ଯାଜପୁର :(ଆନନ୍ଦ ଚନ୍ଦ୍ର ସାହୁ )ଯାଜପୁର ଜିଲା ଦଶରଥପୁର ବ୍ଲକ ଜୟନ୍ତରା ପଞ୍ଚାୟତ କୁଟୁରିଆ ଗ୍ରାମରେ ଥିବା ଜଗନ୍ନାଥ ମନ୍ଦୀରରେ ମହାସମାରୋହରେ ବାହୁଡା ଯାତ୍ରା ଅନୁଷ୍ଠିତ ହୋଇଯାଇଛି । ପୂଜକ ଗଦାଧର ମିଶ୍ରଙ୍କ ତତ୍ବାବଧାନରେ ମନ୍ଦିରର ସମସ୍ତ ପୂଜକ ସକାଳୁ ତିନି ଠାକୁରଙ୍କ ନୀତିକାନ୍ତି କରିଥିଲେ। ପରେ ଚତୁର୍ଦ୍ଧା ମୂର୍ତ୍ତିଙ୍କୁ ପହଣ୍ଡି କରି ରଥାରୁଢ଼ କରାଯାଇ ମନ୍ଦିର ଅଭିମୁଖେ ରଥ ଟଣା ହୋଇଥିଲା ।
ଏହି କାର୍ଯ୍ୟକ୍ରମରେ ସ୍ଥାନୀୟ ସରପଞ୍ଚ ସ୍ନିଗ୍ଧା ମଂଜରୀ ରାଉତଙ୍କ ସମେତ ମନ୍ଦିର କମିଟି ସଭାପତି କୂଳମଣି ତ୍ରିପାଠୀ, ଦିଗାମ୍ବର ସାମଲ,ବାବାଜୀ ଚରଣ ବେହେରା,କମଲ ଲୋଚନ ବେହୁରିଆ, ବ୍ରଜ କିଶୋର ରାଉତ,ଅଜିତ ସାମଲ ପ୍ରମୁଖ ଉପସ୍ଥିତ ରହି ବାହୁଡା ଯାତ୍ରା ପରିଚାଳନା କରିଥିଲେ । ସମଗ୍ର ଅଞ୍ଚଳରେ ଘଂଟାଘଂଟା ହୁଳହୁଳିରେ ପ୍ରକମ୍ପିତ ହୋଇ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା। ମନ୍ଦିର ପ୍ରଶାସନ ପକ୍ଷରୁ ଭକ୍ତମାନଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା କରାଯାଇଥିଲା । ଭିଡ଼କୁ ଦୃଷ୍ଟିରେ ରଖି ବ୍ୟାପକ ପୋଲିସ ମୁତୟନ ହୋଇଥିଲେ।
