ଆନ୍ଦୋଳନ ପାଇ ଚେତାବନୀ ଦେଲା ପ୍ରେସ କ୍ଲବ
ଭୁବନେଶ୍ବର /କଣ୍ଟାବାଞ୍ଜି / ବଲାଙ୍ଗୀର: (ନରେନ୍ଦ୍ର ନେଗୀ): ୨୧/୦୬ : ଦିନକୁ ଦିନ କାର୍ଯ୍ୟରତ ସାମ୍ବାଦିକ ମାନଙ୍କ ଉପରେ ଆକ୍ରମଣ ହେଉଥିବା ନଜିର ହେଉଛି । ସାମ୍ବାଦିକ ସମ୍ବିଧାନର ଚତୁର୍ଥ ସ୍ତମ୍ଭ । ବିଶ୍ଵ ପ୍ରସିଦ୍ଧ ପୁରୀ ରଥଯାତ୍ରା ସମୟରେ ଦୁଇ ଜଣ ସାମ୍ବାଦିକଙ୍କୁ ମରଣାନ୍ତକ ଆକ୍ରମଣ ହୋଇଛି । ସେହିପରି ଗତ କିଛି ଦିନ ପୂର୍ବରୁ ପ୍ରେସ କ୍ଲବ ସାଙ୍ଗଠନିକ ସମ୍ପାଦକଙ୍କୁ ଜଣେ ଫରେଷ୍ଟର ବାବୁ ମିଛ ମାମଲାରେ ଫସେଇବାକୁ ଚେଷ୍ଟା କରି ଥାନାରେ ଏତଲା ରୁଜୁ କରାଇଛନ୍ତି । ଏହି ଘଟଣାକୁ କଣ୍ଟାବାଞ୍ଜି ପ୍ରେସ କ୍ଲବ ତୀବ୍ର ନିନ୍ଦା କରି ରାଜ୍ୟ ପୋଲିସ ମହାନିର୍ଦେଶଙ୍କ ଉଦ୍ଦେଶ୍ୟରେ କଣ୍ଟାବାଞ୍ଜି ପୋଲିସ ଏସଡିପିଓଙ୍କୁ ଦାବିପତ୍ର ଦେଇଛନ୍ତି ।
ପୁରୀ ରଥଯାତ୍ରା ସମୟରେ କର୍ତ୍ତବ୍ୟରତ ସାମ୍ବାଦିକ ନ୍ୟୁଜ୭ ପୁରୀ ବ୍ୟୁରୋ ଚିଫ ଚିତ୍ତରଞ୍ଜନ ମହାନ୍ତି ଓ ପୁରୀ ପ୍ରତିନିଧି ଚନ୍ଦ୍ର ଶେଖର ପାତ୍ରଙ୍କୁ ୨ ଜଣ ସେବାୟତ ମରଣାନ୍ତକ ଆକ୍ରମଣକୁ ପ୍ରେସ କ୍ଲବ କଣ୍ଟାବାଞ୍ଜି ଦୃଢ ନିନ୍ଦା କରିବା ସହ କର୍ତ୍ତବ୍ୟରତ ସାମ୍ବାଦିକଙ୍କୁ ପୁରୀର ୨ ଆକ୍ରମଣକାରୀ ସେବାୟତ ମାଧବ ମହାପାତ୍ର ଓ ମାଧବ ପୂଜାପଣ୍ଡା ବିରୁଦ୍ଧରେ ମାମଲା ରୁଜୁ କରିବା ସହ ଦୃଢ କାର୍ଯ୍ୟନୁଷ୍ଠାନ ନିଆଯାଇ ତାଙ୍କୁ ଗିରଫ କରାଯାଉ । ଗତ କିଛି ଦିନ ପୂର୍ବରୁ ପ୍ରେସ କ୍ଲବ ସାଙ୍ଗଠନିକ ସମ୍ପାଦକ ତଥା ସକାଳ ପ୍ରତିନିଧି ରୋହନ ମହତଙ୍କ ନାଁରେ ଫରେଷ୍ଟର ବିଗ୍ନରାଜ ଫୋଡ ମିଥ୍ୟା ଏତଲା ଦେଇ ମାମଲା ରୁଜୁ କରିଛନ୍ତି ।
