ଯୋଗଦେଲେ ଶତାଧିକ କଂଗ୍ରେସ ଓ ବିଜେଡି କର୍ମୀ
ଖପ୍ରାଖୋଲ:(ତାପସ ରଞ୍ଜନ ବେହେରା)ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଲକ ଯୋଗୀମୁଣ୍ଡା ବଜାର ପଡ଼ିଆରେ ବିଜେପି ନିର୍ବାଚନ ମଣ୍ଡଳୀ ସ୍ତରୀୟ ଜନସମ୍ପର୍କ ଅଭିଯାନ ତଥା ସଂଯୁକ୍ତା ମୋର୍ଚା ସମାବେଶ ସୋମବାର ଅନୁଷ୍ଠିତ ହୋଇଥିଲା।
ଯୋଗୀମୁଣ୍ଡ ମଣ୍ଡଳ ସଭାପତି ସ୍ୱରୂପା ପରୁଆ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମାବେଶ ରେ ମୁଖ୍ୟ ଅତିଥି ରୂପେ ବଲାଙ୍ଗିର ଲୋକସଭା ସାଂସଦ ସଙ୍ଗୀତା କୁମାରୀ ସିଂଦେଓ, ସମ୍ମାନିତ ଅତିଥି ରୂପେ ପାଟଣାଗଡ ପୂର୍ବତନ ବିଧାୟକ କନକ ବର୍ଦ୍ଧନ ସିଂହଦେଓ, ଜିଲ୍ଲା ସଭାପତି ଶିବାଜୀ ମହାନ୍ତି, ସାଧାରଣ ସମ୍ପାଦକ ଶ୍ରୀବତ୍ସ ବେହେରା, ବେଲପଡା ବ୍ଲକ ଜିଲ୍ଲା ପରିଷଦ ସଦସ୍ୟା ଅନିମା ଦାଶ, ଶବ୍ଦ ମିର୍ଦ୍ଧା, ନାରୀ ନେତ୍ରୀ ବୈଜୟନ୍ତି ପାଣିଗ୍ରାହୀ, କିଶନ ମୋର୍ଚ୍ଚା ସଭାପତି ମାଧବ ସାଏ ପ୍ରମୁଖ ଯୋଗଦେଇ କେନ୍ଦ୍ର ସରକାରଙ୍କ ସଫଳତା ଉପରେ ଆଲୋକପାତ କରିବା ସହ ସଙ୍ଗଠନ କୁ ସୁଦୃଢ଼ କରିବା କୁ ଆହ୍ଵାନ ଦେଇଥିଲେ।
ଏହି ଅବସରରେ ବେଳପଡା ଅଞ୍ଚଳର ବିଶିଷ୍ଟ ଆଦିବାସୀ ନେତା ବସନ୍ତ ମାଝୀ ଙ୍କ ନେତୃତ୍ବରେ ଶତାଧିକ କଂଗ୍ରେସ ଓ ବିଜେଡି କର୍ମୀ ବିଜେପି ରେ ଯୋଗ ଦେଇଥିଲେ। ଅତିଥି ମାନେ ଫୁଲ ମାଳ ଓ ଦଳୀୟ ଗାମୁଛା ଦେଇ ସ୍ବାଗତ କରିଥିଲେ। ସମାବେଶ ରେ ପାଟଣାଗଡ ନିର୍ବାଚନ ମଣ୍ଡଳୀ ର ଅନେକ ଦଳୀୟ କର୍ମୀ ଉପସ୍ଥିତ ଥିଲେ। କାର୍ଯ୍ୟକ୍ରମକୁ ବରିଷ୍ଠ କାର୍ଯ୍ୟକର୍ତ୍ତା କୁନୁ ମୁଣ୍ଡା ପରିଚାଳନା କରିଥିଲେ।
