କେସିଙ୍ଗା:(ପ୍ରିତେଶ ପଟେଲ୍) କଳାହାଣ୍ଡି ଜିଲ୍ଲା କେସିଙ୍ଗା ଥାନା ରେଳବାଇ ଷ୍ଟେସନ ନିକଟରେ ଗତ କାଲି ରାତିରେ ବଗାଡ଼ ଗ୍ରାମର କେଶବ ନାୟକ ଙ୍କୁ ତିନି ଜଣ ଯୁବକ ତାଙ୍କୁ ଛୁରା ମାଡ଼ କରିଥିଲେ ।
ଛୁରା ମାଡ଼ କରିଥିବା ଯୁବକ ତିନି ଜଣ କେସିଙ୍ଗା ଏନ୍ ଏ ସି ୱାର୍ଡ ନମ୍ବର ୧୨ର ବାସିନ୍ଦା ବୋଲି ଜଣା ପଡ଼ିଛି ।ଛୁରା ମାଡ଼ କରିଥିବା ୩ ଜଣ ଅଜୟ ମାଝୀ,ଜୟ ସୁନା ଓ ଜଗା ସୁନା ଙ୍କୁ ପୋଲିସ ଅଟକ ରଖି ପଚରା ଉଚରା କରିଥିବା ବେଳେ ଆଜି ତାଙ୍କୁ କୋର୍ଟ ଚାଲାଣ କରାଯିବ ବୋଲି ଭାରାପ୍ରାପ୍ତ ଥାନା ଅଧିକାରୀଙ୍କ ଠାରୁ ଖବର ମିଳିଛି ।
ସାମାନ୍ୟ ବଚସା ରୁ କାରଣ ଏଭଳି ଏକ ଘଟଣା ଘଟିଛି ନା ଆଉ କଣ କାରଣ ରହିଛି ତାହାକୁ ନେଇ ପୋଲିସ ତଦନ୍ତ ଜାରି ରଖିଛି ।ଗତ ରାତିରେ କେଶବ ଙ୍କୁ କେସିଙ୍ଗା ସ୍ଥିତ ଗୋଷ୍ଠୀ ଡାକ୍ତରଖାନା ନିଆଯାଇଥିଲା ପରେ ପ୍ରାଥମିକ ଚିକିତ୍ସା ପରେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତରିତ କରାଯାଇଥିବା ଖବର ମିଳିଛି ।