ଏହି ମାମଲାକୁ ପ୍ରତ୍ୟାହାର କରାଯାଉ ଏବଂ ଫରେଷ୍ଟର ଶ୍ରୀ ଫୋଡଙ୍କ ବିରୁଦ୍ଧରେ କାର୍ଯ୍ୟନୁଷ୍ଠାନ ନେଇ ତାଙ୍କୁ ଗିରଫ କରାଯାଉ । ଗତ ୮ ଦିନ ଆଗରୁ ଆମ୍ଭ ପ୍ରେସ କ୍ଲବ କାର୍ଯ୍ୟକାରୀ ସଭାପତି ତଥା ନ୍ୟୁଜ ୭ ରିପୋର୍ଟର ସୁରଦାସ ବାଗଙ୍କ ନାଁରେ ସୋସିଆଲ ମିଡିଆରେ ଏକ ମେସେଜ ଅପପ୍ରଚାର କରାଗଲା । କୌଣସି ପ୍ରମାଣ ତଥ୍ୟ ନଥିବା ବେଳେ କେମତି ଏଭଳି ମେସେଜ କରାଗଲା । ଏନେଇ କଣ୍ଟାବାଞ୍ଜି ଥାନାରେ ଲିଖିତ ଅଭିଯୋଗ ମଧ୍ୟ କରାଯାଇଛି ହେଲେ ଥାନା ଅଧିକାରୀ କୌଣସି ଆଖିଦୃଶିଆ ପଦକ୍ଷେପ ନେଇନାହାନ୍ତି । ଅପପ୍ରଚାର କରୁଥିବା ଲୋକଙ୍କ ବିରୁଦ୍ଧରେ ଆଇନ ଅନୁସାରେ କାର୍ଯ୍ୟନୁଷ୍ଠାନ ନିଆଯାଉ । ରାଜ୍ୟରେ ସାମ୍ବାଦିକ ସୁରକ୍ଷା ଆଇନ ଲାଗୁ କରାଯାଉ । ଦିନକୁ ଦିନ କାର୍ଯ୍ୟରତ ସାମ୍ବାଦିକ ମାନଙ୍କ ଉପରେ ଆକ୍ରମଣ ହେଉଛି ।
ସାମ୍ବାଦିକ ମାନଙ୍କୁ ଆକ୍ରମଣ କରୁଥିବା ଲୋକଙ୍କ ବିରୁଦ୍ଧରେ କାର୍ଯ୍ୟନୁଷ୍ଠାନ ନେବା ନିତାନ୍ତ ଜରୁରୀ । କାର୍ଯ୍ୟରତ ସାମ୍ବାଦିକ ମାନଙ୍କୁ ୨ ଲକ୍ଷ ସ୍ୱାସ୍ଥ୍ୟ ବୀମା ପରିବର୍ତେ ୧୦ ଲକ୍ଷ ଦିଆଯାଉ ବୋଲି ଦାବିପତ୍ରରେ ଉଲ୍ଲେଖ କରାଯାଇଛି । ଦାବି ପୁରାଣ ନହେଲେ ଆଗକୁ ଆନ୍ଦୋଳନ କରାଯିବ ବୋଲି ମଧ୍ୟ ଦାବିପତ୍ରରେ ଉଲ୍ଲେଖ କରାଯାଇଛି । ଦାବି ପତ୍ର ଦେବା ସମୟରେ ପ୍ରେସ କ୍ଲବ ସଭାପତି ପ୍ରଭଜିତ ସିଂ ସାଲୁଜା , କାର୍ଯ୍ୟକାରୀ ସଭାପତି ସୁରଦାସ ବାଗ , ଉପସଭାପତି ମନୋଜ ଶର୍ମା , ସାଙ୍ଗଠନିକ ସମ୍ପାଦକ ରୋହନ ମହତ , ଉପଦେଷ୍ଟା ଆଶିଷ ଖେତାନ , ଆନନ୍ଦ ମୋଟେ , କାର୍ଯ୍ୟକାରି ସଦସ୍ୟ ଜଗମୋହନ ତାଣ୍ଡି , ବିକାଶ ମିତ୍ତଲ , ଦେବେଶ ଶିଂଗଲ , କମଳ ଅଗ୍ରୱାଲ , ଅମିତ ଶର୍ମା ସହ ଅନ୍ୟ ମାନେ ଉପସ୍ଥିତ ଥିଲେ ।
