କଳାହାଣ୍ଡି:(ନରେନ୍ଦ୍ର ନେଗୀ)ଭବାନୀପାଟଣା ପୁରୁଣା ପଡାରେ ଶୁକ୍ରବାର ଟାଟା ପାୱାରର ଏକ ଅଭିଯୋଗ ସମାଧାନ ପ୍ରକୋଷ୍ଠ ଉଦଘାଟିତ ହୋଇଯାଇଛି l ଓଡିଶା ବିଦ୍ୟୁତ୍ ନିୟନ୍ତ୍ରଣ କମିଶନ ( ଓଇଆରସି ) ଅଧ୍ୟକ୍ଷ ସୁରେଶ ଚନ୍ଦ୍ର ମହାପାତ୍ର ମୁଖ୍ୟ ଅତିଥି ଭାବେ ଯୋଗଦେଇ ଏହି ପ୍ରକୋଷ୍ଠକୁ ଉଦଘାଟନ କରିଥିଲେ
କଳାହାଣ୍ଡି ଏବଂ ନୂଆପଡ଼ା ଜିଲ୍ଲା ର ପ୍ରାୟ ୨ ଲକ୍ଷ ୮୦ ହଜାର ରୁ ଅଧିକ ବିଦ୍ୟୁତ୍ ଗ୍ରାହକ ଏହା ଦ୍ୱାରା ଲlଭାନ୍ଵିତ ହେlଇ ପାରିବେ ବୋଲି ଶ୍ରୀ ମହାପାତ୍ର ଆଶା ପ୍ରକାଶ କରିଥିଲେ । ମିଟର ରିଡିଂ, ବିଲିଂ ଆଦି ବିଭିନ୍ନ ସମସ୍ୟାର ସମାଧାନ ପାଇଁ ପୂର୍ବରୁ କଳାହାଣ୍ଡି ଏବଂ ନୂଆପଡ଼ା ଜିଲ୍ଲା ର ବିଦ୍ୟୁତ୍ ଗ୍ରାହକ ଙ୍କୁ ବଲାଙ୍ଗୀର ଯିବାକୁ ପଡୁଥିଲା ।
ତେବେ ଏଠାରେ ଅଫିସ ଖୋଲିବା ଯୋଗୁଁ ଗ୍ରାହକ ମାନଙ୍କୁ କମ ସମୟରେ ସେମାନଙ୍କ ଅଭିଯୋଗର ସ୍ଥାୟୀ ସମାଧାନ ହେlଇ ପାରିବ ବୋଲି ସେ କହିଥିଲେ । ଜଣେ ଅଧିକ୍ଷଣ ଯନ୍ତ୍ରୀ ଙ୍କ ନେତୃତ୍ୱ ରେ ଏଠାରେ ଅଫିସ କାମ କରିବ ବୋଲି ସେ ଗଣମାଧ୍ୟମକୁ ସୂଚନା ଦେଇଥିଲେ । ଏହି ଉଦ୍ଘାଟନୀ କାର୍ଯ୍ୟକ୍ରମରେ ଓଇଆରସି ର ବରିଷ୍ଠ କର୍ମକର୍ତ୍ତା ଗଜେନ୍ଦ୍ର ମହାପାତ୍ର , ସୁଶାନ୍ତ କୁମାର ରାୟ ମହାପାତ୍ର , କଳାହାଣ୍ଡି ଜିଲ୍ଲାପାଳ ପି.ଅନ୍ୱେଷା ରେଡ୍ଡୀ , ଟିପି ଡ଼ବ୍ଲୁଓଡିଏଲ୍ ର ସିଇଓ ଇଞ୍ଜିନିୟର ଗଜାନନ କାଲୋ ଙ୍କ ସମେତ କଳାହାଣ୍ଡି ଟାଟା ପାୱାର ର ବରିଷ୍ଠ ଅଧିକାରୀ ମାନେ ଯୋଗ ଦେଇଥିଲେ।
