରାଜନୈତିକ ଚାପ ପକାଇ ଚୁପ୍ କରି ଦିଆଯାଏ ।
ଏହି ବ୍ଲକ ଅନେକ ଲୋକ ଦାଦନ ଖଟିବାକୁ ଯାଇ ମୃତ୍ୟୁ ବରଣ କରିଥିବା ଅନେକ ସମୟରେ ଦେଖିବାକୁ ମିଳୁଛି । ଏଭଳି ଏକ ଘଟଣା ଦେଖିବାକୁ ମିଳିଛି ତୁରେକେଲା ବ୍ଲକ କମେଇମୁଣ୍ଡା ଗ୍ରାମ ପଞ୍ଚାୟତ ଅନ୍ତର୍ଗତ ମାନ୍ଦଲା ଗାଁରେ। ମୃତକଙ୍କ ପରିବାର କହିବା ମୁତାବକ ଶଙ୍କର ଚିନାଗୁନ (୫୦) ଦାଦନ ଶ୍ରମିକ ଭାବରେ କମେଇମୁଣ୍ଡା ର ଦାଦନ ଦଲାଲ ଦୈତାରି ମାଝି, କୈଳାସ ମାଝି ଓ ଜଗମନ ବାଗ ଗତ ଡିସେମ୍ବର ୨୭ ତାରିଖ ୨୦୨୨ ମସିହାରେ ରାତ୍ର ୧୦ ଘଣ୍ଟା ସମୟରେ ତେଲେଙ୍ଗାନା ରାଜ୍ୟ ମେଦକ୍ ଜିଲ୍ଲା କୁଲ୍ ଚରମ୍ ଥାନା ଅନ୍ତର୍ଗତ ଚିନ୍ନାଘନପୁର୍ ଗାଁ କୁ ଦାଦନ ଶ୍ରମିକ ଭାବେ ଇଟା କାର୍ଯ୍ୟ କରେଇବାକୁ ନେଇଥିଲେ। କିଛି ଦିନ ପରେ ଦୈତାରି ମାଝି ଓ କୈଳାସ ମାଝି ଶଙ୍କର ଚିନାଗୁନଙ୍କ ପରିବାର ଙ୍କୁ ଶଙ୍କର ଚିନାଗୁନ କେଉଁ ପଟେ ପଳେଇ ଗଲା ବୋଲି କହିଥିଲେ । ଶଙ୍କର ଘରକୁ ନ ଆସିବାରୁ ପରିବାର ଲୋକେ ଖୋଜାଖୋଜି କରି କିଛି ଖବର ପାଇଲେ ନାହିଁ।
ଏନେଇ ଗତ ଜାନୁଆରୀ ୨୨/୨୦୨୩ ତାରିଖ ଦିନ ତୁରେକେଲା ପୋଲିସ ଙ୍କୁ ଲିଖିତ ଭାବେ ଅଭିଯୋଗ ଜଣାଇଥିଲେ କିନ୍ତୁ ସେ ସମୟରେ ଥିବା ପୋଲିସ ବାବୁ ତାଙ୍କ ଗୁହାରି ଶୁଣିଲେ ନାହିଁ। ବର୍ତ୍ତମାନ ତୁରେକେଲା ଥାନାକୁ ନୂତନ ଭାବେ ଆସିଥିବା ଆଇ ଆଇ ସି ଭାନୁପ୍ରତାପ ୟାଦଭଙ୍କୁ ଏହି ବିଷୟରେ ଜଣାଇଥିବାରୁ ଥିବାରୁ ସେ ତୁରନ୍ତ ଏକ ପୋଲିସ କର୍ମଚାରୀଙ୍କୁ ତେଲେଙ୍ଗାନା ତଦନ୍ତ ନିମନ୍ତେ ପଠାଇଥିଲେ। ଦାଦନ ଦଲାଲ୍ , ମୃତକ ଶଙ୍କର ଚିନାଗୁନଙ୍କ ପୁଅ ଭକ୍ତ ଚିନାଗୁନ ଓ ତୁରେକେଲା ପୋଲିସ ତେଲେଙ୍ଗାନା ରାଜ୍ୟ ମେଦକ ଜିଲ୍ଲା କୁଲଚରମ୍ ଥାନା ଅନ୍ତର୍ଗତ ଚିନ୍ନାଘନପୁର୍ କୁ ପହଞ୍ଚି ଇଟାଭାଟି ମାଲିକମାନଙ୍କୁ ସାକ୍ଷାତ କରି ଶଙ୍କର ଚିନାଗୁନ ଙ୍କ ବିଷୟ ନେଇ ପଚରା ଉଚୁରା କରିଥିଲେ। ଏହା ପରେ ଇଟାଭାଟି ମାଲିକ ମୁଁ କିଛି ଯାଣି ନାହିଁ ବୋଲି କହିଥିଲା। ଏନେଇ କୁଲଚରମ୍ ଥାନା କୁ ଯାଇ ପଚରାଉଚରା କରିବାରୁ କୁଲଚରମ୍ ପୋଲିସ ହଁ ଜଣେ ଅଜଣା ବ୍ୟକ୍ତି ଗତ ଡିସେମ୍ବର ୨୯/୨୦୨୨ ତାରିଖ ଦିନ ପାଟ୍ଟିକୁଣ୍ଟା ପୋଖରି ରେ ବୁଡି ମୃତ୍ୟୁ ହୋଇଥିବା ମାଠାମାଲା ପି:ନର୍ସିମ୍ଳୁ ଅଭିଯୋଗ ଜଣାଇଥିଲା।
ଏନେଇ କୁଲଚରମ୍ ପୋଲିସ ଟିମ୍ ଓ ସାଇଣ୍ଟିକ୍ ଟିମ୍ ଓ ସରକାରୀ ଗେଜେଟ ସମସ୍ତ ଉପସ୍ଥିତ ରେ ପାଟ୍ଟିକୁଣ୍ଟମ୍ ପୋଖରି ରୁ ଶବଟିକୁ ଉଦ୍ଧାର କରି ପୋଷ୍ଟମର୍ଟମ କରାଇଥିବାରୁ ରିପୋର୍ଟ ମୁତାବକ ପାଣିରେ ବୁଡି ମୃତ୍ୟୁ ହୋଇଛି ବୋଲି ପୋଲିସ କହି ଫଟୋଚିତ୍ର ସବୁ ଦେଖାଇଥିଲେ। ଉକ୍ତ ମୃତ ଶବ ଫଟୋ ଦେଖେଇବାରୁ ପିନ୍ଧି ଥିବା ସାର୍ଟକୁ ଦେଖି ଶଙ୍କର ଚିନାଗୁନଙ୍କ ପୁଅ ଭକ୍ତ ଚିନାଗୁନ ହଁ ଏଇଟା ମୋ ବାପା ଶଙ୍କର ଚିନାଗୁନ ବୋଲି କହିଥିଲେ। ମୋ ବାପା ପାଣି ପହଁରି ଜାଣିଥିଲେ ହେଲେ କେମିତି ପାଣିରେ ବୁଡି ମୃତ୍ୟୁ ହେଲା ତାହା ସେ ସନ୍ଦେହ କରିଥିଲା।
ଯେଉଁ ଇଟା ଭାଟିରେ ଶଙ୍କର ଚିନାଗୁନ କାମ କରୁଥିଲା ସେହି ଇଟା ଭାଟିରେ ତାଙ୍କ ଗ୍ରାମର ଚିତ୍ତ ମନ୍ ମାଝି ଓ କପି ମାଝି ମଧ୍ୟ କାମ କରୁଥିଲେ ବୋଲି ଭକ୍ତ ଚିନାଗୁନ କହିଥିଲେ । ମୃତକଙ୍କ ପରିବାର ଙ୍କ କହିବା ଅନୁସାରେ ଦାଦନ ଦଲାଲ୍ ଦୈତାରି ମାଝି ଓ କୈଳାସ ମାଝି କିଛି ଅଗ୍ରିମ୍ ଟଙ୍କା ଦେଇଥିବା ପରିବାରଙ୍କୁ ଜଣାଇଥିଲେ ହେଲେ ଏହି ଟଙ୍କା ବିଷୟରେ ପରିବାର ଲୋକେ କିଛି ଜାଣି ନଥିବା କହିଛନ୍ତି । ଏହି ଟଙ୍କା କୁ ନେଇ ତାଙ୍କ ବାପାଙ୍କ ହତ୍ୟା ହୋଇଥାଏ ପାରେ ବୋଲି ପରିବାର ଲୋକେ ଅଭିଯୋଗ କରିଛନ୍ତି। ବର୍ତମାନ ତୁରେକେଲା ପୋଲିସ ଏହାର ତଦନ୍ତ ଜାରି ରହିଛି।
