କଣ୍ଟାବାଞ୍ଜି :(ନରେନ୍ଦ୍ର ନେଗୀ)ଏଲଡିଏ ସଂଘ ତରଫରୁ ଏଲଡିଏ ପ୍ରତିଷ୍ଠାତା ଲବ ସୁନା ଙ୍କ ନେତୃତ୍ଵ ରେ କଣ୍ଟାବାଞ୍ଜି ଥାନା ଘେରାଉ କରାଯାଇଛି । ମୁଖ୍ୟ ତିନୋଟି ଦାବି ନେଇ ଆଜି ଏଲଡିଏ କଣ୍ଟାବାଞ୍ଜି ଥାନା ଘେରାଉ କରିଛି । ମୌସୁମୀ କୁମ୍ଭାର ନିଖୋଜ ଘଟଣା ର କ୍ରାଇମ୍ ବ୍ରାଞ୍ଚ ତଦନ୍ତ । ସାମ୍ବାଦିକ ମୁଣ୍ଡ ସୂପରି ଘଟଣା ର ନିରପେକ୍ଷ ତଦନ୍ତ। ଲଳିତ ଜେନ ମୃତ୍ୟୁ ଘଟଣାର କ୍ରାଇମବ୍ରାଞ୍ଚ୍ ତଦନ୍ତ ନେଇ ଆଜି କଣ୍ଟାବାଞ୍ଜି ଥାନା ଘେରାଉ କରିଛି ଏଲଡିଏ ।
କଣ୍ଟାବାଞ୍ଜି ବାଳିକା ଉଚ୍ଚ ବିଦ୍ୟାଳୟ ସମ୍ମୁଖରୁ ସହର ଭିତର ଦେଇ ଏଲ ଡି ଏ ର କର୍ମକର୍ତ୍ତା ମାନେ ଏକ ରେଲୀ ବାହାର କରି ଥାନା ସମ୍ମୁଖରେ ପହଞ୍ଚି ଧାରଣା ଦେଇଥିଲେ ଏହା ସହ ତହସିଲଦାର ଏବଂ ଏସ୍ ଡିପିଓଙ୍କ ଉପସ୍ଥିତି ରେ ଦାବି ପତ୍ର ଦେଇଥିଲେ । ଏହି ଘେରାଉ ସମୟରେ ସୁରଥ ବେହେରା, ଦିନେଶ ତାଣ୍ଡି, ରାଜେନ୍ଦ୍ର ଦୀପ, ଓମ୍ କୁମ୍ଭାର, ଧିରଜ କୁମ୍ଭାର, ପ୍ରେମିସ ବାଗ, ପିଙ୍କି ଖର୍ସେଲ ଙ୍କ ସହ ଶତାଧିକ ସମର୍ଥକ ଉପସ୍ଥିତ ଥିଲେ।
