ଭୁବନେଶ୍ବର /ବଲାଙ୍ଗୀର: (ନରେନ୍ଦ୍ର ନେଗୀ) : ବଲାଙ୍ଗିର ଜିଲ୍ଲା ମୁରିବାହାଲ ଥାନା ଖଲିଆପାଲି ଗାଁରେ ଜଣେ ନାବାଳକଙ୍କ ମୃତ ଦେହ ଉଦ୍ଧାର ହୋଇଛି l ମୃତକ ଜଣକ ହେଲେ ଖଲିଆପାଲି ଗାଁର ଗୁଣନିଧି ବାଗ l ଗତ ରାତି ରେ ଗୁଣନିଧି ଙ୍କ ମୃତ ଦେହ ଉଦ୍ଧାର ହୋଇଥିବା ବେଳେ ତାଙ୍କ ପରିବାର ଲୋକେ କଣ୍ଟାବାଞ୍ଜି ଡାକ୍ତରଖାନା ଚିକିତ୍ସା ପାଇଁ ଆଣିଥିଲେ l
ହେଲେ ଡାକ୍ତର ମୃତ ଘୋଷଣା କରିଥିଲେ . ମୃତକ ଗୁଣନିଧିଙ୍କ ପରିବାର ହତ୍ୟା ଅଭିଯୋଗ ଆଣିଛନ୍ତି l ମୃତ ଗୁଣନିଧି ଙ୍କ ବାପାଙ୍କ ଅଭିଯୋଗ ଅନୁସାରେ ଘଟଣା ଘଟିବା ଦିନକ ପୂର୍ବରୁ ଗୁଣନିଧି ଗାଁର ପୋଖରୀ କୁ ଗାଧୋଇବାକୁ ଯାଇଥିବା ବେଳେ ଗାଁର କିଛି ଯୁବକ ଜାତିକୁ ଆକ୍ଷେପ କରି ଗାଳି ଦେବା ସହ ମାଡ଼ ମାରିଥିଲେ. ତେବେ ଗତ ରାତି ଗୁଣନିଧି ଘରୁ ବାହାରିଥିବା ବେଳେ ଆଉ ଘରକୁ ଫେରିଲା ନାହିଁ l
ପରିବାର ଲୋକ ବହୁତ ଖୋଜାଖୋଜି କଲା ପରେ ଗୁଣନିଧି ଘରରୁ ପ୍ରାୟ ୨୦୦ ମିଟର ଦୂରରେ ଥିବା ଏକ ଗଛ ରେ ଝୁଲନ୍ତା ଅବସ୍ଥାରେ ମିଳିଥିଲା l ତେବେ ଗୁଣନିଧିଙ୍କୁ ହତ୍ୟା କରି ଆତ୍ମହତ୍ୟାର ରୂପ ଦିଆଯାଇଛି ଏବଂ ତାଙ୍କୁ ନ୍ୟାୟ ଦିଆଯାଉ ବୋଲି ଗୁଣନିଧିଙ୍କ ବାପା କହିଛନ୍ତି l ମୁରିବାହାଲ ପୋଲିସ କଣ୍ଟାବାଞ୍ଜି ଡାକ୍ତରଖାନା ପହଂଚି ଅଧିକ ତଦନ୍ତ ଆରମ୍ଭ କରି ଦେଇଛି l
