ଟିଟିଲାଗଡ:( ସଞ୍ଜୟ କୁମାର ନାୟକ)ମଙ୍ଗଳବାର ଦିନ ସ୍ଥାନୀୟ ଟିଟିଲାଗଡ଼ ସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିର ପରିସରରେ ଜାତୀୟ କ୍ରୀଡା ଦିବସ ପାଳିତ ହୋଇଯାଇଛି। ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଶ୍ୟାମ ସୁନ୍ଦର ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ରୂପରେ ଶ୍ରୀଯୁକ୍ତ ଉମାକାନ୍ତ ଷଡ଼ଙ୍ଗୀ ଯୋଗଦେଇ ଶିଶୁ ଭାଇଭଉଣୀ ମାନଙ୍କୁ ଅନ୍ତଃରାଷ୍ଟ୍ରୀୟ ସ୍ତରରେ କ୍ରୀଡାର ମହତ୍ତ୍ଵ ଓ ଜୀବନରେ କ୍ରୀଡାର ଆବଶ୍ୟକତା ବିଷୟରେ ସାରଗର୍ଭକ ମାର୍ଗଦର୍ଶନ ଦେଇଥିଲେ।
ଜାତିୟ ହକି ଅଲମ୍ପିକ୍ସର ସ୍ପେଶିଆଲ କୋଚ ଓ ବଲାଙ୍ଗିର ଜିଲ୍ଲା ଖେଳ ଏବଂ ଜିମ୍ନ।ଷ୍ଟିକ, ନାମରେ ସୁପରିଚିତ। ବିଦ୍ୟାଳୟର ସଭାପତି ମାନନୀୟ ଶ୍ରୀଯୁକ୍ତ ଜ୍ୟୋତି ପ୍ରକାଶ ଗଡତ୍ୟାଙ୍କ ଦ୍ଵାରା ଶିଶୁ ଭାଇଭଉଣୀ ମାନଙ୍କ ଠାରେ ଉତ୍ସାହ ସୃଷ୍ଟି କରିବା ନିମନ୍ତେ କ୍ରୀଡା ଓ ଯୁଗପୁରୁଷ ମେଜର ଧ୍ୟନଚାନ୍ଦଙ୍କ ବିଷୟରେ କିଛି କୁଇଜ୍ ପ୍ରତିଯୋଗିତା ଅୟୋଜନକରି କୃତୀ ଛାତ୍ର ଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା।
ବିଦ୍ୟାଳୟର ସଂସ୍କୃତ ଆଚାର୍ଯ୍ୟ ଶ୍ରୀଯୁକ୍ତ ପଙ୍କଜ ବେହେରା ଅତିଥି ପରିଚୟ ପ୍ରଦାନ କରିବା ସହିତ ମଞ୍ଚ ପରିଚାଳନା କରିଥିଲେ। ଜାତୀୟ କ୍ରୀଡା ଦିବସ ଅବସରରେ ବିଦ୍ୟାଳୟର ସମସ୍ତ ଶିଶୁ ଭାଇଭଉଣୀ ମାନଙ୍କୁ ବିଭିନ୍ନଖେଳ ଖେଳିବାର ସୁଯୋଗ ଦିଆଯାଇଥିଲା।ଶିଶୁ ଭାଇଭଉଣୀମାନେ ମଧ୍ୟ ଉତ୍ସାହର ସହିତ କ୍ରୀଡ଼ାରେ ଅଂଶଗ୍ରହଣକରି ଆନନ୍ଦ ଅନୁଭବ କରିଥିଲେ।ଶେଷରେ ବିଦ୍ୟାଳୟର ସମସ୍ତଗୁରୁଜୀ ଗୁରୁମାଙ୍କ ସହଯୋଗରେ କାର୍ଯ୍ୟକ୍ରମ ସମାପ୍ତି ହୋଇଥିଲା।
