କଣ୍ଟାବାଞ୍ଜି ବ୍ୟୁରୋ :(ନରେନ୍ଦ୍ର ନେଗୀ)ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ରେଳ ଷ୍ଟେସନ ପଶ୍ଚିମ ପ୍ରାନ୍ତ ରେଲୱେ ଶ୍ରମିକ କଂଗ୍ରେସ ପକ୍ଷରୁ ଏକ ସାଧାରଣ ବୈଠକ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥ୍ ଭାବରେ ସଂଘର ସମ୍ବଲପୁର ଜିଲ୍ଲା ଡିସି ଭୂପେଶ କୁମାର ମୁଣ୍ଡ ଓ ସମ୍ମାନିତ ଅତିଥ୍ ଭାବରେ ସଂଘର ସମ୍ବଲପୁର ଡିସି ବିଜୟ କୁମାର ମିଶ୍ର ଯୋଗ ଦେଇଥିଲେ।
ଏହି କାର୍ଯ୍ୟକ୍ରମରେ ସଂଘ ପକ୍ଷରୁ ସମସ୍ତ ସଦସ୍ୟ ମାନଙ୍କୁ ନେଇ ଏକ ଶୋଭାଯାତ୍ରା ଅନୁଷ୍ଠିତ ହୋଇଥିଲା। ତା ପରେ ଏକ ସାଧାରଣ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକ ସମସ୍ତ ବ୍ରାଞ୍ଚ ମାନଙ୍କରେ ଦୁଇ ବର୍ଷରେ ଥରେ ଅନୁଷ୍ଠିତ ହୋଇ ବ୍ରାଞ୍ଚ ନୂତନ କର୍ମକର୍ତ୍ତା ଚୟନ କରାଯାଇଥିଲା। ମୁଖ୍ୟ ଅତିଥି ନିଜ ବକ୍ତବ୍ୟ ରେ କହିଥିଲେ ଯେ କେନ୍ଦ୍ର ସରକାରଙ୍କ ମନୋମୁଖୀ ଶାସନ କରୁଛନ୍ତି।
ତା ସହିତ ସଂଘ ପକ୍ଷରୁ ବିଭିନ୍ନ ଦାବୀ ଉପସ୍ଥାପନା କରିଥିଲେ। ଏଥିରେ ଏନପିଏସକୁ ବନ୍ଦ କରି ଓପିଏସ ଲାଗୁ କରାଯାଉଛି ରେଲୱେ କର୍ମଚାରୀ ମାନଙ୍କ ପାଇଁ ବଦ୍ଧିତ ଦରମା ଦିଆଯାଉ ବୋଲି ସେ କହିଥିଲେ । ଏହି ବୈଠକରେ ସମ୍ବଲପୁର ଡିଭିଜନ ଓ କଣ୍ଟାବାଞ୍ଜି ବ୍ରାଞ୍ଚ ର ସମସ୍ତ ସଦସ୍ୟ ଉପସ୍ଥିତ ରହିଥିଲେ। ଏହି ଅବସରରେ କଣ୍ଟାବାଞ୍ଜି ଓଡ଼ିଶା ଭାସ୍କର ସାମ୍ବାଦିକ ତୁଳସୀ ରାମ ଜଗତଙ୍କୁ ସମ୍ମାନିତ କରାଯାଇଥିଲା । ଏଥିରେ ସଂଘର ବ୍ରାଞ୍ଚ ସମ୍ପାଦକ ଏନ୍ ସୁଧାକର ରାଓ , ବ୍ରାଞ୍ଚ ସଭାପତି ଏନ୍ ନାଗେଶ୍ଵର ରାଓ, ବ୍ରାଞ୍ଚ କୋଷାଧ୍ୟକ୍ଷ ସନ୍ତୋଷ ବୁଡେକ୍ , ସଂଯୋଜକ ସମ୍ପାଦକ ମୁରଲୀ ଦାସ , ଯୁବ ସଂଯୋଜକ ବିଶିକେଶନ ନାଗ, ସହ ବହୁ ସଦସ୍ୟ ବୈଠକରେ ଉପସ୍ଥିତ ରହିଥିଲେ।
