ବୌଦ୍ଧ:୨ /୦୯ (ଚିତ୍ତ ରଞ୍ଜନ ସିଂ)ସରକାର ବୃଦ୍ଧ ବୃଦ୍ଧା ଙ୍କୁ ବାର୍ଦ୍ଧକ୍ୟ ଭତା ଯୋଜନା ରେ ପ୍ରତ୍ୟକ ମାସ ରେ ସହାୟତା ଯୋଗାଇ ଦେଉଛନ୍ତି l କିନ୍ତୁ ତୃଣ ମୂଳ ସ୍ତର ରେ ଏହି ଯୋଜନା ଟି କେତେକ ବୃଦ୍ଧ ବୃଦ୍ଧା ଙ୍କୁ ଠିକ ଭାବ ରେ ପହଁଚି ପାରୁନଥିବା ଯୋଗୁଁ ହିତାଧିକାରୀ ଙ୍କ ଭିତରେ ଅସନ୍ତୋଷ ବୃଦ୍ଧି ପାଉଛି l ସୂଚନା ଥାଉକି ହରଭଙ୍ଗା ବ୍ଲକ ତିଳେଶ୍ୱର ପଞ୍ଚାୟତ କୃଷପାଳି ଗ୍ରାମର କୁନ୍ତଳା ସାହୁ ଜଣେ ଅସହାୟ ବିଧବା ମହିଳା ଆଜକୁ୭ ମାସ ହେଲା ଭତା ପାଇବା ରୁ ବଞ୍ଚିତ ହୋଇଥିବା ଜଣାପଡିଛି l
ତାଙ୍କ କହିବା ଅନୁସାରେ ପୂର୍ବରୁ ଠିକଠାକ ଭାବେ ଭତା ମିଳୁଥିଲା l ପରଵର୍ତ୍ତି ସମୟ ରେ ଆଙ୍ଗୁଠି ଛାପ ଆସୁନଥିବାରୁ ବ୍ୟାଙ୍କ କୁ ଆସିଥିବା ୭ ମାସର ଭତା ଆଜି ପର୍ଯ୍ୟନ୍ତ ପାଇ ପାରି ନାହିଁ ବୋଲି ବୃଦ୍ଧା ଜଣଙ୍କ କୋହଭରା କଣ୍ଠରେ ପ୍ରକାଶ କରିଥିଲେ l
ଅନ୍ୟପଟେ ସାମ୍ପୋଚ ପଞ୍ଚାୟତ ରମ୍ଭିକଟା ଗ୍ରାମର ପଦ୍ମବତୀ ନାୟକ ଉକ୍ତ ବିଧବା ମହିଳା ଙ୍କ ମଧ୍ୟ ସମାନ ଅବସ୍ଥା ଭୋଗୀ ଆଜକୁ ୭ ମାସ ଭତା ପାଇବାରେ ବଞ୍ଚିତ ରହିଥିବାବେଳେ ପଞ୍ଚାୟତ ଠୁ ଆରମ୍ଭ କରି ବ୍ୟାଙ୍କ ପର୍ଯ୍ୟନ୍ତ ଗୁହାରି କରିଥିଲେ ମଧ୍ୟ କେହି ଶୁଣୁନାହାନ୍ତି ଏପରିକି ଭତା ମିଳୁ ନଥିବାରୁ ଚଳିବାକୁ ବଡ଼ ଅସୁବିଧା ସମ୍ମୁଖୀନ ହେଉଥିବା କହନ୍ତି l ସେନେଇ ଦୁଇ ଅସହାୟ ବିଧବା ମହିଳାଙ୍କୁ ତୁରନ୍ତ ପ୍ରଶାସନ ଦୃଷ୍ଟି ଦେଇ ବାର୍ଦ୍ଧକ୍ୟ ଭତା ଯୋଗାଇ ଦେବାକୁ ସାଧାରଣ ରେ ଦାବି ହେଉଛି l
