କଣ୍ଟାବାଞ୍ଜି: (ନରେନ୍ଦ୍ର ନେଗୀ)ଆସନ୍ତା ସେପ୍ଟେମ୍ବର ୨୦ ତାରିଖ ରୁ ୨୮ ତାରିଖ ପର୍ଯ୍ୟନ୍ତ ଗୁଜୁରାତର ଅହମଦାବାଦ ଠାରେ ହେବାକୁ ଥିବା ଜାତୀୟ ୧୯ ବର୍ଷରୁ କମ ଚେସ ପ୍ରତିଯୋଗୀତାରେ ଭାଗ ନେବା ପାଇଁ କଣ୍ଟାବାଞ୍ଜି ରୁ ସୁରଜ ମହନ୍ତ ମନୋନୀତ ହୋଇଥିବା ସୂଚନା ମିଳିଛି । ବିଗତ କିଛି ବର୍ଷ ହେଲା କଣ୍ଟାବାଞ୍ଜିର ଯୁବ ପିଢ଼ି ଚେସ ଖେଳ ପ୍ରତି ଅଧିକ ଆକୃଷ୍ଟ ହେଉଥିବା ଦେଖିବାକୁ ମିଳିଛି।
ଅନେକ ସମୟରେ କଣ୍ଟାବାଞ୍ଜି ରେ ଜାତୀୟ ସ୍ତରର ଚେସ ଖେଳ ମଧ୍ୟ ଆୟୋଜନ କରାଯାଇଛି । ଏହା ଫଳରେ ଏହି ଅଞ୍ଚଳରେ ଦିନକୁ ଦିନ ଅନେକ ପ୍ରତିଭାବାନ ଚେସ ଖେଳାଳୀ ସ୍ରୁଷ୍ଟି ହେବା ସହ ରାଜ୍ୟ ଏବଂ ଜାତୀୟ ସ୍ତରକୁ ମନୋନୀତ ହେବା ଦେଖିବାକୁ ମିଳିଛି ।ସୁରଜ ଙ୍କ ଏହି ସଫଳତା ପାଇଁ କଣ୍ଟାବାଞ୍ଜି ସହରରେ ଖୁସିର ଲହରି ଖେଳି ଜାଇଛି l
