କେସିଙ୍ଗା :(ପ୍ରୀତେଶ ପଟେଲ)ଜଣେ ବିକଳାଙ୍ଗ କୁ ସାହାଯ୍ୟ କରି ମାନବିକେତା ର ପରିଚୟ ଦେଇଛନ୍ତି କେସିଙ୍ଗା ବ୍ଲକ ରେ କାର୍ଯ୍ୟରତ ଗୋଷ୍ଠୀ ଉନ୍ନୟନ ଅଧିକାରୀ ପ୍ରଫୁଲ୍ଲ କୁମାର ଅଦୁ ।ଗତ କିଛି ଦିନ ତଳେ i ଗଣମାଧ୍ୟମ ଜରିଆରେ କେସିଙ୍ଗା ବ୍ଲକ ଅନ୍ତର୍ଗତ ଲଇତରା ପଞ୍ଚାୟତ ରେ ବସବାସ କରୁଥିବା ଲିଙ୍ଗରାଜ ଗହିର ନାମକ ଜଣେ ଅସହାୟ ବିକଳାଙ୍ଗ ବୃଦ୍ଧାଙ୍କ ବିଷୟ ଲୋକ ଲୋଚନ କୁ ଆସିଥିଲା ।ସୂଚନା ଅନୁଯାୟୀ ଲିଙ୍ଗରାଜ ଗହିର ବାତ ରୋଗରେ ପୀଡ଼ିତ ଥିବା ବେଳେ ତାଙ୍କର ପରିବାର ରେ କେହି ନାହାନ୍ତି ।
ତାଙ୍କ ଜନ୍ମ ସ୍ଥାନ କେସିଙ୍ଗା ବ୍ଲକ ର ଦେଣ୍ଡୋଗୁଡ଼ା ଗ୍ରାମ ହୋଇଥିଲେ ମଧ୍ୟ ,ସେ ନର୍ଲା ବ୍ଲକ ଅଧିନସ୍ଥ ତାଙ୍କ ଭଉଣୀ ଘରେ ରହିଆସୁଥିଲେ ।ହେଲେ ତାଙ୍କ ଭଉଣୀ ଙ୍କ ଦେହାନ୍ତ ପରେ ନିଜ ଜନ୍ମ ମାଟିକୁ ଫେରି ଆସିଥିଲେ ।ହେଲେ ମାତ୍ର କିଛି ଦିନ ବ୍ୟବଧାନ ପରେ ସେ ବାତ ଭଳି ଦୁରୋଗ୍ୟ ରୋଗରେ ପୀଡିତ ହେଲେ ।ତାଙ୍କର ନିଜର ଘର ନ ଥିବା ବେଳେ ଗାଁ ରେ ଏକ ସ୍ଥାନରେ ଜରି ଘୋଡାଇ ରହୁଥିଲେ ଓ ଗାଁ ଲୋକ ଯାହା ଦଉଥିଲେ ଖାଉଥିଲେ ନଚେତ୍ ଭୋକରେ ରହୁଥିଲେ ।
ଏହି ଖବର ଲୋକ ଲୋଚନ କୁ ଆସିବା ପରେ ସ୍ଥାନୀୟ ବି ଡି ଓ ପ୍ରଫୁଲ୍ଲ କୁମାର ଅଦୁ ନିଜେ ଲିଙ୍ଗରାଜ ଗହିର ପାଖକୁ ଯାଇ ତାଙ୍କୁ ୧୦ କେଜି ଚାଉଳ ,ଏକ ଟ୍ରାଇ ସାଇକଲ ,ଏକ ପଲିଥିନ ପ୍ରଦାନ କରିବା ସହିତ ଆଗକୁ ଆଉ କଣ ସରକାରୀ ସହାୟତା ପ୍ରଦାନ କରାଯାଇପାରିବ ତାହା ପ୍ରତି ଚେଷ୍ଟା କରିବେ ବୋଲି କହିଛନ୍ତି ।ଲିଙ୍ଗରାଜ ଗହିର ଙ୍କ ଆଧାର କାର୍ଡ ରେ ଥିବା ଠିକଣା କୁ ସଂଶୋଧନ କରି ଆଗକୁ ଲିଙ୍ଗରାଜ କୁ ସମସ୍ତ ସରକାରୀ ସୁବିଧା ଯୋଗାଇଦେବା ପାଇଁ ଚେଷ୍ଟା କରିବେ ବୋଲି ମତ ପ୍ରକାଶ କରିଛନ୍ତି ଲଇତରା ଗ୍ରାମ ପଞ୍ଚାୟତ ର ସରପଞ୍ଚ ଅଶୋକ ପୋଢ଼ କହିଛନ୍ତି ।ବି ଡି ଓ ଙ୍କ ଏହି ମହାନ୍ କାର୍ଯ୍ୟ ପାଇଁ ଚାରି ଆଡେ଼ ତାଙ୍କୁ ପ୍ରଶଂସା କରୁଛନ୍ତି ଲୋକେ ।
